மாவட்ட செய்திகள்

ஆற்காட்டில் டிராவல்ஸ் உரிமையாளர் வீட்டில் நகை – பணம் திருட்டு மர்ம நபர்களுக்கு வலைவீச்சு + "||" + Jewelry home in Travels owner in Arcot - money theft Bridging the mystery people

ஆற்காட்டில் டிராவல்ஸ் உரிமையாளர் வீட்டில் நகை – பணம் திருட்டு மர்ம நபர்களுக்கு வலைவீச்சு

ஆற்காட்டில் டிராவல்ஸ் உரிமையாளர் வீட்டில் நகை – பணம் திருட்டு மர்ம நபர்களுக்கு வலைவீச்சு
ஆற்காட்டில் டிராவலஸ் உரிமையாளர் வீட்டில் நகை – பணத்தை திருடிச் சென்ற மர்ம நபர்களை போலீசார் வலைவீசி தேடி வருகின்றனர்.

ஆற்காடு, 

ஆற்காட்டில் தமிழ்நாடு வீட்டு வசதி வாரியம் பகுதியை சேர்ந்தவர் அருளரசன் (வயது 44), டிராவல்ஸ் நடத்தி வருகிறார். இந்த நிலையில் கடந்த 18–ந் தேதி அருளரசன் தனது குடும்பத்தினருடன் காரில் சிகிச்சைக்காக பெங்களூரு சென்றுள்ளார். நேற்று முன்தினம் வீட்டின் மாடியில் குடியிருந்து வரும் நவீன் என்பவர் செல்போன் மூலம் அருளரசனை தொடர்பு கொண்டு உங்கள் வீட்டின் கதவு உடைக்கப்பட்டு இருப்பதாக தெரிவித்துள்ளார்.

பின்னர் அருளரசன் வீட்டிற்கு வந்து பார்த்த போது படுக்கை அறையில் இருந்த பீரோ உடைக்கப்பட்டு அதில் வைத்திருந்த 7 பவுன் நகை, வெள்ளி பொருட்கள், ரூ.27 ஆயிரம் ரொக்கம் மற்றும் ரூ.70 ஆயிரம் மதிப்புள்ள மோட்டார் சைக்கிள் ஆகியற்றை மர்ம நபர்கள் திருடிச் சென்றது தெரியவந்தது.

மேலும் மர்ம நபர்கள் வீட்டின் பின்பக்கமாக மாடிக்கு சென்று பின்னர் முதல் மாடியில் உள்ளவர்களின் வீட்டு கேட்டை தாழ்பாள் போட்டுவிட்டு கீழே இறங்கி வந்து வீட்டின் கதவை உடைத்து உள்ளே சென்று திருடியதும் தெரியவந்தது.

இதுகுறித்து அருளரசன் ஆற்காடு டவுன் போலீசில் புகார் கொடுத்தார். அதன்பேரில் போலீசார் வழக்குப்பதிவு செய்து, மர்ம நபர்களை வலைவீசி தேடி வருகின்றனர்.


தொடர்புடைய செய்திகள்

1. விருதுநகரில் திருட்டுக்காரில் துப்பாக்கியுடன் திரிந்த 3 பேரை விரட்டிச் சென்ற போலீசார், பரபரப்பு தகவல்
திருட்டுக்காரில் நள்ளிரவில் துப்பாக்கியுடன் திரிந்த 3 பேரை போலீசார் விரட்டினர். பின்னர் அவர்கள் காரை நிறுத்திவிட்டு தப்பி ஓடிவிட்டனர். துப்பாக்கியும் கைப்பற்றப்பட்டது.
2. வானூர் அருகே 3 கோவில்களின் உண்டியல்களை உடைத்து திருட்டு; ஒரே நாள் இரவில் கைவரிசை
வானூர் அருகே ஒரே நாள் இரவில் 3 கோவில்களின் உண்டியல்களை உடைத்து மர்ம ஆசாமிகள் கைவரிசை காட்டி உள்ளனர்.
3. கணவர், குழந்தைகளுடன் மாடியில் தூங்கிய பெண்ணிடம் தங்கச்சங்கிலி பறிப்பு
திருப்போரூர் அருகே கணவர், குழந்தைகளுடன் வீட்டின் மாடியில் தூங்கிய பெண்ணிடம் மர்மநபர்கள் தங்கச்சங்கிலியை பறித்ததோடு, வீட்டுக்குள் புகுந்து பணத்தையும் திருடிச்சென்று விட்டனர்.
4. குன்றத்தூர் அருகே தனியார் நிறுவனத்தில் 2½ டன் தாமிர கம்பிகள் திருட்டு
குன்றத்தூர் அருகே தனியார் நிறுவனத்தில் 2½ டன் தாமிர கம்பிகள் திருடப்பட்டது.
5. தாராபுரத்தில் வக்கீல் வீட்டின் பூட்டை உடைத்து ரூ.1¾ லட்சம் திருட்டு பாதுகாப்பு பெட்டகத்தை திறக்க முடியாததால் 53 பவுன் நகை தப்பியது
தாராபுரத்தில் வக்கீல் வீட்டின் பூட்டை உடைத்து ரூ.1¾ லட்சத்தை மர்ம ஆசாமிகள் திருடி சென்றனர். பாதுகாப்பு பெட்டகத்தை திறக்க முடியாததால் 53 பவுன்நகை தப்பியது.