மாவட்ட செய்திகள்

சமூக விரோத செயல்கள் நடைபெறுவதால் ரெயில்வே பாலங்களில் கண்காணிக்க வலியுறுத்தல் + "||" + Anti-social activities are taking place Emphasis on monitoring the railway bridges

சமூக விரோத செயல்கள் நடைபெறுவதால் ரெயில்வே பாலங்களில் கண்காணிக்க வலியுறுத்தல்

சமூக விரோத செயல்கள் நடைபெறுவதால் ரெயில்வே பாலங்களில் கண்காணிக்க வலியுறுத்தல்
மானாமதுரையில் உள்ள ரெயில்வே பாலங்களில் சமூக விரோத செயல்கள் நடைபெறுவதால், பாலங்களில் பலத்த கண்காணிப்பு நடத்த வேண்டும் என்று ரெயில்வே ஊழியர்கள் வலியுறுத்தி உள்ளனர்.

மானாமதுரை,

நாடு சுதந்திரம் அடைந்த பின்னர் தமிழகத்தில் உருவாக்கப்பட்ட 7முக்கிய ரெயில்வே நிலையங்களில் மானாமதுரை ரெயில்வே நிலையமும் ஒன்றாகும். மானாமதுரையில் இருந்து விருதுநகர், ராமேசுவரம், சிவகங்கை, மதுரை உள்ளிட்ட பகுதிகளுக்கு அகல ரெயில் பாதை அமைக்கப்பட்டுள்ளது. இந்த ரெயில் பாதைகளின் குறுக்கே செல்லும் ஓடைகள், ஆறுகள், கால்வாய்கள், கண்மாய்கள் ஆகியவற்றில் பாலங்கள் கட்டப்பட்டுள்ளது. தரைப்பாலங்களை விட ரெயில்வே பாலங்கள் சற்று வித்தியாசமாக அமைக்கப்படுவது வழக்கம்.

ரெயில்வே பாதையில் உள்ள பாலங்களில் குகை போன்ற அமைப்புடன் கட்டப்படுவதுடன் பாலங்களில் உள்ள தூண்களைச் சுற்றிலும் ஆட்கள் அமரும் அளவிற்கு பிளாட்பாரம் அமைத்து கட்டப்படும். அந்த பிளாட்பாரத்தில் இறங்குவதற்கு வசதியாக ரெயில் பாதைகளில் இருந்து இரும்பு ஏணி நிரந்தரமாக பொருத்தப்பட்டுள்ளது. இதனை சமூக விரோதிகள் தங்கள் வசதிக்காக பயன்படுத்தி கொள்கின்றனர்.

இதுகுறித்து ரெயில்வே ஊழியர்கள் கூறியதாவது:– மானாமதுரை– விருதுநகர் ரெயில்வே பாதை மற்றும் மானாமதுரை–சிவகங்கை ஆகிய ரெயில்வே பாதையில் உள்ள பாலங்களில் கூட்டமாக அமர்ந்து மது குடித்து விட்டு, காலி மது பாட்டில்களை ரெயில்வே தண்டவாளங்களில் உடைத்து போட்டு விட்டு செல்கின்றனர். இதனால் ரெயில்வே தண்டவாள பராமரிப்பு பணியில் ஈடுபடும் ஊழியர்கள் ரெயில்வே பாலங்களில் இறங்க முடியாத நிலை உள்ளது. மேலும் உடைந்த பாட்டில்களால் ரெயில்வே ஊழியர்கள் காயமடைந்து வருகின்றனர்.

ரெயில்வே பாதையில் உள்ள பாலங்களில் ரெயில்வே போலீசாரின் ரோந்து பணி இல்லாததால் சமூக விரோத செயல்கள் நாளுக்கு நாள் அதிகரித்து வருகிறது. எனவே இந்த செயல்களை தடுக்க ரெயில்வே பாலங்களில், ரெயில்வே போலீசார் தீவிர கண்காணிப்பு பணியில் ஈடுபட வேண்டும். மேலும் சமூக விரோத செயல்களில் ஈடுபடுபவர்கள் மீது கடும் நடவடிக்கை எடுக்க வேண்டும். இவ்வாறு அவர்கள் கூறினர்.


தொடர்புடைய செய்திகள்

1. ரெயில்கள் எதிர் எதிரே வந்த சம்பவம்: திருமங்கலம் ஸ்டேஷன் மாஸ்டருக்கு குற்றச்சாட்டு நோட்டீஸ்
திருமங்கலம் அருகே ரெயில்கள் எதிர் எதிரே வந்த சம்பவம் தொடர்பாக திருமங்கலம் ஸ்டேஷன் மாஸ்டருக்கு குற்றச்சாட்டு நோட்டீஸ் வழங்கப்பட்டுள்ளது.
2. மதுரை– பரமக்குடி நான்கு வழிச்சாலையில் திருப்புவனம் ரெயில்வே மேம்பாலத்தில் வாகனங்கள் செல்ல அனுமதி
மதுரையில் இருந்து பரமக்குடி செல்லும் நான்கு வழிச்சாலையில் திருப்புவனம் ரெயில்வே மேம்பாலத்தின் ஒரு பகுதியில் தற்போது போக்குவரத்திற்கு அனுமதி வழங்கப்பட்டு அந்த வழியாக வாகனங்கள் சென்று வருகின்றன.
3. இருவழி ரெயில்பாதை பணியை விரைவுபடுத்த வேண்டும்; ரெயில்வே அமைச்சகத்திடம் வலியுறுத்தல்
தென்மாவட்டங்களுக்கான இருவழி ரெயில்பாதை திட்டப்பணியை விரைவுபடுத்த ரெயில்வே அமைச்சகம் நடவடிக்கை எடுக்கவேண்டும் என வலியுறுத்தப்பட்டு உள்ளது.
4. திருமங்கலத்தில் எதிர் எதிரே ரெயில்கள் வந்த சம்பவம்: மதுரை கோட்ட இயக்க மேலாளர் இடமாற்றம்
மதுரை அருகே ஒரே தண்டவாளத்தில் எதிர் எதிரே ரெயில்கள் வந்த சம்பவம் தொடர்பாக மதுரை கோட்ட இயக்க மேலாளர் இடமாற்றம் செய்யப்பட்டார்.
5. திருமங்கலம் ரெயில் நிலையம் அருகே ஒரே தண்டவாளத்தில் எதிர் எதிரே வந்த ரெயில்கள்; ஸ்டேஷன் மாஸ்டர்கள் உள்பட 3 பேர் பணி இடைநீக்கம்
திருமங்கலத்தில் ஒரே தண்டவாளத்தில் எதிர் எதிரே ரெயில்கள் வந்ததால் பரபரப்பு ஏற்பட்டது. ரெயில்கள் நிறுத்தப்பட்டதால் பெரும் விபத்து தவிர்க்கப்பட்டது. இதுதொடர்பாக ஸ்டேஷன் மாஸ்டர்கள் உள்பட 3 அலுவலர்கள் பணி இடைநீக்கம் செய்யப்பட்டனர்.