மாவட்ட செய்திகள்

மாட்டு வண்டி தொழிலாளர்களுக்காக 2 இடங்களில் மணல் குவாரி திறப்பு + "||" + Sand quarry opening in 2 places for cow car workers

மாட்டு வண்டி தொழிலாளர்களுக்காக 2 இடங்களில் மணல் குவாரி திறப்பு

மாட்டு வண்டி தொழிலாளர்களுக்காக 2 இடங்களில் மணல் குவாரி திறப்பு
மாட்டு வண்டி தொழிலாளர்களுக்காக 2 இடங்களில் மணல் குவாரி திறக்கப்பட்டுள்ளது.
திருவெறும்பூர்,

திருவெறும்பூர் பகுதியில் மாட்டு வண்டிகள் மூலம் மணல் அள்ளும் தொழிலாளர்கள் சுமார் 700-க்கும் ேமற்பட்டோர் உள்ளனர். விவசாயம் இல்லாத நாட்களில் மணல் அள்ளும் தொழிலை இவர்கள் செய்து வருகின்றனர். காவிரி மற்றும் கொள்ளிடம் ஆறுகளில் மணல் அள்ளுவதற்கு நீதிமன்றங்கள் தடை விதித்ததால், இவர்களால் மணல் அள்ள முடியாத சூழ்நிலை ஏற்பட்டது.


ஆனால் மணல் கடத்தப்படும் சம்பவங்கள் நடந்தன. மணல் கடத்தலை தடுக்க வருவாய்த்துறையினர் மற்றும் போலீசார் நடவடிக்கை எடுத்தனர். இதையடுத்து மணல் கடத்தியவர்கள் கைது செய்யப்பட்டனர்.

வாழ்வாதாரம் பாதிப்பு

இந்நிலையில் மாட்டு வண்டி தொழிலாளர்களின் வாழ்வாதாரம் பாதிக்கப்பட்ட நிலையில், அவர்கள் மணல் குவாரி திறக்க அரசுக்கு கோரிக்கை விடுத்தனர். மேலும் கோரிக்கையை வலியுறுத்தி பல்வேறு போராட்டங்களை நடத்தினர்.

இதையடுத்து திருவெறும்பூர் தாலுகா கீழ முல்லக்குடி காவிரி ஆற்று பகுதியிலும், ஸ்ரீரங்கம் தாலுகா திருவானைக்காவல் -கல்லணை செல்லும் சாலை அருகே உள்ள பகுதி என 2 இடங்களிலும் மணல் அள்ள, சில விதிமுறைகளுடன் அரசு அனுமதி அளித்துள்ளது.

மணல் குவாரிகள் திறப்பு

அதில் மாட்டு வண்டி குவாரி அதிகாலை 5 மணி முதல் 7 மணி வரை செயல்படும். மாட்டு வண்டிக்கு கட்டணமாக ரூ.105, மின்னணு கருவி மூலம் வசூலிக்கப்படும். இந்த குவாரிகள் 2 ஆண்டு காலம் செயல்படும் என்று தெரிவிக்கப்பட்டுள்ளது. அரசின் இந்த அறிவிப்பால் மாட்டு வண்டியில் மணல் அள்ளும் தொழிலாளர்கள் மகிழ்ச்சி அடைந்தனர்.

இதையடுத்து 2 இடங்களிலும் மணல் குவாரி திறக்கப்பட்டு, மாட்டு வண்டி தொழிலாளர்கள் மணல் அள்ளி செல்கின்றனர். 

தொடர்புடைய செய்திகள்

1. ஓடம்போக்கியாற்றில் தண்ணீர் திறப்பு: திருவாரூரில், கதவணைகள் சீரமைப்பு பணி தீவிரம்
ஓடம்போக்கியாற்றில் தண்ணீர் திறக்கப்பட்ட நிலையில் திருவாரூரில் ஆற்றின் கதவணைகள் சீரமைப்பு பணி தீவிரமாக நடைபெற்று வருகிறது.
2. மயிலாடுதுறையில், பஸ் நிறுத்தம் அருகே போலீஸ் பாதுகாப்புடன் புதிய மதுக்கடை திறப்பு
மயிலாடுதுறையில் பஸ் நிறுத்தம் அருகே புதிய மதுக்கடை போலீஸ் பாதுகாப்புடன் திறக்கப்பட்டது.
3. குவாரியில் இருந்து கற்களை ஏற்றிச்செல்லும்போது 200 அடி பள்ளத்தில் லாரி கவிழ்ந்து டிரைவர் பலி
பல்லடம் அருகே 200 அடி பள்ளத்தில் இருந்து லாரி கவிழ்ந்ததில் டிரைவர் பலியானார்.
4. டெல்டா பாசனத்துக்காக கல்லணையில் இருந்து கூடுதல் தண்ணீர் திறப்பு
டெல்டா பாசனத்துக்காக கல்லணையில் இருந்து கூடுதல் தண்ணீர் திறக்கப்பட்டுள்ளது.
5. காவிரி டெல்டா பாசனத்துக்காக கல்லணையில் இருந்து தண்ணீர் திறப்பு 7 அமைச்சர்கள் பங்கேற்பு
காவிரி டெல்டா பாசனத்துக்காக கல்லணையில் இருந்து தண்ணீர் திறந்து விடப்பட்டது. திறப்பு விழாவில் 7 அமைச்சர்கள் பங்கேற்றனர்.