மாவட்ட செய்திகள்

வாக்கு எண்ணிக்கை மையத்திற்குள் அலுவலர்கள் கண்டிப்பாக செல்போன் கொண்டு செல்ல கூடாது + "||" + Staff should not be taken by the cellphone within the vote count

வாக்கு எண்ணிக்கை மையத்திற்குள் அலுவலர்கள் கண்டிப்பாக செல்போன் கொண்டு செல்ல கூடாது

வாக்கு எண்ணிக்கை மையத்திற்குள் அலுவலர்கள் கண்டிப்பாக செல்போன் கொண்டு செல்ல கூடாது
வாக்கு எண்ணிக்கை மையத்திற்குள் அலுவலர்கள் கண்டிப்பாக செல்போன் கொண்டு செல்ல கூடாது என திருவாரூரில் நடந்த பயிற்சி வகுப்பில் தேர்தல் நடத்தும் அலுவலர் ஆனந்த் கூறினார்.
திருவாரூர்,

திருவாரூர் மாவட்ட கலெக்டர் அலுவலகத்தில் நாகை நாடாளுமன்ற தொகுதி தேர்தல் மற்றும் திருவாரூர் சட்டமன்ற தொகுதி இடைத்தேர்தல் வாக்கு எண்ணிக்கை அலுவலர்களுக்கான பயிற்சி வகுப்பு நடந்தது. நிகழ்ச்சிக்கு மாவட்ட தேர்தல் அலுவலர் ஆனந்த் தலைமை தாங்கினார். அப்போது அவர் கூறியதாவது:-


நாகை நாடாளுமன்ற தொகுதி தேர்தல் மற்றும் திருவாரூர் சட்டமன்ற தொகுதி இடைத்தேர்தலுக்கான வாக்கு எண்ணும் பணி வருகிற 23-ந்தேதி (வியாழக்கிழமை) காலை 8 மணிக்கு தொடங்கப்பட உள்ளது. வாக்கு எண்ணும் பணிக்காக முன்கூட்டியே காலை 6 மணிக்கு வாக்கு எண்ணும் மையத்தில் ஆஜராக வேண்டும். வாக்கு எண்ணிக்கை மையத்திற்குள் கண்டிப்பாக செல்போன் கொண்டு செல்ல கூடாது. ஓவ்வொரு வாக்கு எண்ணிக்கை மேஜைக்கும் ஒரு வாக்கு எண்ணிக்கை அலுவலர், ஒரு உதவி அலுவலர், ஒரு நுண் பார்வையாளர் ஆகியோர் நியமனம் செய்யப்பட்டுள்ளனர்.

அதன்படி ஒவ்வொரு சட்டமன்ற தொகுதிக்கும் 17 வாக்கு எண்ணிக்கை அலுவலர்கள், 17 உதவி அலுவலர்கள், 17 நுண் பார்வையாளர்கள் என மொத்தம் 51 அலுவலர்கள் நியமனம் செய்யப்பட்டுள்ளனர். நாகை நாடாளுமன்ற தொகுதிக்குட்பட்ட நாகப்பட்டினம், வேதாரண்யம், கீழ்வேளூர், திருவாரூர், திருத்துறைப்பூண்டி, நன்னிலம் ஆகிய 6 சட்டமன்ற தொகுதி தேர்தல் வாக்கு எண்ணிக்கைக்காகவும், திருவாரூர் சட்டமன்ற இடைத்தேர்தல் வாக்கு எண்ணிக்கைக்காகவும் மொத்தம் 357 அலுவலர்களும், வாக்கு எண்ணிக்கை மைய இதர பணிக்களுக்காக 372 அலுவலர்களும் ஆக மொத்தம் 729 அலுவலர்கள் நியமிக்கப்பட்டுள்ளனர்.

ஒவ்வொரு வாக்கு எண்ணிக்கை மேஜைக்கும் வேட்பாளர் தரப்பில் ஒரு முகவர் நியமனம் செய்யப்பட்டிருப்பார். ஒவ்வொரு சட்டமன்ற தொகுதி வாக்கு எண்ணிக்கைகாக 14 மேஜைகள் போடப்பட்டிருக்கும். ஒவ்வொரு மேஜைக்கும் கண்காணிப்பு கேமரா பொருத்தப்பட்டு வாக்கு எண்ணிக்கை முழுமையாக கண்காணிக்கப்படும். இப்பயிற்சி வகுப்பினை வாக்கு எண்ணும் பணியில் ஈடுபட உள்ள அலுவலர்கள் முழுமையாக பயன்படுத்தி கொள்ள வேண்டும்.

இவ்வாறு அவர் கூறினார்.

இதில் கலெக்டரின் நேர்முக உதவியாளர் (நிலம்) பால்துரை, கலெக்டரின் நேர்முக உதவியாளர் (தேர்தல்) அம்பாயிரநாதன், தனி தாசில்தார் (தேர்தல்) சொக்கநாதன் உள்பட பலர் கலந்து கொண்டனர்.

தொடர்புடைய செய்திகள்

1. வேலைவாய்ப்பு அலுவலகத்தில் டி.என்.பி.எஸ்.சி. குரூப்–4 பயிற்சி வகுப்புகள் கலெக்டர் தொடங்கி வைத்தார்
வேலைவாய்ப்பு அலுவலகம் சார்பில் டி.என்.பி.எஸ்.சி. குரூப்–4 பயிற்சி வகுப்புகளை கலெக்டர் அன்பழகன் தொடங்கி வைத்தார்.
2. உள்ளாட்சி தேர்தலுக்கான வாக்காளர் பட்டியலை தயாரிப்பது குறித்த பயிற்சி கலெக்டர் தொடங்கி வைத்தார்
உள்ளாட்சி தேர்தலுக்கான வாக்காளர் பட்டியலை தயாரிப்பது குறித்த பயிற்சியை கலெக்டர் அன்பழகன் தொடங்கி வைத்தார்.
3. அழகப்பபுரத்தில் கோடைகால விளையாட்டு பயிற்சி முகாம்
அழகப்பபுரம் புனித அந்தோணியார் மேல்நிலைப்பள்ளி மைதானத்தில் விளையாட்டு மன்றம் சார்பில் மாணவர்களுக்கான கோடை கால விளையாட்டு பயிற்சி முகாம் நடந்தது.
4. பயிற்சியில் ஈடுபட்ட இந்திய வீரர் விஜய் சங்கர் காயம்
பயிற்சியில் ஈடுபட்ட இந்திய வீரர் விஜய் சங்கர் காயமடைந்தார்.
5. சேலம் ஆயுதப்படை மைதானத்தில் மாடியில் இருந்து விழுந்து பயிற்சி போலீஸ்காரர் படுகாயம்
சேலம் ஆயுதப்படை மைதானத்தில் மாடியில் இருந்து விழுந்து பயிற்சி போலீஸ்காரர் படுகாயம் அடைந்தார். அவர் தற்கொலைக்கு முயன்றாரா? என்பது குறித்து போலீஸ் அதிகாரிகள் விசாரணை நடத்தி வருகின்றனர்.

அதிகம் வாசிக்கப்பட்டவை