மாவட்ட செய்திகள்

‘‘இறுதிச்சடங்கு செய்ய எனது கடைசி மகளுக்கே உரிமை உண்டு’’ 92 வயது முதியவர், போலீஸ் சூப்பிரண்டு அலுவலகத்தில் மனு + "||" + My last daughter is entitled to the funeral, 92-yearoldman petition in the police Superintendent's Office

‘‘இறுதிச்சடங்கு செய்ய எனது கடைசி மகளுக்கே உரிமை உண்டு’’ 92 வயது முதியவர், போலீஸ் சூப்பிரண்டு அலுவலகத்தில் மனு

‘‘இறுதிச்சடங்கு செய்ய எனது கடைசி மகளுக்கே உரிமை உண்டு’’ 92 வயது முதியவர், போலீஸ் சூப்பிரண்டு அலுவலகத்தில் மனு
எனது இறுதி சடங்கினை செய்வதற்கு கடைசி மகளுக்கே உரிமை உண்டு என்றும், தன்னை கவனிக்காத மகனுக்கு எந்த உரிமையும் இல்லை என்று கூறி 92 வயது முதியவர் ராமநாதபுரம் மாவட்ட போலீஸ் சூப்பிரண்டு அலுவலகத்தில் மனு கொடுத்தது பரபரப்பை ஏற்படுத்தியது.

ராமநாதபுரம்,

ராமநாதபுரம் மாவட்டம் திருப்பாலைக்குடி மாரியம்மன் கோவில் தெருவை சேர்ந்தவர் செல்லமுத்து (வயது 92). வயது முதிர்வின் காரணமாக இவர் உடல்நிலை பாதிக்கப்பட்டு உள்ளார். அவர் படுத்த படுக்கையாக வேனில் வைத்து, ராமநாதபுரம் போலீஸ் சூப்பிரண்டு அலுவலகத்துக்கு அழைத்து வரப்பட்டார். அங்கு செல்லமுத்து அளித்த மனுவில் கூறியிருப்பதாவது:–

எனது மனைவி நாயகம் கடந்த 8 ஆண்டுகளுக்கு முன்பு இறந்து விட்டார். எனக்கு கங்காதேவி, கீதா என்ற 2 மகள்களும், அன்பழகன் என்ற மகனும் உள்ளனர். இதில் அன்பழகன், கங்காதேவி ஆகியோர் திருமணமாகியவுடன் தனியாக சென்றுவிட்டனர். எனது சொத்துகளை 30 ஆண்டுகளுக்கு முன்னரே பிரித்து எழுதி வைத்து விட்டேன். உடல்நிலை பாதிக்கப்பட்ட என்னையும், எனது மனைவியையும் கடைசி மகள் கீதா தான் கவனித்து வந்தார். எனது மனைவி இறந்ததும் மகன் அன்பழகன் மூத்த மகன் என்ற உரிமையில் எனது மனைவியின் உடலை பெற்றுச் சென்று இறுதி சடங்கு செய்தார்.

எந்த உதவியும் செய்யாமல் பெற்றோரை கவனிக்காமல் இருந்தவர் கடைசியில் உரிமை கொண்டாடி எனது மனைவியின் உடலை பெற்றுச் சென்றுவிட்டார். இதேபோல, என்னையும் இதுநாள் வரை எனது கடைசி மகள் கீதா தான் கவனித்து வருகிறார். எனவே எனது இறுதிச்சடங்குகள் அனைத்தையும் எனது மகள் கீதாவும், அவரின் குடும்பத்தினர் மட்டுமே செய்ய வேண்டும் என்று உயில் எழுதி வைத்துள்ளேன். இதனை மீறி நான் இறந்ததும் எனது மகன் உரிமை கொண்டாடி எனது உடலை பெற வந்து தகராறு செய்தால் போலீசார் தலையிட்டு எனது விருப்பத்தின் பேரில் மகள் கீதாவின் மூலமே இறுதிச்சடங்குகளை செய்ய நடவடிக்கை எடுக்க வேண்டும்.

இவ்வாறு மனுவில் கூறப்பட்டு இருந்தது.


தொடர்புடைய செய்திகள்

1. சட்டமன்ற பேரவை குழுவுக்கு மனு அனுப்பலாம் - கலெக்டர் தகவல்
சட்டமன்ற பேரவை மனுக்கள் குழுவினர் விரைவில் ஆய்வு செய்ய உள்ளனர். இதனால் பொது பிரச்சினை தொடர்பாக பொதுமக்கள் மனு அனுப்பலாம் என கலெக்டர் தெரிவித்துள்ளார்.
2. ஜெயங்கொண்டம் தாலுகா அலுவலகத்தில் ஆர்ப்பாட்டம்-மனு கொடுக்கும் போராட்டம்
ஜெயங்கொண்டம் தாலுகா அலுவலகத்தில் ஆர்ப்பாட்டம்-மனுகொடுக்கும் போராட்டம் நடைபெற்றது.
3. ஹெல்மெட் அணியாமல் சென்றதால் போலீஸ் தடுத்தபோது லாரி சக்கரத்தில் சிக்கி இளம்பெண் கால்கள் நசுங்கியது; பொதுமக்கள் சாலை மறியல்- தடியடி
ஹெல்மெட் அணியாமல் சென்றதாக போலீசார் தடுத்த போது லாரி மோதி இருசக்கர வாகனத்தில் இருந்து சாலையில் விழுந்த இளம்பெண்ணின் கால்கள் லாரி சக்கரத்தில் சிக்கி நசுங்கியது. போலீசாரை கண்டித்து சாலை மறியலில் ஈடுபட்ட பொதுமக்களை தடியடி நடத்தி போலீசார் கலைத்தனர்.
4. தர்மபுரியில், அமைப்புசாரா தொழிலாளர்கள் மனு கொடுக்கும் போராட்டம்
தர்மபுரியில் கட்டு மானம் மற்றும் அமைப்புசாரா தொழிலாளர்கள் கோரிக்கைகளை வலியுறுத்தி மனு கொடுக்கும் போராட்டத்தில் ஈடுபட்டனர்.
5. ஆவின் பால் விற்பனை கமிஷன் தொகையை உயர்த்தி தர வேண்டும் - பொதுமேலாளரிடம், முகவர்கள் நலச்சங்கத்தினர் மனு
ஆவின் பால் விற்பனை கமிஷன் தொகையை உயர்த்தி தர வேண்டும் என்று பால் முகவர்கள் ஆவின் பொதுமேலாளரிடம் மனு அளித்தனர்.

ஆசிரியரின் தேர்வுகள்...