மாவட்ட செய்திகள்

கெயில் நிறுவனத்துக்கு எதிராக பூச்சிக்கொல்லி மருந்துடன் விவசாயிகள் போராட்டம் + "||" + Farmers struggle with pesticide against Gail

கெயில் நிறுவனத்துக்கு எதிராக பூச்சிக்கொல்லி மருந்துடன் விவசாயிகள் போராட்டம்

கெயில் நிறுவனத்துக்கு எதிராக பூச்சிக்கொல்லி மருந்துடன் விவசாயிகள் போராட்டம்
செம்பனார்கோவில் அருகே விளைநிலங்களில் குழாய்கள் பதிக்கும் கெயில் நிறுவனத்துக்கு எதிராக பூச்சிக்கொல்லி மருந்துடன் விவசாயிகள் போராட்டத்தில் ஈடுபட்டனர். அப்போது அவர்கள் ‘தற்கொலை செய்து கொள்வோம்’ என கோஷம் எழுப்பியதால் பரபரப்பு ஏற்பட்டது.
பொறையாறு,

நாகை மாவட்டம் சீர்காழி அருகே மாதானம் கிராமத்தில் இருந்து நாங்கூர், காத்திருப்பு, தலச்சங்காடு, காளகஸ்திநாதபுரம் வழியாக மேமாத்தூர் வரை 29 கிலோ மீட்டர் தூரத்துக்கு கெயில் நிறுவனம் சார்பில் விளைநிலங்களில் எரிவாயு கொண்டு செல்லும் ராட்சத குழாய்கள் பதிக்கப்பட்டு வருகிறது.


அதன்படி செம்பனார்கோவில் அருகே உமையாள்புரம், முடிகண்டநல்லூர் உள்பட பல கிராமங்களில் சாகுபடி செய்த விளைநிலங்களில் ராட்சத குழாய்கள் பதிக்கப்பட்டு வருகிறது. இதற்கு அந்த பகுதி விவசாயிகள் எதிர்ப்பு தெரிவித்து தொடர்ந்து பல்வேறு போராட்டங்களில் ஈடுபட்டு வருகின்றனர். ஆனால் விவசாயிகள் மற்றும் பொதுமக்களின் எதிர்ப்பையும் மீறி உமையாள்புரம், முடிகண்டநல்லூர் உள்ளிட்ட கிராமங்களில் கெயில் நிறுவனத்தினர் தொடர்ந்து ராட்சத குழாய்கள் பதிக்கும் பணியில் முழுவீச்சில் ஈடுபட்டு வருகின்றனர்.

இந்த நிலையில் நேற்று செம்பனார்கோவில் அருகே முக்கறும்பூர் கிராமத்தில் 50-க்கும் மேற்பட்ட விவசாயிகள், விளைநிலங்களில் ராட்சத குழாய்கள் பதிக்கும் கெயில் நிறுவனத்திற்கு எதிராக பருத்தி சாகுபடி செய்யப்பட்ட விளைநிலத்தில் இறங்கி போராட்டத்தில் ஈடுபட்டனர். அப்போது விவசாயிகள், விளைநிலங்களை பாழாக்கும் ராட்சத குழாய்கள் பதிக்கும் பணியை உடனடியாக நிறுத்தவில்லையென்றால் ‘தற்கொலை செய்து கொள்வோம்’ என்று கூறி கையில் பூச்சிக்கொல்லி மருந்துடன் கோஷங்கள் எழுப்பினர். மேலும், விளைநிலங்களை பாதிக்கும் எந்த திட்டங்களையும் தமிழகத்தில் செயல்படுத்தக்கூடாது என்றும் அவர்கள் வலியுறுத்தினர்.

விவசாயிகளின் இந்த போராட்டத்தால் அந்த பகுதியில் பெரும் பரபரப்பு ஏற்பட்டது.

தொடர்புடைய செய்திகள்

1. தண்ணீர் திறந்துவிடக் கோரி விவசாயிகள் காத்திருப்பு போராட்டம்
பெரியாறு கால்வாயில் மாவட்டத்திற்கு உரிய தண்ணீரை திறந்து விடாததை கண்டித்து விவசாயிகள் காத்திருப்பு போராட்டத்தில் ஈடுபட்டனர்.
2. சிலி நாட்டில் அரசுக்கு எதிரான போராட்டத்தில் வன்முறை: பலி எண்ணிக்கை 10 ஆக உயர்வு
சிலி நாட்டில் அரசுக்கு எதிரான போராட்டத்தில் நிகழ்ந்த வன்முறையில் பலி எண்ணிக்கை 10 ஆக உயர்ந்துள்ளது.
3. ரெயில்வே துறையை தனியார் வசம் ஒப்படைப்பதை கண்டித்து ஜனவரி 8-ந்தேதி முதல் தொடர் போராட்டம் - எஸ்.ஆர்.இ.எஸ். சங்க பொதுச்செயலாளர் பேட்டி
ரெயில்வே துறையை தனியார் வசம் ஒப்படைப்பதை கண்டித்து அடுத்த ஆண்டு ஜனவரி மாதம் 8-ந்தேதி முதல் தொடர் போராட்டம் நடத்தப்படும் என்று எஸ்.ஆர்.இ.எஸ். சங்க பொதுச்செயலாளர் சூரியபிரகாசம் தெரிவித்தார்.
4. தெலுங்கானாவில் 15 வது நாளாக போக்குவரத்து ஊழியர்கள் வேலைநிறுத்தம்
தெலுங்கானாவில் போக்குவரத்து ஊழியர்களின் வேலைநிறுத்த போராட்டம் 15 வது நாளாக இன்று நீடித்து வருகிறது.
5. குறைதீர்வு கூட்டத்திற்கு வந்த விவசாயிகள் நிலுவை தொகை வழங்கக்கோரி போராட்டம்
குறைதீர்வு கூட்டத்திற்கு வந்த விவசாயிகள் நிலுவை தொகை வழங்கக்கோரி போராட்டத்தில் ஈடுபட்டனர்.

அதிகம் வாசிக்கப்பட்டவை