ஹைட்ரோ கார்பன் திட்டத்தை ரத்து செய்ய வலியுறுத்தி பொதுமக்கள் போராட்டம்

கோட்டூர்,

ஹைட்ரோ கார்பன் திட்டத்தை ரத்து செய்ய வலியுறுத்தி காவிரி டெல்டா மாவட்டங்களான திருவாரூர், நாகை உள்ளிட்ட பல்வேறு மாவட்டங்களில் அரசியல் கட்சியினர், வர்த்தகர்கள், பொதுமக்கள் என பல்வேறு தரப்பினரும் ஆறு, குளம், கடல் ஆகியவற்றில் இறங்கி போராட்டத்தில் ஈடுபட்டு வருகின்றனர்.

இந்தநிலையில் திருவாரூர் மாவட்டம், கோட்டூர் அருகே சந்தனநல்லூர் ஓ.என்.ஜி.சி. எண்ணெய் கிணறு அமைந்துள்ள இடத்தில் நேற்று அப்பகுதி பொது மக்கள் ஹைட்ரோ கார்பன் திட்டத்தை மத்திய அரசு ரத்து செய்ய வலியுறுத்தி போராட்டத்தில் ஈடுபட்டனர். அப்போது மத்திய அரசுக்கு எதிராக அவர்கள் கோஷங்கள் எழுப்பினர்.