மாவட்ட செய்திகள்

கன்னியாகுமரி நாடாளுமன்ற தொகுதியில் 2½ லட்சம் வாக்குகள் வித்தியாசத்தில் எச்.வசந்தகுமார் அமோக வெற்றி + "||" + In the Kanyakumari parliamentary constituency, V. Vasanthakumar won the votes by 2½ lakh votes

கன்னியாகுமரி நாடாளுமன்ற தொகுதியில் 2½ லட்சம் வாக்குகள் வித்தியாசத்தில் எச்.வசந்தகுமார் அமோக வெற்றி

கன்னியாகுமரி நாடாளுமன்ற தொகுதியில் 2½ லட்சம் வாக்குகள் வித்தியாசத்தில் எச்.வசந்தகுமார் அமோக வெற்றி
கன்னியாகுமரி நாடாளுமன்ற தொகுதியில் காங்கிரஸ் கட்சி சார்பில் போட்டியிட்ட எச்.வசந்தகுமார் அமோக வெற்றி பெற்றார். இவரை எதிர்த்து போட்டியிட்ட பா.ஜனதா வேட்பாளர் பொன்.ராதாகிருஷ்ணன் 2½ லட்சம் வாக்கு வித்தியாசத்தில் தோல்வி அடைந்தார்.
நாகர்கோவில்,

நாடாளுமன்ற தேர்தலில் காங்கிரஸ் சார்பில் எச்.வசந்தகுமார் எம்.எல்.ஏ. போட்டியிட்டார். இவரை எதிர்த்து பா.ஜனதா வேட்பாளர் பொன்.ராதாகிருஷ்ணன், அ.ம.மு.க. வேட்பாளர் லட்சுமணன், நாம் தமிழர் வேட்பாளர் ஜெயன்றீன், மக்கள் நீதி மய்யம் வேட்பாளர் எபினேசர் உள்பட 14 பேர் போட்டியிட்டனர்.


இந்த நிலையில் கன்னியாகுமரி தொகுதியில் பதிவான வாக்குகள் அனைத்தும் நாகர்கோவில் கோணத்தில் உள்ள அரசு பாலிடெக்னிக் கல்லூரியில் நேற்று எண்ணப்பட்டன. 6 சட்டசபை தொகுதியில் பதிவான வாக்குகளும் ஒரே நேரத்தில் தனித்தனி அறைகளில் வைத்து பலத்த பாதுகாப்புடன் எண்ணப்பட்டன. இந்த வாக்கு எண்ணிக்கை 28 சுற்றுகளாக நடந்தது. தொடக்கத்தில் இருந்தே காங்கிரஸ் கட்சி பா.ஜனதாவை விட முன்னிலையில் இருந்தது.

2½ லட்சம் முன்னணி

ஒவ்வொரு சுற்றுகள் முடிவிலும் எச்.வசந்தகுமார் சுமார் 10 ஆயிரம் வாக்குகள் அதிகமாக பெற்று வந்தார். கன்னியாகுமரி தொகுதியில் மொத்தம் 10 லட்சத்து 42 ஆயிரத்து 432 வாக்குகள் பதிவாகி இருந்தன. இதில் 26-வது சுற்றின் முடிவில் எச்.வசந்தகுமார் 5 லட்சத்து 98 ஆயிரத்து 948 வாக்குகள் பெற்றிருந்தார். இவரை எதிர்த்து போட்டியிட்ட பா.ஜனதா வேட்பாளர் பொன்.ராதாகிருஷ்ணனுக்கு 3 லட்சத்து 46 ஆயிரத்து 931 வாக்குகள் கிடைத்தது. எச்.வசந்தகுமார் 2 லட்சத்து 52 ஆயிரத்து 17 வாக்குகள் வித்தியாசத்தில் முன்னணியில் இருந்தார்.

ஆனாலும் மீதமுள்ள 2 சுற்று வாக்குகள் எண்ணப்பட வேண்டி இருந்ததால் எச்.வசந்தகுமார் வெற்றி அறிவிப்பை வெளியிட தாமதம் ஆனது. இது போக ஒரு சட்டசபை தொகுதிக்கு 5 விவிபேட் கருவிகள் என மொத்தம் 30 விவிபேட் கருவிகளில் பதிவான வாக்குகளை ஒப்பிடும் பணியும், மாதிரி வாக்குச்சாவடியில் பயன்படுத்தப்பட்ட விவிபேட் கருவியில் பதிவான வாக்குகளை எண்ணும் பணியும் மற்றும் பழுதான வாக்குப்பதிவு எந்திரங்களில் பதிவான வாக்குகளை எண்ணும் பணியும் மேற்கொள்ளப்பட இருந்ததாலும் நள்ளிரவு வரை எச்.வசந்தகுமார் வெற்றி பெற்றதற்கான அதிகாரபூர்வ அறிவிப்பு வெளியிடப்படவில்லை.

கட்சியினர் கொண்டாட்டம்

இதற்கிடையே அமோக வெற்றி பெற்ற எச்.வசந்தகுமாரை கட்சியினர் சூழ்ந்து கொண்டு கோஷம் எழுப்பி வாழ்த்து தெரிவித்தனர். தலைக்கு மேல் தூக்கி வைத்து கொண்டாடினர். பட்டாசுகள் வெடிக்கப்பட்டு இனிப்புகள் வழங்கப்பட்டன. தி.மு.க. எம்.எல்.ஏ.க்கள் சுரேஷ்ராஜன், ஆஸ்டின் ஆகியோர் வசந்தகுமாருக்கு பொன்னாடை அணிவித்து வாழ்த்து தெரிவித்தனர்.

எச்.வசந்தகுமாருக்கு கிடைத்த இந்த வெற்றியை குமரி மாவட்டம் முழுவதும் உள்ள காங்கிரஸ் கட்சியினர் உற்சாகமாக கொண்டாடினார்கள்.

தொடர்புடைய செய்திகள்

1. ‘இந்திய அணியின் வெற்றிக்கு பந்து வீச்சாளர்கள் காரணம்’ - ரோகித்சர்மா கருத்து
வங்காளதேச அணிக்கு எதிரான கடைசி 20 ஓவர் கிரிக்கெட் போட்டியில் இந்திய அணியின் வெற்றிக்கு பந்து வீச்சாளர்களின் சிறப்பான செயல்பாடு தான் காரணம் என்று பொறுப்பு கேப்டன் ரோகித்சர்மா தெரிவித்தார்.
2. செந்தில் பாலாஜி வெற்றிக்கு எதிரான வழக்கு விசாரணைக்கு இடைக்கால தடை - சுப்ரீம் கோர்ட்டு உத்தரவு
செந்தில் பாலாஜி வெற்றிக்கு எதிரான வழக்கு விசாரணைக்கு இடைக்கால தடை விதித்து சுப்ரீம் கோர்ட்டு உத்தரவிட்டது.
3. ஐ.எஸ்.எல். கால்பந்து: கொல்கத்தாவிடம் சென்னை அணி தோல்வி
ஐ.எஸ்.எல். கால்பந்து போட்டியில், கொல்கத்தாவிடம் சென்னை அணி தோல்வியடைந்தது.
4. இடைத்தேர்தல் வெற்றி அ.தி.மு.க.வில் எழுச்சியை ஏற்படுத்தி உள்ளது - அமைச்சர் கே.டி.ராஜேந்திரபாலாஜி
நாங்குநேரி, விக்கிரவாண்டி இடைத்தேர்தல் வெற்றி அ.தி.மு.க.வினரிடையே எழுச்சியை ஏற்படுத்தி இருப்பதாக அமைச்சர் கே.டி.ராஜேந்திரபாலாஜி கூறினார்.
5. இலங்கைக்கு எதிரான முதல் டி20 போட்டி; ஆஸ்திரேலியா 134 ரன்கள் வித்தியாசத்தில் வெற்றி
இலங்கைக்கு எதிரான முதல் டி20 போட்டியில் ஆஸ்திரேலியா 134 ரன்கள் வித்தியாசத்தில் வெற்றி பெற்றுள்ளது.