மாவட்ட செய்திகள்

ராமநாதபுரத்தில் அடுத்தடுத்த வீடுகளில் 27¾ பவுன் நகைகள் திருட்டு + "||" + Jewelery steals in successive houses in Ramanathapuram

ராமநாதபுரத்தில் அடுத்தடுத்த வீடுகளில் 27¾ பவுன் நகைகள் திருட்டு

ராமநாதபுரத்தில் அடுத்தடுத்த வீடுகளில் 27¾ பவுன் நகைகள் திருட்டு
ராமநாதபுரம் நகரில் அடுத்தடுத்த வீடுகளில் உள்ளே புகுந்த மர்ம நபர்கள் 27¾ பவுன்நகைகளை திருடிச்சென்றுள்ளனர்.

ராமநாதபுரம்,

ராமநாதபுரம் அருகே உள்ள சூரங்கோட்டை குறிஞ்சிநகரை சேர்ந்த நாகராஜன் என்பவரின் மனைவி ஜெயந்தி(வயது34). இவர் வீட்டை பூட்டிவிட்டு களை எடுக்க சென்றுவிட்டாராம். இந்த சமயம் பார்த்து வீட்டு பூட்டை உடைத்து உள்ளே புகுந்த மர்ம நபர்கள் படுக்கை அறையில் உள்ள பீரோவில் வைக்கப்பட்டிருந்த 7½ பவுன் தங்க நகைகளை திருடிக்கொண்டு சென்றுவிட்டனர்.

திரும்பி வந்து பார்த்தபோதுதிருடு போயிருப்பதை அறிந்த ஜெயந்தி அதிர்ச்சி அடைந்து இதுகுறித்து ராமநாதபுரம் பஜார் போலீசில் புகார் செய்தார். அதன்பேரில் போலீசார் வழக்குபதிவு செய்து விசாரித்து வருகின்றனர்.

இதேபோல, குறிஞ்சிநகரை சேர்ந்தவர் மாரி என்பவரின் மனைவி சிவகாமி. இவர் வீட்டைபூட்டிவிட்டு வெளியூர் சென்றிருந்தார். இந்நிலையில் வீட்டுக்குள் புகுந்த மர்ம நபர்கள் பீரோவில் வைக்கப்பட்டிருந்த 20¼ பவுன் நகையை திருடிச் சென்றுவிட்டனர்.

திரும்பிவந்து பார்த்தபோது நகை திடுபோயிருப்பதை கண்டு அதிர்ச்சி அடைந்த சிவகாமி இதுகுறித்து ராமநாதபுரம் பஜார் போலீசில் புகார் செய்தார். போலீசார் வழக்குப்பதிவு செய்து விசாரித்து வருகின்றனர். அடுத்தடுத்த வீடுகளில் நடைபெற்ற இந்த தொடர் திருட்டு சம்பவம் பெரும் பரபரப்பை ஏற்படுத்தி உள்ளது.


தொடர்புடைய செய்திகள்

1. திருட்டு, வழிப்பறியில் ஈடுபட்ட 2 வாலிபர்கள் கைது - 27 பவுன் நகைகள் மீட்பு
திண்டுக்கல் புறநகர் பகுதிகளில் திருட்டு, வழிப்பறியில் ஈடுபட்ட 2 வாலிபர்களை போலீசார் கைது செய்தனர். 27 பவுன் நகைகள் மீட்கப்பட்டன.
2. பல இடங்களில் வீடு புகுந்து திருடிய 4 பேர் கைது - 41 பவுன் நகை மீட்பு
ஈரோடு மாவட்டத்தில் பல இடங்களில் வீடு புகுந்து திருடிய 4 பேரை போலீசார் கைது செய்தனர். அவர்களிடம் இருந்து 41 பவுன் நகை மீட்கப்பட்டது.
3. சார்ஜாவில் இருந்து திருச்சி வந்த விமானத்தில் கேட்பாரற்று கிடந்த 1½ கிலோ தங்கம்
சார்ஜாவில் இருந்து திருச்சி வந்த விமானத்தில் கேட்பாரற்று 1½ கிலோ தங்கம் கிடந்தது. அதை கைப்பற்றிய அதிகாரிகள், அதை கடத்தி வந்தது யார் என்று விசாரணை நடத்தி வருகிறார்கள்.
4. கூடலூரில் திருட்டு சம்பவங்களில் ஈடுபட்ட தொழிலாளி கைது
கூடலூரில் திருட்டு சம்பவங்களில் ஈடுபட்ட தொழிலாளியை போலீசார் கைது செய்தனர்.
5. மல்லசமுத்திரம் அருகே, அடுத்தடுத்து 3 வீடுகளில் 15½ பவுன் நகை, ரூ.1½ லட்சம் திருட்டு
மல்லசமுத்திரம் அருகே, அடுத்தடுத்து 3 வீடுகளில் 15½ பவுன் நகை, ரூ.1½ லட்சம் திருட்டு போனது தொடர்பாக போலீசார் விசாரணை நடத்தி வருகின்றனர்.