மாவட்ட செய்திகள்

திண்டுக்கல்லில், டேங்கர் லாரிக்குள் இறங்கி ஆயில் கழிவை சுத்தம் செய்த 2 பேர் மயக்கம் + "||" + Getting into the tanker truck Oil clean up waste after 2 people fainting

திண்டுக்கல்லில், டேங்கர் லாரிக்குள் இறங்கி ஆயில் கழிவை சுத்தம் செய்த 2 பேர் மயக்கம்

திண்டுக்கல்லில், டேங்கர் லாரிக்குள் இறங்கி ஆயில் கழிவை சுத்தம் செய்த 2 பேர் மயக்கம்
திண்டுக்கல்லில் டேங்கர் லாரிக்குள் இறங்கி ஆயில் கழிவை சுத்தம் செய்த 2 தொழிலாளர்கள் மூச்சுத் திணறி மயங்கி விழுந்தனர்.
திண்டுக்கல்,

திண்டுக்கல்-நத்தம் சாலையில் தொழிற்பேட்டை அமைந்துள்ளது. இங்கு ஒரு தனியார் ஆயில் சுத்திகரிப்பு தொழிற்சாலை உள்ளது. இந்த தொழிற்சாலையில், ஏற்கனவே பயன்படுத்தப்பட்ட ஆயிலை வாங்கி வந்து சுத்திகரிப்பு செய்யப்படுகிறது. இதற்காக கோவை, ஈரோடு உள்பட பல்வேறு ஊர்களில் இருந்து டேங்கர் லாரிகளில் ஆயில் கொண்டு வரப்படுவது வழக்கம்.

இந்த தொழிற்சாலையில் கொடைரோடு அருகேயுள்ள செட்டியபட்டியை சேர்ந்த முருகேசன் (வயது 50), திண்டுக்கல் கிழக்கு மரியநாதபுரத்தை சேர்ந்த செல்வராஜ் (70) ஆகியோர் தொழிலாளர்களாக வேலை செய்து வருகின்றனர். இந்த நிலையில் நேற்று ஒரு டேங்கர் லாரியில் ஆயில் கொண்டு வரப்பட்டது. பின்னர் லாரியில் இருந்த ஆயில் இறக்கப்பட்டது. அதேநேரம் லாரியின் டேங்கரில் ஆயில் கழிவுகள் தேங்கி இருந்தது.

இதையடுத்து முருகேசன் லாரியின் டேங்கருக்குள் இறங்கி, கழிவை சுத்தம் செய்யும் பணியில் ஈடுபட்டார். அப்போது மூச்சுத்திணறல் ஏற்பட்டு, அவர் மயங்கி விழுந்தார். இதை அறிந்ததும் செல்வராஜ், முருகேசனை மீட்பதற்காக டேங்கருக்குள் சென்றார். அவரும் மூச்சுத் திணறல் ஏற்பட்டு மயங்கினார். இதைத் தொடர்ந்து அருகில் இருந்தவர்கள் டேங்கருக்குள் இறங்கி 2 பேரையும் மீட்டனர்.

பின்னர் திண்டுக்கல் அரசு மருத்துவமனையில், அவர் களை சிகிச்சைக்காக சேர்த்தனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது. இந்த சம்பவம் குறித்து திண்டுக்கல் வடக்கு போலீசார் விசாரணை நடத்தி வருகின்றனர். டேங்கர் லாரியில் ஆயில் கழிவை சுத்தம் செய்த போது மூச்சுத்திணறி 2 தொழிலாளர்கள் மயங்கி விழுந்த சம்பவம் பெரும் பரபரப்பை ஏற்படுத்தியது. 

தொடர்புடைய செய்திகள்

1. டேங்கர் லாரி தீப்பற்றி எரிந்ததில் டிரைவர் உடல் கருகி பலி - 12 ஆயிரம் லிட்டர் பால் வீணாகியது
பால் லோடு ஏற்றி வந்த டேங்கர் லாரி பாலத்தில் இருந்து தலைகுப்புற கவிழ்ந்து தீப்பற்றி எரிந்தது. இதில் உடல் கருகி டிரைவர் சம்பவ இடத்திலேயே பலியானார். 12 ஆயிரம் லிட்டர் பால் வீணாகியது. ஆத்தூர் அருகே நடந்த இந்த விபத்து பற்றிய விவரம் வருமாறு:-
2. புதிய டெண்டரில் 600 சமையல் கியாஸ் டேங்கர் லாரிகளுக்கு வேலைவாய்ப்பு கிடைக்கவில்லை
புதிய டெண்டரில் 600 சமையல் கியாஸ் டேங்கர் லாரிகளுக்கு வேலைவாய்ப்பு கிடைக்காததால், அவற்றின் உரிமையாளர்கள் நாமக்கல்லில் உள்ள அச்சங்கத்தின் அலுவலகத்தை முற்றுகையிட்டதால் பரபரப்பு ஏற்பட்டது.