மாவட்ட செய்திகள்

திருச்சி விமான நிலையத்தில் ரூ.17 லட்சம் கடத்தல் தங்கம் பறிமுதல் மலேசிய பெண் உள்பட 2 பேரிடம் விசாரணை + "||" + Two men, including a Malaysian woman, arrested for smuggling gold at Trichy airport

திருச்சி விமான நிலையத்தில் ரூ.17 லட்சம் கடத்தல் தங்கம் பறிமுதல் மலேசிய பெண் உள்பட 2 பேரிடம் விசாரணை

திருச்சி விமான நிலையத்தில் ரூ.17 லட்சம் கடத்தல் தங்கம் பறிமுதல் மலேசிய பெண் உள்பட 2 பேரிடம் விசாரணை
திருச்சி விமான நிலையத்தில் ரூ.17 லட்சம் கடத்தல் தங்கம் பறிமுதல் செய்யப்பட்டது. இதுதொடர்பாக மலேசிய பெண் உள்பட 2 பேரிடம் விசாரணை நடத்தப்பட்டு வருகிறது.
செம்பட்டு,

திருச்சி விமான நிலையத்தில் இருந்து சிங்கப்பூர், மலேசியா, இலங்கை போன்ற வெளிநாடுகளுக்கும், சென்னை, கேரளா உள்பட உள்நாடுகளுக்கும் விமானங்கள் இயக்கப்பட்டு வருகிறது. இந்நிலையில் மலேசிய தலைநகர் கோலாலம்பூரில் இருந்து நேற்று முன்தினம் இரவு திருச்சிக்கு ஒரு தனியார் விமானம் வந்தடைந்தது.


அதில் வந்த பயணிகளிடம் திருச்சி விமான நிலைய வான் நுண்ணறிவு பிரிவு சுங்கத்துறை அதிகாரிகள் சோதனை மேற்கொண்டனர். அப்போது சென்னையை சேர்ந்த தியாகராஜன் என்பவர் 259 கிராம் தங்கத்தை தனது கைப்பையில் மறைத்து கடத்தி வந்தது தெரியவந்தது.

இதேபோல, மலேசியாவில் இருந்து மற்றொரு விமானத்தில் வந்த பயணிகளின் உடைமைகளை அதிகாரிகள் சோதனை செய்தபோது மலேசியாவை சேர்ந்த சரஸ்வதி வீரப்பன் என்ற பெண் 240 கிராம் எடை கொண்ட 8 வளையல்களை தனது கைகளில் அணிந்து மறைத்து கடத்தி வந்தது தெரியவந்தது. அதைத்தொடர்ந்து 2 பேரும் கடத்தி வந்த தங்கம் பறிமுதல் செய்யப்பட்டது.

விசாரணை

கடத்தி வரப்பட்ட தங்கத்தின் மொத்த மதிப்பு ரூ. 17 லட்சம் இருக்கும் என்று கூறப்படுகிறது. பிடிபட்ட மலேசிய பெண் உள்பட 2 பேரிடமும் விமான நிலைய அதிகாரிகள் தொடர்ந்து விசாரணை நடத்தி வருகின்றனர்.

தொடர்புடைய செய்திகள்

1. உத்தமபாளையம் அருகே கோம்பையில் 2 வீடுகளில் தேசிய புலனாய்வு முகமை போலீசார் சோதனை; லேப்டாப், ஹார்டு டிஸ்க் பறிமுதல்
உத்தமபாளையம் அருகே கோம்பையில் தேசிய புலனாய்வு முகமை போலீசார் 2 வீடுகளில் சோதனை நடத்தி அங்கிருந்து லேப்டாப், ஹார்டு டிஸ்க் ஆகியவற்றை பறிமுதல் செய்தனர்.
2. குடியாத்தம் அருகே உரிய ஆவணங்கள் இன்றி எடுத்துச்சென்ற ரூ.4 லட்சம் பறிமுதல் வாகன சோதனையில் சிக்கியது
குடியாத்தம் அருகே நடந்த வாகன சோதனையில், உரிய ஆவணங்கள் இன்று எடுத்துச்செல்லப்பட்ட ரூ.4 லட்சம் பறிமுதல் செய்யப்பட்டது.
3. பண்ணாரி சோதனை சாவடியில் லஞ்ச ஒழிப்புத்துறை திடீர் சோதனை; கணக்கில் வராத ரூ.66 ஆயிரம் பறிமுதல்
பண்ணாரி சோதனை சாவடியில் லஞ்ச ஒழிப்புத்துறை அதிகாரிகள் நடத்திய திடீர் சோதனையில் கணக்கில் வராத ரூ.66 ஆயிரம் பறிமுதல் செய்யப்பட்டது.
4. அயோத்தியாப்பட்டணம் சார்பதிவாளர் அலுவலகத்தில் விடிய, விடிய சோதனை நடத்திய லஞ்ச ஒழிப்பு போலீசார் கணக்கில் வராத ரூ.92 ஆயிரம் பறிமுதல்
சேலம் அருகே அயோத்தியாப்பட்டணத்தில் உள்ள சார்பதிவாளர் அலுவலகத்தில் லஞ்ச ஒழிப்பு போலீசார் நேற்று முன்தினம் மாலை முதல் நேற்று அதிகாலை வரை விடிய, விடிய சோதனை நடத்தினர். இதில் கணக்கில் வராத ரூ.92 ஆயிரம் சிக்கியது.
5. சென்னை விமான நிலையத்தில் ரூ.54¾ லட்சம் தங்கம் பறிமுதல்; ரூ.12½ லட்சம் வெளிநாட்டு பணமும் சிக்கியது
சென்னை விமான நிலையத்தில் ரூ.54 லட்சத்து 80 ஆயிரம் மதிப்புள்ள தங்கத்தை பறிமுதல் செய்த சுங்க இலாகா அதிகாரிகள், இது தொடர்பாக இலங்கை பெண்ணை கைது செய்தனர். மேலும் 2 பேரிடம் விசாரித்து வருகின்றனர். ரூ.12½ லட்சம் வெளிநாட்டு பணமும் சிக்கியது.