மாவட்ட செய்திகள்

ஊழல்வாதிகள் ஆட்சிக்கு வருவதை தடுக்க அ.தி.மு.க.வுக்கு ஆதரவு தாருங்கள் கிருஷ்ணசாமி பேச்சு + "||" + Support the AIADMK to prevent corruption from coming to power

ஊழல்வாதிகள் ஆட்சிக்கு வருவதை தடுக்க அ.தி.மு.க.வுக்கு ஆதரவு தாருங்கள் கிருஷ்ணசாமி பேச்சு

ஊழல்வாதிகள் ஆட்சிக்கு வருவதை தடுக்க அ.தி.மு.க.வுக்கு ஆதரவு தாருங்கள் கிருஷ்ணசாமி பேச்சு
ஊழல்வாதிகள் ஆட்சிக்கு வருவதை தடுக்க அ.தி.மு.க.வுக்கு ஆதரவு தாருங்கள் என அரவக்குறிச்சி பிரசாரத்தில் கிருஷ்ணசாமி பேசினார்.
நொய்யல்,

கரூர் மாவட்டம் அரவக்குறிச்சி சட்டமன்ற தொகுதி இடைத்தேர்தலில் அ.தி.மு.க. சார்பில் வி.வி.செந்தில்நாதன் போட்டியிடுகிறார். அவரை ஆதரித்து புகளூர் ஹைஸ்கூல்மேடு, மோதிகாட்டூர், விஸ்வநாதபுரி, நஞ்சைக்காளக்குறிச்சி, சின்னதாராபுரம், ராஜபுரம், அரவக்குறிச்சி உள்ளிட்ட இடங்களில் திறந்த வாகனத்தில் நின்றபடி புதிய தமிழகம் கட்சி தலைவர் டாக்டர் கிருஷ்ணசாமி பிரசாரத்தில் ஈடுபட்டார். அப்போது அவர் பேசியதாவது:-


கடந்த முறை அரவக்குறிச்சி தொகுதியில் நீங்கள் வாக்களித்து வெற்றி பெற்றவர் (செந்தில்பாலாஜி), கட்சி மாறி கொள்கை மாறி திசை மாறி போனதால் தான் தற்போது தேர்தல் வந்திருக்கிறது. எடப்பாடி பழனிசாமி தற்போது மக்களுக்கான திட்டங்களை முன்வைத்து நல்ல முறையில் ஆட்சி செய்கிறார். பொங்கல் பண்டிகையையொட்டி அனைத்து சமுதாய மக்களும் பயன்பெறும் வகையில் பொங்கல் பரிசோடு சேர்த்து ரூ.ஆயிரம் வழங்கினார்.

அதன் பிறகு தற்போது வறட்சியால் பாதிக்கப்பட்ட ஏழை, எளியோர் பயன்பெறும் வகையில் வறுமையில் வாடுவோருக்கு ரூ.2 ஆயிரம் நிதி வழங்க உத்தரவிடப்பட்டது. ஆனால் அதனை வழக்கு போட்டு தி.மு.க. தடுத்து விட்டது. எனினும் வருகிற 23-ந்தேதி வாக்கு எண்ணிக்கை முடியும். அதன்பிறகு 27-ந்தேதி தேர்தல் நடத்தை விதிகள் விலக்கி கொள்ளப்படும். இதன் பின்னர் மீண்டும் ரூ.2 ஆயிரம் வழங்கும் பணி தொடங்கும். மக்களுக்கான நல்ல திட்டங்களை வழங்கி வரும் நல்ல மனிதர் முதல்-அமைச்சர் எடப்பாடி பழனிசாமி. ஆனால் அவரை ஆட்சியிலிருந்து அகற்ற முயற்சிக்கின்றனர். அதற்கு இடம் கொடுக்கக்கூடாது என்றால், இரட்டை இலை சின்னத்திற்கு வாக்களிக்க வேண்டும்.

100 நாள் வேலை திட்டத்தை 200 நாட்களாக உயர்த்துவது பற்றி நாடாளுமன்றத்தில் எடுத்துரைக்க நாங்கள் தயாராக இருக்கிறோம். மேலும் பள்ளர் உள்ளிட்ட 6 உட்பிரிவுகளை ஒன்றாக்கி தேவேந்திரகுல வேளாளர் என மாற்றம் செய்ய நாம் போராடி வருகிறோம். அந்த கோரிக்கை விரைவில் நிறைவேறப்போகிறது. நம் முன்னோர் காலத்திலிருந்து 100 ஆண்டுகளாக இந்த கோரிக்கையை முன் வைக்கிறோம். தேர்தல் முடிந்ததும் அதை முதல்-அமைச்சர் நிறைவேற்றி தருவார். ஏழை, எளிய மக்களுக்கு அனைத்து விதமான சலுகைகள் வந்து சேரவும், ஊழல்வாதிகள் ஆட்சிக்கு வருவதை தடுக்க மக்கள் சிந்தித்து பார்த்து அ.தி.மு.க.வுக்கு ஆதரவு தந்து எடப்பாடி பழனிசாமியின் கரத்தை வலுப்படுத்துங்கள்.

இவ்வாறு அவர் கூறினார்.

வாக்கு சேகரிப்பின்போது அமைச்சர் எம்.ஆர்.விஜயபாஸ்கர் உள்பட கூட்டணி கட்சியினர் உடன் இருந்தனர். 

தொடர்புடைய செய்திகள்

1. மயிலாடுதுறையை மாவட்டமாக அறிவிக்கக்கோரி 5 ஒன்றியங்களில் விழிப்புணர்வு பிரசாரம் மாவட்ட அமைப்புக்குழு சார்பில் நடந்தது
மயிலாடுதுறையை மாவட்டமாக அறிவிக்கக்கோரி 5 ஒன்றியங்களில் விழிப்புணர்வு பிரசாரம் மாவட்ட அமைப்புக்குழு சார்பில் நடந்தது.
2. புதிய கல்வி கொள்கையை திரும்ப பெறக்கோரி மார்க்சிஸ்ட் கம்யூனிஸ்டு கட்சியினர் தெருமுனை பிரசாரம்
புதிய கல்வி கொள்கையை திரும்ப பெறக்கோரி மார்க்சிஸ்ட் கம்யூனிஸ்டு கட்சியினர் தெருமுனை பிரசாரம் முத்துப்பேட்டையில் நடந்தது.
3. திருமணிமுத்தாறு-காவிரி உபரிநீர் திட்டத்தை நிறைவேற்றக்கோரி இருசக்கர வாகன பிரசாரம்
திருமணிமுத்தாறு-காவிரி உபரிநீர் திட்டத்தை நிறைவேற்றக்கோரி நேற்று மார்க்சிஸ்ட் கம்யூனிஸ்டு கட்சி சார்பில் இருசக்கர வாகன பிரசாரம் நடைபெற்றது.
4. நாகர்கோவிலை சேர்ந்தவர்கள் பாலியல் வன்முறைக்கு எதிராக விழிப்புணர்வு பிரசாரம் காஷ்மீரில் இருந்து கன்னியாகுமரி வந்தனர்
காஷ்மீரில் இருந்து கன்னியாகுமரி வரை பாலியல் வன்முறைக்கு எதிராக நாகர்கோவிலை சேர்ந்தவர்கள் விழிப்புணர்வு பிரசாரம் மேற்கொண்டனர்.
5. அரவக்குறிச்சி தொகுதியில் பணப்பட்டுவாடா தொடங்கி விட்டது தேர்தல் ஆணையம் கண்டுகொள்ளுமா? கமல்ஹாசன் கேள்வி
அரவக்குறிச்சி தொகுதியில் பணப்பட்டுவாடா தொடங்கி விட்டது. இதை தேர்தல் ஆணையம் கண்டுகொள்ளுமா? என கமல்ஹாசன் தேர்தல் பிரசாரத்தில் கேள்வி எழுப்பினார்.