மாவட்ட செய்திகள்

குடோனில் பதுக்கி வைக்கப்பட்டிருந்த தடை செய்யப்பட்ட 20 டன் பிளாஸ்டிக் பொருட்கள் பறிமுதல் அதிகாரிகள் நடவடிக்கை + "||" + Officers seized 20 tonnes of plastic material that was housed in the guton

குடோனில் பதுக்கி வைக்கப்பட்டிருந்த தடை செய்யப்பட்ட 20 டன் பிளாஸ்டிக் பொருட்கள் பறிமுதல் அதிகாரிகள் நடவடிக்கை

குடோனில் பதுக்கி வைக்கப்பட்டிருந்த தடை செய்யப்பட்ட 20 டன் பிளாஸ்டிக் பொருட்கள் பறிமுதல் அதிகாரிகள் நடவடிக்கை
குடோனில் பதுக்்கி வைக்கப்பட்டிருந்த தடை செய்யப்பட்ட 20 டன் பிளாஸ்டிக் பொருட்கள் பறிமுதல் செய்யப்பட்டது. தஞ்சை மாநகராட்சி அதிகாரிகள் இந்த நடவடிக்கையை எடுத்துள்ளனர்.
தஞ்சாவூர்,

தமிழகத்தில் பிளாஸ்டிக் பொருட்களுக்கு தடை விதிக்கப்பட்டுள்ளது. அதை மீறி விற்பனை செய்பவர்களுக்கு அபராதமும் விதிக்கப்பட்டு வருகிறது. மேலும் இது ெ்தாடர்பாக அதிகாரிகளும் அடிக்கடி சோதனை நடத்தி தடை செய்யப்பட்ட பிளாஸ்டிக் பொருட்களை விற்பனை செய்தாலோ, பதுக்கி வைத்திருந்தாலோ அவற்றை பறிமுதல் செய்து வருகிறார்கள்.


தஞ்சை கலெக்டர் அண்ணாதுரை உத்தரவுப்படி, மாநகராட்சி ஆணையர் ஜானகிரவீந்திரன் மேற்பார்வையில் தடை செய்யப்பட்ட பிளாஸ்டிக் பொருட்களை விற்பவர்கள் மீது கடும் நடவடிக்கை எடுக்கப்பட்டு வருகிறது. குறிப்பாக பிளாஸ்டிக் பொருட்கள் விற்பனை மற்றும் பதுக்கலை கண்காணிக்க 2 குழுக்கள் அமைக்கப்பட்டு உள்ளது. இதில் ஒவ்வொரு குழுவிலும் 6 துப்புரவு ஆய்வாளர்கள், 15 பணியாளர்கள் இடம் பெற்றுள்ளனர்.

இந்த குழுவினர் பிளாஸ்டிக் பொருட்கள் விற்பனை மற்றும் பதுக்கல் குறித்து அதிரடி சோதனை நடத்தி வருகிறார்கள். இந்த நிலையில் தஞ்சை வடக்கு அலங்கம் பகுதியில் உள்ள ஒரு குடோனில் தடை செய்யப்பட்ட பிளாஸ்டிக் பொருட்கள் பதுக்கி வைக்கப்பட்டு இருப்பதாக மாநகராட்சி அதிகாரிகளுக்கு தகவல் கிடைத்தது.

அதன் பேரில் துப்புரவு ஆய்வாளர்கள் ஜோசப் சேவியர், ரஞ்சித், பொன்னார் மற்றும் துப்புரவு பணியாளர்கள் மற்றும் மாநகராட்சி அதிகாரிகள் வடக்கு அலங்கம் பகுதியில் உள்ள குடோனுக்கு நேற்று காலை சோதனை நடத்துவதற்காக சென்றனர்.

அப்போது குடோன் பூட்டி இருந்தது. இதனையடுத்து அதிகாரிகள் குடோனின் பூட்டை உடைத்து உள்ளே சென்றனர். அங்கு தடை செய்யப்பட்ட பிளாஸ்டிக் பைகள், கப்புகள், மற்றும் பிளாஸ்டிக் பொருட்கள் மூட்டை மூட்டையாக கட்டி வைக்கப்பட்டு இருந்தன.

அவற்றை அதிகாரிகள் பறிமுதல் செய்தனர். அங்கு பதுக்கி வைக்கப்பட்டு இருந்த 20 டன் பிளாஸ்டிக் பொருட்கள் பறிமுதல் செய்யப்பட்டன. பின்னர் பிளாஸ்டிக் பொருட்களை வேன் மூலம் ஏற்றி மறுசுழற்சி செய்வதற்காக உரகிடங்குக்கு கொண்டு சென்றனர்.

தடை செய்யப்பட்ட பிளாஸ்டிக் பொருட்களை பதுக்கி வைத்திருந்த குடோன் உரிமையாளருக்கு ரூ.25 ஆயிரம் அபராதம் விதிக்கப்பட்டது.

தொடர்புடைய செய்திகள்

1. இ-சிகரெட்டுகளுக்கு தடை விதிக்க மத்திய அரசுக்கு பரிந்துரை
இ-சிகரெட்டுகளுக்கு தடை விதிக்குமாறு மத்திய அரசுக்கு பரிந்துரை செய்யப்பட்டுள்ளது.
2. நூலகர் இடமாறுதலுக்கு தடை குறித்த வழக்கு: ‘‘நீதித்துறையின் உத்தரவை நீதித்துறையினரே பின்பற்றாதது வேதனையானது’’ மதுரை ஐகோர்ட்டு நீதிபதி கருத்து
நூலகர் இடமாறுதலுக்கு தடை குறித்த வழக்கில் தீர்ப்பளித்த நீதிபதி, நீதித்துறையின் உத்தரவை நீதித்துறையினரே பின்பற்றாதது வேதனையானது என்று கருத்து தெரிவித்தார்.
3. கல்வி உதவித்தொகையை தடையின்றி வழங்கக் கோரி தஞ்சையில் மாணவர்கள் ஆர்ப்பாட்டம்
கல்வி உதவித்தொகையை தடையின்றி வழங்கக் கோரி தஞ்சையில் மாணவர்கள் ஆர்ப்பாட்டம் செய்தனர்.
4. மெக்சிகோ எல்லையில் சுவர் கட்ட தற்காலிக தடை : அமெரிக்க கோர்ட்டு உத்தரவு
அகதிகள் வருகையை தடுக்கும் வகையில் மெக்சிகோ எல்லையில் பிரமாண்ட சுவர் கட்ட அமெரிக்க ஜனாதிபதி டிரம்ப் முடிவு செய்தார். இதற்கான நிதியை ஒதுக்கும்படி நாடாளுமன்றத்திடம் அவர் கோரிக்கை வைத்தபோது, ஜனநாயக கட்சியினர் இதற்கு கடும் எதிர்ப்பு தெரிவித்தனர்.
5. தலைஞாயிறு பகுதிகளில் 25 கிலோ பிளாஸ்டிக் பைகள் பறிமுதல்
தலைஞாயிறு பகுதிகளில் 25 கிலோ பிளாஸ்டிக் பைகளை அதிகாரிகள் பறிமுதல் செய்தனர்.

அதிகம் வாசிக்கப்பட்டவை