மாவட்ட செய்திகள்

ரூ.12 ஆயிரம் லஞ்சம் வாங்கிய வழக்கில் கைதான மாநகராட்சி உதவி ஆணையாளர் பணியிடை நீக்கம் + "||" + In the case of a bribe of Rs. 12 thousand Assistant Commissioner of Police Dismissal

ரூ.12 ஆயிரம் லஞ்சம் வாங்கிய வழக்கில் கைதான மாநகராட்சி உதவி ஆணையாளர் பணியிடை நீக்கம்

ரூ.12 ஆயிரம் லஞ்சம் வாங்கிய வழக்கில் கைதான மாநகராட்சி உதவி ஆணையாளர் பணியிடை நீக்கம்
ரூ.12 ஆயிரம் லஞ்சம் வாங்கிய வழக்கில் கைதான மாநகராட்சி உதவி ஆணையாளர் பணியிடை நீக்கம் செய்யப்பட்டார்.

கோவை,

கோவை நல்லாம்பாளையத்தை சேர்ந்தவர் குமார் (வயது 32). இவர் தனது வீட்டிற்கு சொத்துவரி கட்ட சொத்துவரி புத்தகம் கேட்டு கோவை மாநகராட்சி வடக்கு மண்டல அலுவலகத்தில் விண்ணப்பித்தார். அவருக்கு சொத்துவரி புத்தகம் வழங்க ரூ.15 ஆயிரத்தை லஞ்சமாக உதவி ஆணையாளர் ரவிக்குமார் கேட்டார்.

அதற்கு ரூ.12 ஆயிரம் கொடுக்க ஒப்புக்கொண்ட குமார், இது குறித்து லஞ்ச ஒழிப்பு போலீசில் புகார் செய்தார். இதையடுத்து ரசாயனம் தடவிய ரூபாய் நோட்டுகளை குமாரிடம் கொடுத்து அதை ரவிக்குமாரிடம் கொடுக்க லஞ்சஒழிப்பு போலீசார் கூறினார்கள்.

அதன்படி அதை குமார், ரவிக்குமாரிடம் கொடுத்த போது, அதை தனது உதவியாளரும் இடைத்தரகருமான பாலகிருஷ்ணனிடம் கொடுக்குமாறு கூறினார். அவரிடம் கொடுத்தபோது அங்கு மறைந்து இருந்த லஞ்ச ஒழிப்பு போலீசார் பாலகிருஷ்ணனையும், ரவிக்குமாரையும் கைது செய்தனர்.

இது தொடர்பான அறிக்கை கோவை மாநகராட்சிக்கு அனுப்பி வைக்கப்பட்டது. ரவிக்குமார் மாநகராட்சி மண்டல துணை ஆணையாளராக இருந்ததால் அவர் மீது நடவடிக்கை எடுக்க மாநகராட்சி தனி அதிகாரிக்கு அதிகாரம் இல்லை. தமிழக அரசுதான் நடவடிக்கை எடுக்க வேண்டும்.

எனவே இது தொடர்பான அறிக்கை, தமிழக நகராட்சி நிர்வாக அதிகாரிக்கு அனுப்பி வைக்கப்பட்டது. அதை அவர், தமிழக நகராட்சி நிர்வாகம் மற்றும் குடிநீர் வடிகால் வாரிய அதிகாரிக்கு அனுப்பி வைத்தார். அவர், தமிழக அரசின் தலைமை செயலாளருக்கு அறிக்கை சமர்ப்பித்தார்.

அதன்பேரில் லஞ்சம் வாங்கிய வழக்கில் கைதான ரவிக்குமாரை பணியிடை நீக்கம் (சஸ்பெண்டு) செய்து கடந்த 4–ந் தேதி அரசாணை வெளியிடப்பட்டது. அதற்கான அறிக்கை நேற்று முன்தினம் கோவை மாநகராட்சிக்கு வந்து சேர்ந்தது. இதையடுத்து அதற்கான நகல் கோவை மத்திய சிறையில் இருக்கும் ரவிக்குமாரிடம் வழங்கப்பட்டது.


தொடர்புடைய செய்திகள்

1. பட்டா மாற்றம் செய்ய ரூ.5 ஆயிரம் லஞ்சம் வாங்கிய தாசில்தார் கைது
பட்டா மாற்றம் செய்ய ரூ.5 ஆயிரம் லஞ்சம் வாங்கிய தாசில்தாரை போலீசார் கைது செய்தனர்.
2. மதுரை அருகே, வீட்டு வரைபட அனுமதிக்கு லஞ்சம் கேட்ட பஞ்சாயத்து செயலாளர் கைது
மதுரை அருகே வீட்டு வரைபட அனுமதிக்கு லஞ்சம் கேட்ட பஞ்சாயத்து செயலாளர் கைது செய்யப்பட்டார்.
3. செஞ்சியில் விவசாயியிடம் லஞ்சம் வாங்கிய தாசில்தார் கைது டிரைவரும் சிக்கினார்
செஞ்சியில் விவசாயியிடம் லஞ்சம் வாங்கிய தாசில்தார், டிரைவரை லஞ்ச ஒழிப்பு போலீசார் கைது செய்தனர். இந்த சம்பவம் குறித்து போலீஸ் தரப்பில் கூறப்பட்டதாவது:-
4. புதிதாக கட்டிய கடைகளுக்கு மின் இணைப்பு கொடுக்க ரூ.10 ஆயிரம் லஞ்சம் வாங்கிய உதவி பொறியாளர் கைது
புதிதாக கட்டிய கடைகளுக்கு மின் இணைப்பு கொடுக்க ரூ.10 ஆயிரம் லஞ்சம் வாங்கிய உதவி பொறியாளரை லஞ்ச ஒழிப்பு போலீசார் கைது செய்தனர்.
5. குடிநீர் பிரச்சினையை தீர்க்க கோரி காலிகுடங்களுடன் மாநகராட்சி அலுவலகத்தை தி.மு.க.வினர் முற்றுகை; கார்த்திக் எம்.எல்.ஏ. உள்பட 600 பேர் கைது
குடிநீர் பிரச்சினையை தீர்க்க கோரி, காலிகுடங்களுடன் மாநகராட்சி அலுவலகத்தை முற்றுகையிட்ட கார்த்திக் எம்.எல்.ஏ. உள்பட தி.மு.க.வினர் 600 பேர் கைது செய்யப்பட்டனர்.