மாவட்ட செய்திகள்

நாடாளுமன்ற தேர்தலில் பா.ஜ.க.வுடன் கூட்டணி வைத்ததால் அ.தி.மு.க. தோல்வியை சந்தித்தது - அமைச்சர் சி.வி.சண்முகம் + "||" + AIADMK alliance with BJP in parliamentary elections Failed - Minister CV Shanmugam Speech

நாடாளுமன்ற தேர்தலில் பா.ஜ.க.வுடன் கூட்டணி வைத்ததால் அ.தி.மு.க. தோல்வியை சந்தித்தது - அமைச்சர் சி.வி.சண்முகம்

நாடாளுமன்ற தேர்தலில் பா.ஜ.க.வுடன் கூட்டணி வைத்ததால் அ.தி.மு.க. தோல்வியை சந்தித்தது - அமைச்சர் சி.வி.சண்முகம்
நாடாளுமன்றத்துக்கு நடந்த தேர்தலில் பா.ஜனதா கட்சியுடன் கூட்டணி வைத்ததால்தான் அ.தி.மு.க. தோல்வியை சந்தித்தது என்று அமைச்சர் சி.வி.சண்முகம் கூறினார்.
வானூர்,

விழுப்புரம் மாவட்டம் வானூர் ஒன்றிய அ.தி.மு.க. சார்பில் வாக்காளர்களுக்கு நன்றி தெரிவிக்கும் பொதுக்கூட்டம் திருச்சிற்றம்பலம் கூட்டு ரோடு பகுதியில் நடைபெற்றது. கூட்டத்துக்கு சக்கரபாணி எம்.எல்.ஏ. தலைமை தாங்கினார். ஒன்றிய அ.தி.மு.க. செயலாளர் சதீஷ்குமார், கூட்டுறவு வங்கி தலைவர்கள் டி.வி.குமார், வீரப்பன், முருகன் ஆகியோர் முன்னிலை வகித்தனர். ஊராட்சி செயலாளர் குணசேகரன் வரவேற்றார்.


கூட்டத்தில் சிறப்பு விருந்தினராக கலந்து கொண்டு அமைச்சர் சி.வி.சண்முகம் பேசினார். அப்போது அவர் பேசியதாவது:-

நடந்து முடிந்த நாடாளுமன்ற தேர்தலில் தி.மு.க. வெற்றி பெற வேண்டும் என்று யாரும் ஓட்டு போடவில்லை. மத்தியில் யார் ஆட்சிக்கு வர வேண்டும், மாநிலத்தில் யார் ஆட்சி செய்ய வேண்டும் என்று முடிவு செய்துதான் மக்கள் ஓட்டு போட்டு உள்ளனர்.

இந்த தேர்தலில் பா.ஜனதாவுடன் கூட்டணி வைத்ததால்தான் அ.தி.மு.க. தோல்வியை சந்தித்தது. சிறுபான்மை ஓட்டுகளை இழந்ததற்கு காரணமே பா.ஜனதா கட்சிதான். தேர்தல் தோல்விக்கு அதுவும் ஒரு காரணம்.

விழுப்புரம் மாவட்டம் பூத்துறை கிராமத்தில் செம்மண் தோண்டி எடுத்தது தொடர்பான வழக்கில் தி.மு.க. எம்.எல்.ஏ. பொன்முடிக்கு தண்டனை கிடைப்பது உறுதி.

இவ்வாறு அமைச்சர் சி.வி.சண்முகம் பேசினார்.

தொடர்புடைய செய்திகள்

1. காந்தி, சர்தார் வல்லபாய் பட்டேல் பிறந்தநாளையொட்டி பாத யாத்திரை செல்லுங்கள் பா.ஜனதா எம்.பி.க்களுக்கு பிரதமர் மோடி உத்தரவு
மகாத்மா காந்தி, சர்தார் வல்லபாய் பட்டேல் ஆகியோரது பிறந்தநாளையொட்டி பாத யாத்திரை செல்லுமாறு பா.ஜனதா எம்.பி.க்களுக்கு பிரதமர் மோடி உத்தரவிட்டுள்ளார்.
2. கிரண்பெடி தலைமையில் நடந்த புதுவை திட்டக்குழு கூட்டம் பாதியில் ரத்து; முதல் -அமைச்சர், அமைச்சர்கள் வெளிநடப்பு
சட்டமன்ற கட்சி தலைவர்களை அழைக்காததற்கு அமைச்சர்கள், எம்.பி.க்கள் எதிர்ப்பு தெரிவித்ததால் கவர்னர் தலைமையில் நடந்த திட்டக்குழு கூட்டம் ரத்து செய்யப்பட்டது.
3. கவர்னர் கிரண்பெடியை கண்டித்து அ.தி.மு.க. இன்று போராட்டம்; அன்பழகன் எம்.எல்.ஏ. தகவல்
கவர்னர் கிரண்பெடியை கண்டித்து அ.தி.மு.க. சார்பில் இன்று போராட்டம் நடக்கிறது.
4. கட்சியை விட்டு பா.ஜனதா எம்.எல்.ஏ.க்கள் யாரும் விலக மாட்டார்கள்; எடியூரப்பா பேட்டி
பா.ஜனதா எம்.எல்.ஏ.க்கள் யாரும் கட்சியை விட்டு விலக மாட்டார்கள் என்று எடியூரப்பா கூறினார்.
5. தென்காசியில் முதல்–அமைச்சர் முன்னிலையில் 6–ந் தேதி விழா: முன்னாள் அமைச்சர் இசக்கி சுப்பையா அ.தி.மு.க.வில் இணைகிறார்
தென்காசியில் வருகிற 6–ந் தேதி நடைபெறும் விழாவில் முதல்–அமைச்சர் முன்னிலையில் இசக்கி சுப்பையா அ.தி.மு.க.வில் இணைகிறார்.