வளர்ச்சி திட்டங்கள் முன்னெடுத்து செயல்படுத்தப்படும் புதிய கலெக்டராக பொறுப்பேற்று கொண்ட டி.ஜி.வினய் பேட்டி

அரியலூர்,

அரியலூர் மாவட்ட கலெக்டராக பணியாற்றிய விஜயலட்சுமியை திண்டுக்கல்லுக்கும், திண்டுக்கல் மாவட்ட கலெக்டராக பணிபுரிந்த டாக்டர் டி.ஜி.வினய் அரியலூருக்கு பணியிட மாற்றம் செய்து கடந்த சில நாட்களுக்கு முன்பு தமிழக அரசு உத்தரவிட்டது. அதன்படி அரியலூர் மாவட்ட கலெக்டராக டி.ஜி.வினய் நேற்று அரியலூர் கலெக்டர் அலுவலகத்தில் பொறுப்பேற்றுக்கொண்டார். அவரிடம் மாவட்ட வருவாய் அதிகாரி பொற்கொடி பொறுப்புகளை ஒப்படைத்தார். அரியலூர் மாவட்ட கலெக்டராக புதிதாக பொறுப்பேற்றுக்கொண்ட டி.ஜி.வினய்க்கு அனைத்துத்துறை அலுவலர்கள், பணியாளர்கள் வாழ்த்து தெரிவித்தனர். அப்போது கலெக்டர் டாக்டர் டி.ஜி.வினய் நிருபர்களிடம் கூறுகையில், அரியலூர் மாவட்ட வளர்ச்சிக்காகவும், மக்கள் நலனுக்காகவும் பல்வேறு வளர்ச்சி திட்டங்கள் முன்னெடுத்து செயல்படுத்தப்படும் என்றார்.