ஆதிதிராவிடர்-பழங்குடியினர் விடுதிகளில் சேர மாணவர்கள் விண்ணப்பிக்கலாம்

அரியலூர்,

அரியலூர் மாவட்டத்தில் ஆதிதிராவிடர் மற்றும் பழங்குடியினர் நலத்துறையின் கட்டுப்பாட்டின் கீழ் ஒரு கல்லூரி மாணவர் விடுதியும், ஒரு ஐ.டி.ஐ. மாணவர் விடுதியும், 13 பள்ளி மாணவர் விடுதிகளும், 7 பள்ளி மாணவிகள் விடுதிகளும் செயல்பட்டு வருகின்றன. இவற்றில் 4-ம் வகுப்பு முதல் 12-ம் வகுப்பு வரை பயிலும் மாணவ-மாணவிகள் மற்றும் கல்லூரிகளில் பட்டப்படிப்பு பயிலும் மாணவர்கள் விடுதிகளில் சேர்ந்து பயனடையலாம். விடுதியில் சேர மாணவ-மாணவிகளின் பெற்றோர் ஆண்டு வருமானம் ரூ.2 லட்சத்து 50 ஆயிரத்துக்குள் இருக்க வேண்டும். விடுதியில் இருந்து மாணவர் குடியிருப்பு 5 கிலோ மீட்டருக்கு மேல் இருக்க வேண்டும். மாணவிகளுக்கு இது பொருந்தாது.

விடுதிகளில் 3 வேளைகளிலும் உணவு வழங்கப்படுகிறது. 2019-20-ம் ஆண்டிற்கான விடுதியில் சேருவதற்கான விண்ணப்ப படிவங்களை விடுதி காப்பாளர்களிடம் இலவசமாக பெற்றுக்கொள்ளலாம்.

விண்ணப்பங்களை பூர்த்தி செய்து அதனுடன் ஆதார் அட்டை நகல் மற்றும் மாணவ-மாணவிகளின் பெயரில் தொடங்கப்பட்ட வங்கி கணக்கு புத்தகத்தின் முதல் பக்க நகலை இணைத்து, அந்தந்த விடுதி காப்பாளர்களிடம், பள்ளி விடுதிகளுக்கு வருகிற 25-ந் தேதிக்குள்ளும், கல்லூரி விடுதிகளுக்கு அடுத்த மாதம் (ஜூலை) 10-ந் தேதிக்குள்ளும் ஒப்படைக்க வேண்டும்.

இவ்வாறு அதில் அவர் கூறியுள்ளார்.