மாவட்ட செய்திகள்

5 நாட்களாக கொட்டிய மழையின் தீவிரம் குறைந்தது : மும்பையில் இயல்பு வாழ்க்கை திரும்புகிறது + "||" + The intensity of rain fell: the return of normal life in Mumbai

5 நாட்களாக கொட்டிய மழையின் தீவிரம் குறைந்தது : மும்பையில் இயல்பு வாழ்க்கை திரும்புகிறது

5 நாட்களாக கொட்டிய மழையின் தீவிரம் குறைந்தது : மும்பையில் இயல்பு வாழ்க்கை திரும்புகிறது
மும்பையில் 5 நாட்களாக கொட்டிய மழையின் தீவிரம் குறைந்ததை அடுத்து மெல்ல, மெல்ல இயல்பு வாழ்க்கை திரும்புகிறது. ஆனால் 75 விமானங்கள் ரத்து செய்யப்பட்டதால் பயணிகள் பரிதவித்தனர்.
மும்பை,

மும்பையில் தீவிரமடைந்த தென்மேற்கு பருவமழை 5 நாட்களாக கனமழையாக கொட்டி தீர்த்தது. கடந்த திங்கட்கிழமை இடைவிடாமல் ருத்ர தாண்டவம் ஆடிய மழை நகர மக்களின் இயல்பு வாழ்க்கையை முடக்கி போட்டதுடன் கொத்து, கொத்தாக உயிர் பலியும் வாங்கியது. குறிப்பாக மலாடில் குடிசை பகுதியில் சுவர் இடிந்து 24 பேர் மடிந்தனர்.

சாலைகள், ரெயில்வே தண்டவாளங்கள் வெள்ளக்காடாக காட்சி அளித்தன. இதனால் நகரின் போக்குவரத்து உயிர் நாடியான மின்சார ரெயில் சேவை முடங்கியதுடன் மாநகராட்சியின் பெஸ்ட் பஸ் சேவையும் கடுமையாக பாதிக்கப்பட்டது.

கனமழைக்கு விமான போக்குவரத்தும் தப்பவில்லை. விமான நிலைய பிரதான ஓடுபாதையில் தேங்கிய மழைநீரால் ஸ்பைஸ் ஜெட் விமானம் ஓடுபாதையில் இருந்து விலகி ஓடி தரையில் பாய்ந்து விபத்துக்குள்ளானது. அதில் இருந்த பயணிகள் அதிர்ஷ்டவசமாக உயிர் தப்பினர்.

இந்தநிலையில், நேற்று முன்தினம் மதியத்துக்கு பின்னர் மழையின் தீவிரம் குறைந்தது. சாலைகளிலும், தெருக்களிலும் தேங்கிய வெள்ளம் வடிய தொடங்கியது. இதையடுத்து மும்பையில் இயல்பு வாழ்க்கை மெல்ல, மெல்ல திரும்ப தொடங்கியுள்ளது.

வெள்ளத்தில் சிக்கி நடுவழியில் நின்ற 150-க்கும் மேற்பட்ட பெஸ்ட் பஸ்கள் மீட்கப்பட்டன. நேற்று வழக்கம் போல பஸ்கள் இயங்க தொடங்கின. மொத்தம் உள்ள 3 ஆயிரத்து 203 பஸ்களில், 2950 பஸ்கள் இயக்கப்பட்டன.

மத்திய ரெயில்வே நேற்று ஞாயிற்றுக்கிழமை அட்டவணைப்படி குறைந்த எண்ணிக்கையில் மின்சார ரெயில் சேவைகளை இயக்கியது.

பள்ளி, கல்லூரிகள் வழக்கம் போல் செயல்பட தொடங்கிய நிலையில் மின்சார ரெயில்களில் காலை நேரத்தில் கால் வைக்க முடியாத அளவுக்கு கூட்ட நெரிசல் இருந்தது. இதனால் ஆத்திரம் அடைந்த பயணிகள் மத்திய ரெயில்வேயை சமூக வலைதளங்களில் வறுத்தெடுத்தனர்.

இதையடுத்து, வார நாட்களில் இயக்கப்படுவது போல் மின்சார ரெயில்கள் இயக்கப்படும் என மத்திய ரெயில்வே அறிவித்தது. மேலும் தானே, டோம்பிவிலி வரையிலும் சிறப்பு மின்சார ரெயில்களும் இயக்கப்பட்டன.

அதே நேரத்தில் 2-வது நாளாக நேற்றும் விமான போக்குவரத்து சீராகவில்லை. ஓடுதளத்தில் இருந்து விலகி ஓடிய விமானத்தை மீட்கும் பணி நடைபெறுவதால் பிரதான ஓடுதளம் 2-வது நாளாக நேற்று மூடப்பட்டு இருந்தது. இதன் காரணமாக நேற்று 75 விமானங்கள் ரத்து செய்யப்பட்டன.

இதனால் விமான நிலையத்திற்கு வந்திருந்த பயணிகள் பரிதவித்தனர். மும்பை ரெயில் நிலையங்களை போல நேற்று விமான நிலையமும் பயணிகள் கூட்டத்தால் நிரம்பி வழிந்தது.

தொடர்புடைய செய்திகள்

1. விடிய விடிய வெளுத்து வாங்கிய மழை: இயல்பு வாழ்க்கை பாதிப்பு
புதுவையில் விடிய விடிய மழை வெளுத்து வாங்கியது. இந்த தொடர் மழையால் பொதுமக்களின் இயல்பு வாழ்க்கை பாதிக்கப்பட்டது.
2. பலி எண்ணிக்கை 48 ஆக உயர்வு; மழை-வெள்ளத்துக்கு 48,915 வீடுகள் சேதம் - கர்நாடக அரசு தகவல்
கர்நாடகத்தில் மழை-வெள்ளத்துக்கு பலியானோரின் எண்ணிக்கை 48 ஆக உயர்ந்துள்ளதாகவும், 48 ஆயிரத்து 915 வீடுகள் சேதமடைந்திருப்பதாகவும் கர்நாடக அரசு தெரிவித்துள்ளது.
3. வால்பாறையில், மழையால் பாதிப்படைந்த போக்குவரத்து கழக பணிமனை - நிர்வாக இயக்குனர் நேரில் ஆய்வு
வால்பாறையில் மழையால் பாதிப்படைந்த அரசு போக்குவரத்துக்கழக பணிமனையை நிர்வாக இயக்குனர் நேரில் ஆய்வு செய்தார்.
4. குமரி மாவட்டத்தில் மழை நீடிப்பு திற்பரப்பு அருவியில் தண்ணீர் ஆர்ப்பரித்து கொட்டுகிறது
குமரி மாவட்டத்தில் மழை நீடித்து வருவதால் திற்பரப்பு அருவியில் தண்ணீர் ஆர்ப்பரித்து கொட்டுகிறது.
5. கூடலூர், பந்தலூரில் கொட்டும் மழையிலும் பச்சை தேயிலை பறிக்கும் தொழிலாளர்கள் - சம்பளத்துடன் விடுமுறை வழங்க கோரிக்கை
பந்தலூரில் கொட்டும் மழையிலும் தொழிலாளர்கள் பச்சை தேயிலை பறிக்கின்றனர். எனவே சம்பளத்துடன் விடுமுறை வழங்க வேண்டும் என்று அவர்கள் கோரிக்கை விடுத்து உள்ளனர்.