மாவட்ட செய்திகள்

தனியார் மதுபான ஆலையை முற்றுகையிட முயற்சி போலீசார் தடுத்து நிறுத்தி வேன்களில் ஏற்றி சென்றனர் + "||" + The police stopped trying to sabotage the private liquor factory and loaded them in the van

தனியார் மதுபான ஆலையை முற்றுகையிட முயற்சி போலீசார் தடுத்து நிறுத்தி வேன்களில் ஏற்றி சென்றனர்

தனியார் மதுபான ஆலையை முற்றுகையிட முயற்சி போலீசார் தடுத்து நிறுத்தி வேன்களில் ஏற்றி சென்றனர்
கந்தர்வகோட்டை அருகே தனியார் மதுபான ஆலையை முற்றுகையிட முயன்றவர்களை போலீசார் தடுத்து நிறுத்தி வேன்களில் ஏற்றி சென்றனர்.
கந்தர்வகோட்டை,

புதுக்கோட்டை மாவட்டம், கந்தர்வகோட்டை தாலுகா, கல்லாக்கோட்டை கிராமத்தில் தனியாருக்கு சொந்தமான மதுபான ஆலை உள்ளது. இந்த ஆலையை மூடக்கோரி மகளிர் ஆயம் அமைப்பின் சார்பில், அந்த அமைப்பின் தலைவி லெட்சுமி அம்மாள் தலைமையிலும், தமிழ்தேசிய பேரியக்கத்தின் தலைவர் மணியரசன் முன்னிலையிலும் நேற்று முற்றுகையிட்டு போராட்டம் நடத்த முடிவு செய்யப்பட்டது. இதில், நாம் தமிழர் கட்சியை சேர்ந்தவர்களும் பங்கு பெற்றனர்.


முன்னதாக அவர்கள் கல்லாக்கோட்டை கடைவீதியில் இருந்து ஊர்வலமாக புறப்பட்டு மதுபான ஆலையை நோக்கி வந்தனர். ஊர்வலத்தின்போது, மதுவினால் ஏற்படும் தீமைகள் குறித்து கோஷங்களை எழுப்பியபடி வந்தனர். மேலும் நிலத்தடி நீர்மட்டம் வெகுவாக குறைந்து கல்லாக்கோட்டை பகுதியில் விவசாயம் முற்றிலும் அழிந்து விட்டது. ஆகவே, விவசாயத்தை பாதுகாத்திடவும், பெண்களின் வாழ்வாதாரத்தை காத்திடவும் இந்த ஆலையை மூட வேண்டும் என கூறி ஆலையை முற்றுகையிட வந்தனர்.

தடுத்து நிறுத்திய போலீசார்

போராட்டம் காரணமாக ஆலை முன்பு புதுக்கோட்டை டவுன் துணை போலீஸ் சூப்பிரண்டு ஆறுமுகம், கந்தர்வகோட்டை போலீஸ் இன்ஸ்பெக்டர் தினேஷ் குமார் தலைமையில் 300-க்கும் மேற்பட்ட போலீசார் குவிக்கப்பட்டிருந்தனர். ஆலையை முற்றுகையிட வந்தவர்களை போலீசார் தடுத்து நிறுத்தி அவர்களை போலீஸ் வேன்களில் ஏற்றி கந்தர்வகோட்டையில் உள்ள தனியார் திருமண மண்டபத்தில் அடைத்தனர்.


தொடர்புடைய செய்திகள்

1. முதன்மை கல்வி அலுவலகத்தை முற்றுகையிட முயன்ற 12 போ் கைது
5, 8-ம் வகுப்புகளுக்கு நடப்பு கல்வியாண்டு முதல் பொதுத்தேர்வு நடைபெறும் என தமிழக அரசு அறிவித்துள்ளது. இதற்கு அரசியல் கட்சியினர் மற்றும் பல்வேறு அமைப்பினர் எதிர்ப்பு தெரிவித்து வருகின்றனர்.
2. வீட்டை மீட்டு தரக்கோரி குடும்பத்துடன் பெண் தீக்குளிக்க முயற்சி பெரம்பலூர் கலெக்டர் அலுவலகத்தில் பரபரப்பு
வீட்டை மீட்டு தரக்கோரி குடும்பத்துடன் பெண் தீக்குளிக்க முயன்ற சம்பவம் பெரம்பலூர் கலெக்டர் அலுவலகத்தில் பரபரப்பை ஏற்படுத்தியது.
3. போலீஸ் சூப்பிரண்டு அலுவலகம் முன் கடைக்காரர் தீக்குளிக்க முயன்றதால் பரபரப்பு
நாகர்கோவிலில் போலீஸ் சூப்பிரண்டு அலுவலகம் முன் கடைக்காரர் தீக்குளிக்க முயன்றதால் பரபரப்பு ஏற்பட்டது.
4. கடந்த 10 ஆண்டுகளில் மாயமானவர்களை கண்டுபிடிக்க போலீசார் புது முயற்சி டி.ஐ.ஜி. பாலகிருஷ்ணன் தலைமையில் நடந்தது
திருச்சி சரகத்தில் கடந்த 10 ஆண்டுகளில் மாயமானவர்களை கண்டுபிடிக்க போலீசார் புதிய முயற்சியை கையாண்டனர்.
5. பெரம்பலூர் கலெக்டர் அலுவலகத்தில் பெண் உள்பட 2 பேர் தீக்குளிக்க முயற்சி
பெரம்பலூர் கலெக்டர் அலுவலகத்தில் பெண் உள்பட 2 பேர் மண்எண்ணெயை ஊற்றி தீக்குளிக்க முயன்ற சம்பவங்கள் பெரும் பரபரப்பை ஏற்படுத்தியது.

அதிகம் வாசிக்கப்பட்டவை