மாவட்ட செய்திகள்

திருக்கோவிலூர் அருகே, குடிநீர் கேட்டு காலிகுடங்களுடன் பொதுமக்கள் சாலை மறியல் - போக்குவரத்து பாதிப்பு + "||" + Listening to the water with empty pots Civilian road Stir

திருக்கோவிலூர் அருகே, குடிநீர் கேட்டு காலிகுடங்களுடன் பொதுமக்கள் சாலை மறியல் - போக்குவரத்து பாதிப்பு

திருக்கோவிலூர் அருகே, குடிநீர் கேட்டு காலிகுடங்களுடன் பொதுமக்கள் சாலை மறியல் - போக்குவரத்து பாதிப்பு
திருக்கோவிலூர் அருகே குடிநீர் வசதி கேட்டு காலிகுடங்களுடன் பொதுமக்கள் சாலை மறியல் போராட்டம் நடத்தியதால் போக்கு வரத்து பாதிக்கப்பட்டது.
திருக்கோவிலூர்,

திருக்கோவிலூர் அருகே உள்ள வீரபாண்டி கிராமத்தை சேர்ந்த முத்துராமன் என்பவர் தலைமையில் பொதுமக்கள் குடிநீர் வசதி கேட்டு காலி குடங்களுடன் திருக்கோவிலூர்-வேட்டவலம் சாலையில் திடீர் மறியல் போராட்டம் நடத்தினர். இது குறித்து கிராம மக்கள் கூறும்போது, மோட்டார் பழுதடைந்ததன் காரணமாக கடந்த 5 நாட்களாக குடிநீர் வினியோகம் செய்யப்படவில்லை. இதனால் குடிநீர் கிடைக்காமல் நாங்கள் மிகவும் கஷ்டப்படுகிறோம். வசதி படைத்தவர்கள் பணம் கொடுத்து குடிநீரை வாங்கி பயன்படுத்துகிறார்கள். ஆனால் ஏழைகளான நாங்கள் ஊராட்சி நிர்வாகம் வினியோகம் செய்யும் குடிநீரை நம்பித்தான் இருக்கிறோம். தற்போது கோடை வெயில் சுட்டெரித்து வருவதால் தண்ணீரின் தேவை வழக்கத்தை விட அதிகமாக உள்ளது. எனவே ஊராட்சி நிர்வாகம் உடனடியாக குடிநீர் வசதி செய்து தர வேண்டும் என்று கோரி போராட்டம் நடத்துகிறோம் என்றனர்.

மறியல் போராட்டம் காரணமாக அந்த பகுதியில் போக்குவரத்து பாதிப்பு ஏற்பட்டது. இது பற்றிய தகவல் அறிந்து தமிழ்நாடு குடிநீர் வடிகால் வாரிய உதவி பொறியாளர் ஆனந்தன், முகையூர் வட்டார வளர்ச்சி அதிகாரி காமராஜ், அரகண்டநல்லூர் போலீஸ் இன்ஸ்பெக்டர் பாண்டியன் ஆகியோர் விரைந்து வந்து போராட்டம் நடத்திய பொதுமக்களிடம் பேச்சுவார்த்தை நடத்தினர்.

அப்போது நாளை(இன்று) பழுதடைந்த மோட்டாருக்கு பதிலாக புதிய மோட்டார் அமைத்து குடிநீர் விநியோகம் செய்ய நடவடிக்கை எடுக்கப்படும் என அதிகாரிகள் உறுதி அளித்தனர். இதையடுத்து பொதுமக்கள் போராட்டத்தை கைவிட்டு அங்கிருந்து கலைந்து சென்றனர். குடிநீர் வசதி கேட்டு காலி குடங்களுடன் பொதுமக்கள் போராட்டம் நடத்திய சம்பவத்தால் வீரபாண்டி கிராமத்தில் சிறிது நேரம் பரபரப்பு ஏற்பட்டது.

தொடர்புடைய செய்திகள்

1. அனகாபுத்தூரில் குடிநீர் கேட்டு பொதுமக்கள் சாலை மறியல்
அனகாபுத்தூரில், குடிநீர் கேட்டு பொதுமக்கள் சாலை மறியலில் ஈடுபட்டனர். இதனால் அந்த பகுதியில் அரை மணிநேரம் போக்குவரத்து பாதிக்கப்பட்டது.
2. ஆலங்குடி சுல்தான் நகரில், ஆழ்குழாய் கிணறு அமைப்பதை கண்டித்து பொதுமக்கள் சாலை மறியல்
ஆலங்குடி சுல்தான் நகரில் ஆயிரம் அடியில் ஆழ்குழாய் கிணறு அமைப்பதை கண்டித்து பொதுமக்கள் சாலை மறியலில் ஈடுபட்டனர்.
3. வெங்கல் அருகே குடிநீர் கேட்டு பொதுமக்கள் சாலை மறியல் போக்குவரத்து பாதிப்பு
வெங்கல் அருகே குடிநீர் கேட்டு 300-க்கும் மேற்பட்ட பொதுமக்கள் சாலை மறியல் போராட்டத்தில் ஈடுபட்டனர். இதனால் 4 மணி நேரம் போக்குவரத்து பாதிக்கப்பட்டுள்ளது.
4. திருவாரூர் பழைய பஸ் நிலையத்திற்கு, அனைத்து பஸ்களையும் இயக்க வலியுறுத்தி வர்த்தகர்கள், பொதுமக்கள் சாலை மறியல் - போக்குவரத்து பாதிப்பு
திருவாரூர் பழைய பஸ் நிலையத்திற்கு அனைத்து பஸ்களையும் இயக்க வலியுறுத்தி வர்த்தகர்கள், பொதுமக்கள் சாலை மறியல் போராட்டத்தில் ஈடுபட்டனர். இதனால் அப்பகுதியில் போக்குவரத்து பாதிக்கப்பட்டது.
5. குடிநீர் கேட்டு காலிக்குடங்களுடன் பொதுமக்கள் சாலை மறியல்
குடிநீர் கேட்டு காலிக் குடங்களுடன் பொதுமக்கள் சாலை மறியலில் ஈடுபட்டனர்.