கோவில்பட்டியில் ரெயிலில் அடிபட்டு முதியவர் பலி

கோவில்பட்டி, 

கோவில்பட்டி அருகே உள்ள வேலாயுதபுரத்தில் தனியர் பள்ளி பின்புறம் உள்ள ரெயில்வே தண்டவாளத்தில் நேற்று காலையில் சுமார் 70 வயது மதிக்கத்தக்க ஒரு ஆண் பிணம் கிடந்தது. இதுகுறித்து அந்த பகுதி பொதுமக்கள் ரெயில்வே போலீசாருக்கு தகவல் கொடுத்தனர். இதனையடுத்து தூத்துக்குடி ரெயில்வே போலீஸ் சப்-இன்ஸ்பெக்டர் பெருமாள் மற்றும் போலீசார் சம்பவ இடத்துக்கு சென்று பார்வையிட்டனர். பின்னர் உடல் கைப்பற்றப்பட்டு பரிசோதனைக்காக கோவில்பட்டி அரசு ஆஸ்பத்திரிக்கு அனுப்பி வைக்கப்பட்டது.

போலீஸ் விசாரணையில் அவர் வேலாயுதபுரம் முதல் தெருவை சேர்ந்த ஜோசப் (வயது 70) என்பதும், அவர் தண்டவாளத்தை கடக்க முயன்ற போது ரெயில் மோதி சம்பவ இடத்திலேயே உயிர் இழந்ததும் தெரியவந்தது. இதுகுறித்து ரெயில்வே போலீசார் வழக்குப்பதிவு செய்து விசாரணை நடத்தி வருகின்றனர். ரெயில் மோதி பலியான ஜோசப்பிற்கு விக்டோரியா ராஜபுஷ்பம்(65) என்ற மனைவியும் 3 மகன்களும் உள்ளனர்.