மாவட்ட செய்திகள்

கோழி இறைச்சி கடையில் வைத்து விற்பனை, 260 கிலோ புகையிலை பொருட்கள் பறிமுதல் - வியாபாரி கைது + "||" + 260kg tobacco products Confiscation - Dealer arrested

கோழி இறைச்சி கடையில் வைத்து விற்பனை, 260 கிலோ புகையிலை பொருட்கள் பறிமுதல் - வியாபாரி கைது

கோழி இறைச்சி கடையில் வைத்து விற்பனை, 260 கிலோ புகையிலை பொருட்கள் பறிமுதல் - வியாபாரி கைது
திண்டுக்கல்லில் 260 கிலோ புகையிலை பொருட்களை போலீசார் பறிமுதல் செய்தனர். கோழி இறைச்சி கடையில் வைத்து விற்றவரை, போலீசார் கைது செய்தனர்.
திண்டுக்கல்,

திண்டுக்கல் ஏ.எம்.சி.சாலையில் ஒரு கோழி இறைச்சி கடையில், புகையிலை பொருட்கள் விற்கப்படுவதாக போலீசாருக்கு ரகசிய தகவல் கிடைத்தது. அதன்பேரில் போலீஸ் சூப்பிரண்டின் தனிப்படை போலீஸ் சப்-இன்ஸ்பெக்டர் மாரிமுத்து, வடக்கு போலீஸ் சப்-இன்ஸ்பெக்டர்கள் சுந்தரேஸ்வரன், சுல்தான்பாட்சா மற்றும் போலீசார் அங்கு விரைந்தனர்.

மேலும் இறைச்சிக்கடைக்குள் அதிரடியாக நுழைந்து சோதனை நடத்தினர். அப்போது அரசால் தடை செய்யப்பட்ட புகையிலை பொருட்கள் அங்கு இருந்தன. இதையடுத்து அவற்றை போலீசார் பறிமுதல் செய்தனர். மேலும் கோழி இறைச்சி வியாபாரியான குமரன்திருநகரை சேர்ந்த நாகராஜன் (வயது 47) என்பவரை பிடித்து விசாரித்தனர். அதில் புகையிலை பொருட்களை மொத்தமாக வாங்கி இறைச்சி கடையில் வைத்து விற்றது தெரியவந்தது.

மேலும் மாசிலாமணிபுரம் ராமர்காலனியில் ஒரு வீட்டில் புகையிலை பொருட்களை பதுக்கி வைத்து இருப்பதும் தெரியவந்தது. இதைத் தொடர்ந்து அந்த வீட்டில் இருந்த புகையிலை பொருட்களையும் போலீசார் பறிமுதல் செய்தனர். இதன்மூலம் இறைச்சி கடை மற்றும் வீட்டில் இருந்த 260 கிலோ புகையிலை பொருட்கள் பறிமுதல் செய்யப்பட்டன.

இதன் மதிப்பு ரூ.2½ லட்சம் என்று போலீசார் தெரிவித்தனர். மேலும் இதுதொடர்பாக வடக்கு போலீசார் வழக்குப்பதிவு செய்து நாகராஜனை கைது செய்தனர். மேலும் அவரிடம் தொடர்ந்து விசாரித்து வருகின்றனர். 

தொடர்புடைய செய்திகள்

1. நாமக்கல்லில் தடைசெய்யப்பட்ட ரூ.4 லட்சம் புகையிலை பொருட்கள் பறிமுதல் - 3 பேர் கைது
நாமக்கல்லில் தமிழக அரசால் தடைசெய்யப்பட்ட ரூ.4 லட்சம் மதிப்பிலான புகையிலை பொருட்களை பறிமுதல் செய்த போலீசார் 3 பேரை கைது செய்து விசாரணை நடத்தி வருகின்றனர்.
2. கன்னிவாடி அருகே, வீட்டில் பதுக்கி வைக்கப்பட்ட புகையிலை பொருட்கள் பறிமுதல் - 2 வாலிபர்கள் மீது வழக்கு
கன்னிவாடி அருகே, வீட்டில் பதுக்கி வைக்கப்பட்ட புகையிலை பொருட்களை போலீசார் பறிமுதல் செய்தனர். மேலும் இதுதொடர்பாக 2 வாலிபர்கள் மீது வழக்குப்பதிவு செய்யப்பட்டுள்ளது.
3. சாத்தூர் அருகே குடோனில் பதுக்கிய ரூ.10 லட்சம் புகையிலை பொருட்கள் பறிமுதல் ஒருவர் கைது
சாத்தூர் அருகே குடோனில் பதுக்கி வைத்திருந்த ரூ.10 லட்சம் புகையிலை பொருட்களை போலீசார் பறிமுதல் செய்தனர். இதுதொடர்பாக ஒருவர் கைது செய்யப்பட்டார்.
4. பெங்களூருவில் இருந்து திண்டுக்கல்லுக்கு, ஆம்னி பஸ்சில் கடத்திய 600 கிலோ புகையிலை பொருட்கள் பறிமுதல் - டிரைவர்கள் உள்பட 5 பேர் கைது
பெங்களூருவில் இருந்து திண்டுக்கல்லுக்கு கடத்திய 600 கிலோ புகையிலை பொருட்கள் பறிமுதல் செய்யப்பட்டன. டிரைவர் உள்பட 5 பேர் கைது செய்யப்பட்டனர்.
5. ஈரோட்டில் ரூ.16 லட்சம் புகையிலை பொருட்கள் பறிமுதல்; அதிகாரிகள் நடவடிக்கை
ஈரோட்டில் ரூ.16 லட்சம் புகையிலை பொருட்களை அதிகாரிகள் பறிமுதல் செய்து நடவடிக்கை எடுத்தனர்.

அதிகம் வாசிக்கப்பட்டவை