மாவட்ட செய்திகள்

மண்ணச்சநல்லூர் அருகே சாலை அமைக்கும் பணியை தடுத்து நிறுத்திய கிராம மக்கள் தரமாக அமைக்க கோரிக்கை + "||" + Request to set the standard for villagers who have stopped the road construction work near Mannachanallur

மண்ணச்சநல்லூர் அருகே சாலை அமைக்கும் பணியை தடுத்து நிறுத்திய கிராம மக்கள் தரமாக அமைக்க கோரிக்கை

மண்ணச்சநல்லூர் அருகே சாலை அமைக்கும் பணியை தடுத்து நிறுத்திய கிராம மக்கள் தரமாக அமைக்க கோரிக்கை
தரமாக அமைக்கக்கோரி மண்ணச்சநல்லூர் அருகே கிராம மக்கள் சாலைப்பணியை தடுத்து நிறுத்தினர்.
சமயபுரம்,

மண்ணச்சநல்லூர் ஊராட்சி ஒன்றியம், சா.அய்யம்பாளையம் ஊராட்சிக்குட்பட்டது, ஆராயிபள்ளம் கிராமம். சா.அய்யம்பாளையம் முதல் ஆராயிபள்ளம் வரை உள்ள சாலை குண்டும்-குழியுமாக போக்குவரத்திற்கு லாயக்கற்ற நிலையில் இருந்தது. இந்த சாலையை சீரமைக்க பொது மக்கள் விடுத்த கோரிக்கையின்பேரில், ரூ.46 லட்சத்து 64 ஆயிரம் மதிப்பீட்டில் சாலை அமைக்க திட்டமிடப்பட்டு அதற்கான பணிகள் நடைபெற்று வருகிறது.


இந்நிலையில், இந்தசாலை தரமற்ற முறையில் அமைக்கப்படுவதாகவும், இரு சக்கர வாகனங்கள் செல்லும்போது சிறிய ஜல்லிகள் பெயர்ந்து விடுவதாகவும், இவ்வாறு அமைக்கப்பட்டால் ஒரு மாதத்திற்கு கூட சாலை தாங்காது என்றும், ஆகவே, இந்த சாலையை தரமாக அமைக்கக்கோரியும் அப்பகுதி பொதுமக்கள் ஒப்பந்ததாரரிடம் கேட்டுக்கொண்டனர். ஆனாலும், தொடர்ந்து தரமற்ற முறையில் சாலை அமைக்கப்பட்டதாக கூறப்படுகிறது.

இதுகுறித்து ஒன்றிய ஆணையர் மற்றும் பொறியாளர் உள்ளிட்டோரிடம் சொல்லியும் எவ்வித நடவடிக்கையும் எடுக்கப்படவில்லை என்று தெரிகிறது. இதனால், ஆத்திரமடைந்த அப்பகுதி பொதுமக்கள் நேற்று காலை திடீரென ஒன்று கூடி சாலை அமைக்கும் பணியை தடுத்து நிறுத்தி ஆர்ப்பாட்டத்தில் ஈடுபட்டனர். இதனால் அங்கு பரபரப்பு ஏற்பட்டது.

தகவல் அறிந்த மண்ணச்சநல்லூர் போலீசார் மற்றும் ஒன்றிய அதிகாரிகள் சம்பவ இடத்திற்கு சென்று பொதுமக்களிடம் பேச்சுவார்த்தை நடத்தினர். தரமான முறையில் சாலை அமைக்க நடவடிக்கை எடுக்கப்படும் என்று அதிகாரிகள் உறுதி அளித்ததை தொடர்ந்து அனை வரும் அங்கிருந்து கலைந்து சென்றனர்.

தொடர்புடைய செய்திகள்

1. உடயவர்தீயனூரில் மதுபானக்கடையை மாற்றக்கோரி பொதுமக்கள் சாலை மறியல் போக்குவரத்து பாதிப்பு
மதுபானக்கடையை வேறு இடத்திற்கு மாற்றக்கோரி உடயவர்தீயனூரில் பொதுமக்கள் சாலை மறியல் போராட்டத்தில் ஈடுபட்டதால் போக்குவரத்து பாதிக்கப்பட்டது.
2. கல் பட்டறை உரிமையாளருக்கு அரிவாள் வெட்டு மர்மநபர்களை கைது செய்யக்கோரி உறவினர்கள் சாலை மறியல்
புதுக்கோட்டையில் கல் பட்டறை உரிமையாளரை அரிவாளால் வெட்டிய மர்மநபர்களை கைது செய்யக்கோரி அவரது உறவினர்கள் சாலை மறியலில் ஈடுபட்டனர்.
3. தீபாவளி பண்டிகையை முன்னிட்டு வெல்லம் தயாரிக்கும் பணி தீவிரம்
தீபாவளி பண்டிகையை முன்னிட்டு வெல்லம் தயாரிக்கும் பணி தீவிரமாக நடைபெற்று வருகிறது.
4. கொத்தனார் மர்ம சாவு அடித்துக்கொலை செய்யப்பட்டதாக கூறி உறவினர்கள் சாலை மறியல்
திருவரங்குளம் அருகே கொத்தனார் மர்மமான முறையில் தூக்கில் பிணமாக தொங்கினார். இந்நிலையில் சொத்து தகராறு காரணமாக அடித்துக்கொலை செய்யப்பட்டதாக கூறி உறவினர்கள் சாலை மறியலில் ஈடுபட்டனர்.
5. மாரிக்குளம் சுடுகாட்டில் 2-வது கட்டமாக சீரமைப்பு பணி
பொதுமக்கள் மாரிகுளம் சுடுகாடு சீரமைப்பு குழுவை ஏற்படுத்தி, கடந்த வாரம் முதல்கட்ட சீரமைக்கும் பணியில் ஈடுபட்டனர்.