மாவட்ட செய்திகள்

வறட்சி பகுதிகளை ஆய்வு செய்வதாக எடியூரப்பா நாடகமாடுகிறார்போலீஸ் மந்திரி எம்.பி.பட்டீல் குற்றச்சாட்டு + "||" + Eudhyappa is dancing to exploring drought areas Police Minister MP.Pattil charge

வறட்சி பகுதிகளை ஆய்வு செய்வதாக எடியூரப்பா நாடகமாடுகிறார்போலீஸ் மந்திரி எம்.பி.பட்டீல் குற்றச்சாட்டு

வறட்சி பகுதிகளை ஆய்வு செய்வதாக எடியூரப்பா நாடகமாடுகிறார்போலீஸ் மந்திரி எம்.பி.பட்டீல் குற்றச்சாட்டு
வறட்சி பகுதிகளை ஆய்வு செய்வதாக எடியூரப்பா நாடகமாடுகிறார் என்று போலீஸ் மந்திரி எம்.பி.பட்டீல் குற்றம்சாட்டினார்.
பெங்களூரு, 

கர்நாடகத்தில் 170-க்கும் மேற்பட்ட தாலுகாக்கள் வறட்சியின் பிடியில் சிக்கி உள்ளது. வறட்சியை பணிகளை மேற்கொள்ள மாநில அரசு நடவடிக்கை எடுக்கவில்லை என்றும், மாவட்ட பொறுப்பு மந்திரிகள் வறட்சி பாதித்த பகுதிகளுக்கு செல்வதில்லை என்றும் பா.ஜனதாவினர் குற்றச்சாட்டு கூறியுள்ளனர்.

இந்த நிலையில் பாகல்கோட்டை, கொப்பல் ஆகிய மாவட்டங்களில் வறட்சியால் பாதித்த பகுதிகளில் கர்நாடக பா.ஜனதா தலைவர் எடியூரப்பா ஆய்வு செய்தார்.

இதுகுறித்து போலீஸ் மந்திரி எம்.பி.பட்டீல் நேற்று பாகல்கோட்டையில் நிருபர்களுக்கு அளித்த பேட்டியில் கூறியதாவது:-

கர்நாடக பா.ஜனதா தலைவர் எடியூரப்பா வறட்சி பகுதிகளை ஆய்வு செய்வதாக நாடகமாடுகிறார். இன்னும் 2 நாட்களில் தென்மேற்கு பருவமழை தொடங்க உள்ளது. இந்த சூழ்நிலையில் அவர் வறட்சி பகுதிகளை ஆய்வு செய்கிறார். இத்தனை நாட்களாக எடியூரப்பா எங்கே இருந்தார்.

கூட்டணி அரசு அமைந்த நாள் முதல் ஆபரேஷன் தாமரையில் மூழ்கியிருந்த எடியூரப்பாவுக்கு இப்போது திடீரென வறட்சி மீது கவனம் வந்துள்ளது. ஆபரேஷன் தாமரை தோல்வி அடைந்துவிட்டதால், எடியூரப்பா வறட்சி பகுதிகளை ஆய்வு செய்வதாக நாடகமாடுகிறார். மக்கள் அவருக்கு தக்க பாடம் புகட்டுவார்கள்.

கூட்டணி அரசுக்கு எந்த பிரச்சினையும் இல்லை. இந்த அரசு ஆட்சி காலத்தை முழுமையாக நிறைவு செய்யும். வறட்சி நிவாரண பணிகள் சரியான முறையில் நடந்து வருகின்றன. பா.ஜனதாவினர் தேவை இல்லாமல் குற்றம்சாட்டுகிறார்கள். அரசியல் மாயாஜாலத்தில் ஈடுபட்டுள்ளனர். இது மக்களிடம் எடுபடாது.

இவ்வாறு எம்.பி.பட்டீல் கூறினார்.

தொடர்புடைய செய்திகள்

1. கூட்டணி ஆட்சி திட்டங்களை நிறைவேற்ற கருவூலத்தில் பணம் இல்லை ; முதல்-மந்திரி எடியூரப்பா பேச்சு
முந்தைய கூட்டணி ஆட்சியில் அறிவிக்கப்பட்ட திட்டங்களை நிறைவேற்ற கருவூலத்தில் பணம் இல்லை என்று முதல்-மந்திரி எடியூரப்பா கூறினார்.
2. ராகவேந்திர அவுராத்கர் குழு பரிந்துரைப்படி கர்நாடக போலீசாருக்கு சம்பள உயர்வு; முதல்-மந்திரி எடியூரப்பா அறிவிப்பு
ராகவேந்திர அவுராத்கர் குழு பரிந்துரைப்படி கர்நாடகத்தில் போலீசாருக்கு சம்பள உயர்வு வழங்கி முதல்-மந்திரி எடியூரப்பா அறிவிப்பை வெளியிட்டுள்ளார்.
3. நான் முதல்-மந்திரி ஆனாலே எனக்கு அக்னி பரீட்சை தான் - எடியூரப்பா பேட்டி
நான் முதல்-மந்திரியாக பதவி ஏற்கும் போது எல்லாம் மாநிலம் மழை அல்லது வறட்சியால் பாதிக்கப்படுகிறது என்றும், நான் முதல்-மந்திரி ஆனாலே எனக்கு அக்னி பரீட்சை தான் என்று எடியூரப்பா கூறியுள்ளார்.
4. பெங்களூரு நிகழ்ச்சியில் ஒரே மேடையில் எடியூரப்பா, சித்தராமையா!
பெங்களூருவில் நடைபெற்ற நிகழ்ச்சியில் ஒரே மேடையில் கர்நாடக முதல்வர் எடியூரப்பா மற்றும் முன்னாள் முதல்வர் சித்தராமையா கலந்து கொண்டனர்.
5. கர்நாடக வெள்ள நிவாரண பணிக்காக மத்திய அரசு நிதி ஒதுக்கீடு குறித்து விரைவில் நல்ல செய்தி வரும் ; முதல்-மந்திரி எடியூரப்பா நம்பிக்கை
கர்நாடக வெள்ள நிவாரண பணிக்காக மத்திய அரசின் நிதி ஒதுக்கீடு குறித்து விரைவில் நல்ல செய்தி வரும் என்று முதல்-மந்திரி எடியூரப்பா நம்பிக்கை தெரிவித்தார்.