மாவட்ட செய்திகள்

நாமக்கல் மாவட்டத்தில் 4 ஆண்டுகளில் 260 குழந்தைகள் விற்பனை? சி.பி.சி.ஐ.டி. போலீசார் விசாரணை + "||" + Namakkal district 260 children in 4 years to sell CB Police investigation

நாமக்கல் மாவட்டத்தில் 4 ஆண்டுகளில் 260 குழந்தைகள் விற்பனை? சி.பி.சி.ஐ.டி. போலீசார் விசாரணை

நாமக்கல் மாவட்டத்தில் 4 ஆண்டுகளில் 260 குழந்தைகள் விற்பனை? சி.பி.சி.ஐ.டி. போலீசார் விசாரணை
நாமக்கல் மாவட்டத்தில் கடந்த 4 ஆண்டுகளில் 260 குழந்தைகள் விற்பனை செய்யப்பட்டார்களா? என்பது குறித்து சி.பி.சி.ஐ.டி. போலீசார் விசாரணை நடத்தி வருகின்றனர்.

சேலம், 

நாமக்கல் மாவட்டம் ராசிபுரத்தில் சட்ட விரோதமாக குழந்தைகள் விற்பனை செய்த விவகாரம் தமிழகம் முழுவதும் பெரும் பரபரப்பை ஏற்படுத்தியது. இது தொடர்பாக ஓய்வு பெற்ற நர்சு உதவியாளர் அமுதவள்ளி உள்பட 9 பேர் கைது செய்யப்பட்டுள்ளனர். இந்த வழக்கு சி.பி.சி.ஐ.டி.க்கு மாற்றப்பட்டு விசாரணை நடத்தப்பட்டு வருகிறது.

நாமக்கல் மாவட்டத்தில் கொல்லிமலை பகுதியில் ஏராளமான குழந்தைகள் விற்பனை செய்யப்பட்டு உள்ளதாக கிடைத்த தகவலின்பேரில், அந்த மாவட்ட சுகாதாரத்துறை இணை இயக்குனர் ரமேஷ்குமார், மாவட்டம் முழுவதும் குழந்தைகள் கணக்கெடுக்கும் பணியை மேற்கொண்டார். இவரிடமும் சி.பி.சி.ஐ.டி. போலீசார் விசாரணை நடத்தினர்.

அதேசமயம், கைது செய்யப்பட்ட அமுதவள்ளி உள்பட சிலர் கொடுத்த தகவலின் அடிப்படையில் சி.பி.சி.ஐ.டி. போலீசார் விசாரணை நடத்தி வருகிறார்கள். இதில், ஒரு குழந்தையை விற்பனை செய்வதற்கு 8–க்கும் மேற்பட்ட புரோக்கர்களுக்கு தொடர்பு இருப்பது தெரியவந்துள்ளது. இதனால் இது தொடர்பாக ஈரோடு, பள்ளிபாளையம் பகுதியில் விசாரணை நடத்தி வருகின்றனர்.

இது ஒருபுறம் இருக்க, நாமக்கல் மாவட்டத்தில் மட்டும் கடந்த 4 ஆண்டுகளில் 4,300 குழந்தைகள் பிறந்திருப்பதும், இதில் 260–க்கும் மேற்பட்ட குழந்தைகளின் நிலை என்ன என்பது தெரியவில்லை எனவும் சி.பி.சி.ஐ.டி.போலீசாரிடம் நாமக்கல் மாவட்ட சுகாதாரத்துறை அதிகாரிகள் அறிக்கை கொடுத்துள்ளதாக கூறப்படுகிறது.

இதனால் அந்த 260 குழந்தைகள் விற்பனை செய்யப்பட்டார்களா? அல்லது அவர்கள் வேறு இடத்திற்கு குடிமாறி சென்றுவிட்டார்களா? என்பது குறித்து சி.பி.சி.ஐ.டி.போலீசார் விசாரணை மேற்கொண்டு வருகின்றனர். இதுதவிர, 260 குழந்தைகளின் முகவரிகளை வைத்துக்கொண்டு நாமக்கல் மாவட்டம் முழுவதும் சி.பி.சி.ஐ.டி. போலீசார் விசாரணையை துரிதப்படுத்தியுள்ளதாக கூறப்படுகிறது.

அதேசமயம், நாமக்கல் மாவட்டத்தில் கடந்த 4 ஆண்டுகளில் பிறந்த குழந்தைகளின் விவரத்தை கணக்கெடுத்து அவற்றை சரி செய்து உறுதிப்படுத்தும் பணியில் சுகாதாரத்துறையினர் ஈடுபட்டு வருகின்றனர்.


தொடர்புடைய செய்திகள்

1. பல்லடத்தில் சார் பதிவாளர் அலுவலகத்தில் லஞ்சமாக பெற்ற ரூ.7 லட்சத்தை கைமாற்றிய 2 அதிகாரிகள் சிக்கினர்; லஞ்ச ஒழிப்பு போலீசார் தீவிர விசாரணை
சார் பதிவாளர் அலுவலகத்தில் லஞ்சமாக பெற்ற ரூ. 7 லட்சத்தை கைமாற்றிய 2 அதிகாரிகள் சிக்கினர். அவர்களிடம் லஞ்ச ஒழிப்பு போலீசார் தீவிர விசாரணை நடத்தி வருகிறார்கள். இதனால் பல்லடத்தில் பரபரப்பு ஏற்பட்டது.
2. பேரணாம்பட்டு அருகே ஆசிரியைகள் மோதல்; பள்ளிக்கு பூட்டு போட்ட பொதுமக்கள் கல்வி அலுவலர் விசாரணை
பேரணாம்பட்டு அருகே அரசு பள்ளியில் தலைமை ஆசிரியை – ஆசிரியை இருவரும் சண்டை போட்டு கொண்டதால் பொதுமக்கள் பள்ளியை மூடினர். இதனால் பரபரப்பு ஏற்பட்டு உள்ளது.
3. எண்ணூரில் அனல்மின் நிலைய பணிக்கு வைத்து இருந்த 100 ராட்சத பிளாஸ்டிக் குழாய்கள் எரிந்து நாசம்; போலீஸ் விசாரணை
எண்ணூரில் அனல்மின் நிலைய பணிக்காக வைத்து இருந்த 100 ராட்சத பிளாஸ்டிக் குழாய்கள் எரிந்து நாசமானது. இதனால் ஏற்பட்ட கரும்புகையால் அருகில் வசிக்கும் பொதுமக்களுக்கு மூச்சுத்திணறல் ஏற்பட்டது. நாசவேலை காரணமா? என போலீசார் விசாரித்து வருகின்றனர்.
4. ஈரோடு பஸ் நிலையத்தில் நிறுத்தப்பட்டபோது புகை வந்த நடமாடும் ஏ.டி.எம். எந்திரத்தில் ரூ.9 லட்சம் மாயம் போலீஸ் விசாரணை
ஈரோடு பஸ்நிலையத்தில் நிறுத்தப்பட்டு இருந்தபோது, புகை வந்த நடமாடும் ஏ.டி.எம். எந்திரத்தில் ரூ.9 லட்சம் மாயமானது. இதுகுறித்து போலீசார் விசாரணை நடத்தி வருகிறார்கள்.
5. காட்டுமன்னார்கோவில் போலீஸ் நிலையத்தில் பரபரப்பு, விசாரணைக்கு அழைத்து செல்லப்பட்ட வாலிபர் சாவு
காட்டுமன்னார்கோவில் போலீஸ் நிலையத்தில் விசாரணைக்கு அழைத்து செல்லப்பட்ட வாலிபர் உயிரிழந்தார். அவரை போலீசார் அடித்துக் கொன்றதாக உறவினர்கள் புகார் தெரிவித்துள்ளனர். இந்த சம்பவம் குறித்து போலீஸ் தரப்பில் கூறப்பட்டதாவது:-

அதிகம் வாசிக்கப்பட்டவை