மாவட்ட செய்திகள்

ஓடும் பஸ்சில் திடீர் மாரடைப்பு பயணிகளை காப்பாற்றி உயிரை விட்ட டிரைவர் + "||" + Running bus Sudden heart attack Save passengers The driver who died

ஓடும் பஸ்சில் திடீர் மாரடைப்பு பயணிகளை காப்பாற்றி உயிரை விட்ட டிரைவர்

ஓடும் பஸ்சில் திடீர் மாரடைப்பு பயணிகளை காப்பாற்றி உயிரை விட்ட டிரைவர்
ஓடும் பஸ்சில் மாரடைப்பால் டிரைவர் பலியானார். முன்னதாக அவர் பஸ்சை நிறுத்தியதால் பயணிகள் அதிர்ஷ்டவசமாக உயிர் தப்பினர்.
மும்பை,

மும்பை தின்தோஷியில் இருந்து நவிமும்பை நோக்கி 523-ம் நம்பர் கொண்ட பெஸ்ட் பஸ் ஒன்று நேற்று முன்தினம் சென்று கொண்டிருந்தது. இந்த பஸ்சை டிரைவர் ராஜாராம் கிஷன் என்பவர் ஓட்டி சென்றார். காஞ்சூர்மார்க் அருகே பஸ் வந்த போது டிரைவர் ராஜாராம் கிஷனுக்கு திடீரென மாரடைப்பு ஏற்பட்டது.


இதனால் விபரீதத்தை உணர்ந்த அவர் பஸ்சை நடுவழியிலேயே பிரேக் போட்டு நிறுத்தினார். பின்னர் அப்படியே ஸ்டீயரிங்கில் மயங்கி விழுந்தார். இதை பார்த்து அதிர்ச்சி அடைந்த பயணிகள் உடனடியாக அவரை மீட்டு ஆம்புலன்சில் அருகில் உள்ள ஆஸ்பத்திரிக்கு அனுப்பி வைத்தனர்.

அங்கு பரிசோதனை செய்த டாக்டர்கள் அவர் ஏற்கனவே இறந்து விட்டதாக தெரிவித்தனர். அவர் மாரடைப்பு காரணமாக உயிரிழந்ததை டாக்டர்கள் உறுதி செய்தனர். தகவல் அறிந்து வந்த போலீசார் அவரது உடலை கைப்பற்றி பிரேத பரிசோதனைக்கு அனுப்பி வைத்தனர்.

இதற்கிடையே நடுவழியில் நின்ற பஸ் வேறொரு டிரைவர் மூலம் அங்கிருந்து எடுத்து செல்லப்பட்டது.

இதுகுறித்து அந்த பஸ்சில் பயணித்த ஒருவர் கூறுகையில், ‘‘மாரடைப்பு ஏற்பட்டதும், பஸ்சை நிறுத்தாமல் இருந்து இருந்தால் பெரும் விபத்து நேரிட்டு இருக்கும். அவர் தங்களை காப்பாற்றிவிட்டு, அவரது உயிரை விட்டு விட்டார்’’ என்றார்.

சம்பவம் குறித்து போலீசார் வழக்குப்பதிவு செய்த விசாரணை நடத்தி வருகின்றனர்.

தொடர்புடைய செய்திகள்

1. ஓடும் பஸ்சில் மாரடைப்பால் டிரைவர் பலி தாறுமாறாக ஓடிய பஸ்சை கட்டுப்படுத்திய துணிச்சல் வாலிபர்
வேளச்சேரி அருகே ஓடும் மாநகர பஸ்சில் டிரைவர் மாரடைப்பால் உயிரிழந்தார். தாறுமாறாக ஓடிய பஸ்சை வாலிபர் ஒருவர் துணிச்சலாக கட்டுப்படுத்தினார்.
2. செய்யாறில் பட்டப்பகலில் பயங்கரம்: ஓடும் பஸ்சில் வாலிபர் சரமாரி வெட்டிக்கொலை
செய்யாறில் பட்டப்பகலில் வாலிபரை ஓட, ஓட விரட்டிச்சென்று பஸ்சில் வைத்து சரமாரியாக ஒரு கும்பல் வெட்டிக்கொலை செய்தது. இதுதொடர்பாக 10 பேர் கொண்ட கும்பலை போலீசார் வலைவீசி தேடி வருகின்றனர்.
3. காட்டுமன்னார்கோவிலில், ஓடும் பஸ்சில் தலைமை ஆசிரியையிடம் ரூ.50 ஆயிரம், செல்போன் அபேஸ்
காட்டுமன்னார்கோவிலில் ஓடும் பஸ்சில் கூட்ட நெரிசலை பயன்படுத்தி தலைமை ஆசிரியையிடம் ரூ.50 ஆயிரம், செல்போன் ஆகியவற்றை அபேஸ் செய்த மர்ம நபரை போலீசார் தேடி வருகின்றனர்.
4. ஓடும் பஸ்சில் மீன் வியாபாரியிடம் ரூ.65 ஆயிரம் திருட்டு மர்மநபர் குறித்து போலீசார் விசாரணை
ஓடும் பஸ்சில் மீன் வியாபாரியிடம் ரூ.65 ஆயிரத்தை திருடிச் சென்ற மர்மநபர் குறித்து போலீசார் விசாரணை நடத்தி வருகிறார்கள்.
5. கோரேகாவில் ஓடும் பஸ்சில் பயங்கர தீ பயணிகள் அதிர்ஷ்டவசமாக உயிர் தப்பினர்
கோரேகாவில் நடுரோட்டில் ஓடும் பெஸ்ட் பஸ் தீப்பிடித்து எரிந்தது. அதில் இருந்த பயணிகள் அதிர்ஷ்டவசமாக உயிர் தப்பினர்.