மாவட்ட செய்திகள்

மு.க.ஸ்டாலினின் முதல்-அமைச்சர் கனவு பலிக்காது - சரத்குமார் பேச்சு + "||" + MK Stalin chief Minister dream does not succeed - Sarath kumar Talk

மு.க.ஸ்டாலினின் முதல்-அமைச்சர் கனவு பலிக்காது - சரத்குமார் பேச்சு

மு.க.ஸ்டாலினின் முதல்-அமைச்சர் கனவு பலிக்காது - சரத்குமார் பேச்சு
முதல்-அமைச்சர் ஆகிவிடலாம் என்ற ஸ்டாலின் கனவு பலிக்காது என்று ச.ம.க. தலைவர் சரத்குமார் தெரிவித்தார்.
திருப்பரங்குன்றம்,

திருப்பரங்குன்றம் சட்டமன்ற தொகுதியில் போட்டியிடும் அ.தி.மு.க. வேட்பாளர் முனியாண்டியை ஆதரித்து சமத்துவ மக்கள் கட்சி தலைவரும், நடிகருமான சரத்குமார் திருப்பரங்குன்றம் பஸ் நிலையம், தனக்கன்குளம், பி.ஆர்.சி.காலனி, நாகமலைபுதுக்கோட்டை உள்ளிட்ட பகுதிகளில் பிரசாரம் செய்தார். அப்போது அவர் பேசியதாவது:-


மக்களால் நான் மக்களுக்காகவே நான் என்று வாழ்ந்தவர் ஜெயலலிதா. அவர் இல்லையென்றாலும் அவரது வழியில் தற்போது முதல்-அமைச்சர் எடப்பாடி பழனிசாமி நலத்திட்டங்களை சிறப்பாக செயல்படுத்தி வருகிறார். குறிப்பாக பெண்களுக்காக பல்வேறு நலத்திட்டங்களை அ.தி.மு.க. அரசு செயல்படுத்தி வருகிறது.

தி.மு.க. தலைவர் மு.க.ஸ்டாலின் குறுக்கு வழியில் முதல்-அமைச்சர் ஆகிவிடலாம் என்ற எண்ணத்தோடு, வருகிற 23-ந்தேதிக்கு பிறகு தமிழகத்தில் ஆட்சி மாற்றம் வருவது உறுதி என்று கூறி வருகிறார். ஆட்சியை கலைத்து முதல்-அமைச்சராக வேண்டும் என்பது ஒரு கட்சிக்கும், அக்கட்சியின் தலைவருக்கும் உகந்ததா? ஸ்டாலினின் முதல்-அமைச்சர் கனவு பலிக்காது.

சட்டசபையில் மக்களுக்காக அவர் குரல் கொடுப்பதில்லை. சட்டசபையில் இருந்து வெளியேறிவிடுவார். சட்டையை கிழித்து கொண்டு வந்துவிடுவார். எதற்காக அவ்வாறு செய்தோம் என்று அவருக்கே தெரியாது. ராகுல்காந்தியை பிரதமராவார் என்று கூறிய அவர், தற்போது சந்திரசேகரராவை பேசிக்கொண்டிருக்கிறார். புதிதாக கட்சி ஆரம்பித்தவர் தீவிரவாதம் என்று தேவையில்லாததை பேசி குழப்பத்தை ஏற்படுத்தி வருகிறார். திருப்பரங்குன்றம் தொகுதியில் அ.தி.மு.க. வேட்பாளர் முனியாண்டி வெற்றி பெறுவது உறுதி. அவரை எதிர்த்து போட்டியிடும் வேட்பாளர்கள் டெபாசிட் இழப்பார்கள்.

இவ்வாறு அவர் கூறினார்.

தொடர்புடைய செய்திகள்

1. காற்றாலை மற்றும் சூரிய சக்தி மின்சாரம் : கட்டமைப்புகளை பார்வையிட்டார் முதலமைச்சர்
இங்கிலாந்து நாட்டில் உள்ள காற்றாலை மற்றும் சூரிய சக்தி மின்சார கட்டமைப்புகளை முதலமைச்சர் எடப்பாடி பழனிசாமி பார்வையிட்டார்.
2. பாலியல் வழக்குகளை விசாரிக்க விரைவில் தனி கோர்ட்டு முதல்-அமைச்சர் எடப்பாடி பழனிசாமி அறிவிப்பு
பாலியல் வழக்குகளை விசாரிக்க விரைவில் தனி கோர்ட்டு அமைக்கப்படும் என்று முதல்-அமைச்சர் எடப்பாடி பழனிசாமி கூறினார்.
3. வீராம்பட்டினத்தில் செங்கழுநீர் அம்மன் கோவில் தேரோட்டம்; கவர்னர், முதல்-அமைச்சர் வடம் பிடித்து தொடங்கி வைத்தனர்
வீராம்பட்டினம் செங்கழுநீர் அம்மன் கோவில் தேரோட்டத்தை கவர்னர் கிரண்பெடி, முதல்-அமைச்சர் நாராயணசாமி ஆகியோர் வடம் பிடித்து இழுத்து தொடங்கி வைத்தனர். இதில் ஏராளமான பக்தர்கள் கலந்துகொண்டு சாமி தரிசனம் செய்தனர்.
4. கரூர் அரசு மருத்துவக்கல்லூரி மருத்துவமனையை காணொலிக்காட்சி மூலம் திறந்து வைத்தார் முதலமைச்சர் பழனிசாமி
கரூர் மாவட்டம் காந்தி கிராமத்தில் சுமார் 269 கோடி ரூபாய் மதிப்பீட்டில் கட்டி முடிக்கப்பட்டுள்ள அரசு மருத்துவக் கல்லூரி மருத்துவமனையை முதலமைச்சர் எடப்பாடி பழனிசாமி திறந்து வைத்தார்.
5. “மு.க.ஸ்டாலினின் முதல்-அமைச்சர் கனவு ஒருபோதும் பலிக்காது” தேர்தல் பிரசாரத்தில் எடப்பாடி பழனிசாமி ஆரூடம்
“மு.க.ஸ்டாலினின் முதல்- அமைச்சர் கனவு ஒருபோதும் பலிக்காது” என்று அரவக்குறிச்சி தேர்தல் பிரசாரத்தில் முதல்-அமைச்சர் எடப்பாடி பழனிசாமி கூறினார்.

அதிகம் வாசிக்கப்பட்டவை