மாவட்ட செய்திகள்

கல்லாவியில்அரசு பள்ளிகளில் குடிநீர் தட்டுப்பாடுமாணவ, மாணவிகள் அவதி + "||" + In Kallavi Drinking water shortage in government schools Student, Students Awadi

கல்லாவியில்அரசு பள்ளிகளில் குடிநீர் தட்டுப்பாடுமாணவ, மாணவிகள் அவதி

கல்லாவியில்அரசு பள்ளிகளில் குடிநீர் தட்டுப்பாடுமாணவ, மாணவிகள் அவதி
கல்லாவியில் அரசு பள்ளிகளில் ஏற்பட்டுள்ள குடிநீர் தட்டுப்பாடு காரணமாக மாணவ, மாணவிகள் அவதிக்குள்ளாகி வருகின்றனர்.
ஊத்தங்கரை, 

கிருஷ்ணகிரி மாவட்டம் ஊத்தங்கரை அடுத்த கல்லாவியில் ஒரே வளாகத்தில் அரசு மேல்நிலைப்பள்ளி, அரசு பெண்கள் உயர்நிலைப்பள்ளி என 2 பள்ளிகள் செயல்பட்டு வருகிறது. இந்த பள்ளிகளில் 500-க்கும் மேற்பட்ட மாணவ, மாணவிகள் படித்து வருகின்றனர். பள்ளி வளாகத்திலேயே மாணவிகள் தங்கும் விடுதி உள்ளது. இந்த விடுதியில் மாணவிகள் தங்கி பயின்று வருகின்றனர். மேலும் பள்ளியில் 300-க்கும் மேற்பட்ட மாணவ, மாணவிகளுக்கு தினமும் மதிய உணவு வழங்கப்படுகிறது.

இந்த நிலையில் தற்போது பள்ளியில் கடும் குடிநீர் தட்டுப்பாடு ஏற்பட்டுள்ளது. போதிய குடிநீர் இன்றி மாணவ, மாணவிகள் பெரும் அவதிக்கு உள்ளாகி வருகின்றனர். போதிய மழை இல்லாததால் ஆழ்துளை கிணறுகளும் தண்ணீர் இன்றி வறண்டு விட்டன. இதன் காரணமாக மாணவர்களுக்கு மதிய உணவு சமைப்பதற்கு கூட போதிய தண்ணீர் கிடைப்பதில்லை.

அன்றாட தேவைக்கு ஆசிரியர்கள் மட்டும் பணம் கொடுத்து குடிநீரை வாங்கி பயன்படுத்தும் நிலை காணப்படுகிறது. மேலும் கழிப்பறையிலும் தண்ணீர் இல்லாததால் அங்கு துர்நாற்றம் வீசுகிறது. இதனால் மாணவ, மாணவிகள் அவதிப்படுகின்றனர். துர்நாற்றம் காரணமாக அவர்கள் மூக்கை பிடித்து கொண்டு செல்ல வேண்டிய அவல நிலை உள்ளது.

மாணவ, மாணவிகளின் நலன்கருதி கல்லாவி அரசு மேல்நிலை மற்றும் உயர்நிலைப்பள்ளிக்கு உடனடியாக தண்ணீர் வசதிகள் செய்துதரவேண்டும் என பொதுமக்கள் கோரிக்கை விடுத்துள்ளனர்.

கல்லாவி அரசு மேல்நிலைப்பள்ளி காமராஜர் முதல்-அமைச்சராக இருந்த போது அவரால் திறக்கப்பட்டது என்பதும், உச்சநீதிமன்ற நீதிபதி பானுமதி இந்த அரசு பள்ளியில் தான் படித்தார் என்பதும் குறிப்பிடத்தக்கது.

தொடர்புடைய செய்திகள்

1. விளாத்திகுளம் தாலுகா, ஓ.துரைசாமிபுரத்தில் 6 மாதமாக குடிநீர் தட்டுப்பாடு - சீரான வினியோகத்துக்கு நடவடிக்கை எடுக்க பொதுமக்கள் கோரிக்கை
விளாத்திகுளம் தாலுகா ஓ.துரைசாமிபுரத்தில் கடந்த 6 மாதங்களாக குடிநீர் தட்டுப்பாடு நிலவுகிறது. இந்த கிராமத்தில் சீரான குடிநீர் வினியோகத்துக்கு நடவடிக்கை எடுக்க கலெக்டருக்கு அக்கிராம மக்கள் கோரிக்கை விடுத்தனர்.
2. மின் மோட்டார் பழுதடைந்ததால் நெடிகாடு கிராமத்தில் குடிநீர் தட்டுப்பாடு
மின் மோட்டார் பழுதடைந்ததால் நெடிகாடு கிராமத்தில் குடிநீர் தட்டுப்பாடு ஏற்பட்டு உள்ளது.
3. குமரமங்கலம் பகுதியில் குடிநீர் தட்டுப்பாட்டால் பொதுமக்கள் அவதி
குமரமங்கலம் பகுதியில் ஏற்பட்டுள்ள குடிநீர் தட்டுப்பாட்டால் பொதுமக்கள் அவதியடைந்து வருகின்றனர்.
4. தண்ணீருக்காக காத்திருக்கும் குடங்கள்: திருவரங்குளம் ஊராட்சியில் கடும் குடிநீர் தட்டுப்பாடு
திருவரங்குளம் ஊராட்சியில் கடுமையான குடிநீர் தட்டுப்பாடு ஏற்பட்டு உள்ளது. இதனால் பொதுமக்கள் கடும் அவதி அடைந்து வருகின்றனர்.
5. கடலோர பகுதிகளில் கடும் குடிநீர் தட்டுப்பாடு, நீண்ட நேரம் காத்திருந்து ஊற்றுகளில் தண்ணீர் எடுத்துச்செல்லும் பொதுமக்கள்
புதுக்கோட்டை மாவட்ட கடலோர பகுதிகளில் கடுமையான குடிநீர் தட்டுப்பாடு ஏற்பட்டு உள்ளது. இதனால் பொதுமக்கள் நீண்டநேரம் காத்திருந்து ஊற்றுகளில் இருந்து தண்ணீர் எடுத்து செல்கின்றனர்.

அதிகம் வாசிக்கப்பட்டவை