மாவட்ட செய்திகள்

அயோத்தியாப்பட்டணம் சார்பதிவாளர் அலுவலகத்தில் விடிய, விடிய சோதனை நடத்திய லஞ்ச ஒழிப்பு போலீசார் கணக்கில் வராத ரூ.92 ஆயிரம் பறிமுதல் + "||" + In the office of the Defendant Corruption cops conducting dawn and dawn raids Unaccounted Rs .92 lakh seized

அயோத்தியாப்பட்டணம் சார்பதிவாளர் அலுவலகத்தில் விடிய, விடிய சோதனை நடத்திய லஞ்ச ஒழிப்பு போலீசார் கணக்கில் வராத ரூ.92 ஆயிரம் பறிமுதல்

அயோத்தியாப்பட்டணம் சார்பதிவாளர் அலுவலகத்தில் விடிய, விடிய சோதனை நடத்திய லஞ்ச ஒழிப்பு போலீசார் கணக்கில் வராத ரூ.92 ஆயிரம் பறிமுதல்
சேலம் அருகே அயோத்தியாப்பட்டணத்தில் உள்ள சார்பதிவாளர் அலுவலகத்தில் லஞ்ச ஒழிப்பு போலீசார் நேற்று முன்தினம் மாலை முதல் நேற்று அதிகாலை வரை விடிய, விடிய சோதனை நடத்தினர். இதில் கணக்கில் வராத ரூ.92 ஆயிரம் சிக்கியது.

அயோத்தியாப்பட்டணம், 

சேலம் மாவட்டம், அயோத்தியாப்பட்டணத்தில் சார்பதிவாளர் அலுவலகம் ரெயில்வே கேட் அருகே இயங்கி வருகிறது. இங்கு சார்பதிவாளராக தனசேகரன் என்பவர் பணியாற்றி வருகிறார். இந்த நிலையில் சேலம் லஞ்ச ஒழிப்பு போலீஸ் கூடுதல் சூப்பிரண்டு சந்திரமவுலி தலைமையில் போலீசார் நேற்று முன்தினம் மாலை 6 மணியளவில் அயோத்தியாப்பட்டணத்தில் உள்ள சார்பதிவாளர் அலுவலகத்திற்கு வந்து திடீரென சோதனை மேற்கொண்டனர்.

அப்போது அங்கு சார்பதிவாளர் தனசேகரன், அலுவலக பணியாளர்கள் மற்றும் சில பத்திர எழுத்தர்களும் இருந்தனர். இதையடுத்து அந்த அலுவலகத்தை பூட்டிவிட்டு அங்கிருந்தவர்களிடம் லஞ்ச ஒழிப்பு போலீசார் தீவிர விசாரணை நடத்தினர். மேலும் அலுவலக ஆவணங்களையும் பார்வையிட்டு அது குறித்தும் பணியாளர்களிடம் விசாரித்தனர்.

பின்னர் அந்த அலுவலகத்தில் வைக்கப்பட்டு இருந்த கணக்கில் வராத ரூ.92 ஆயிரத்தை லஞ்ச ஒழிப்பு போலீசார் கைப்பற்றினர். இந்த சோதனை நேற்று அதிகாலை 4.30 மணி வரை நீடித்தது.

விடிய, விடிய நடந்த இந்த திடீர் சோதனையின் போது கணக்கில் வராத ரூ.92 ஆயிரம் பறிமுதல் செய்யப்பட்ட நிலையில், அந்த பணம் லஞ்சமாக பெறப்பட்டதா? என்பது குறித்தும் போலீசார் தீவிர விசாரணை நடத்தினர். சுமார் 10½ மணி நேரம் நடைபெற்ற இந்த திடீர் சோதனை அப்பகுதியில் பரபரப்பை ஏற்படுத்தியது.


தொடர்புடைய செய்திகள்

1. நாகர்கோவிலில் இருந்து கேரளாவுக்கு ரெயிலில் கடத்த முயன்ற 800 கிலோ ரே‌ஷன் அரிசி பறிமுதல்
நாகர்கோவிலில் இருந்து கேரளாவுக்கு ரெயிலில் கடத்த முயன்ற 800 கிலோ ரே‌ஷன் அரிசியை அதிகாரிகள் பறிமுதல் செய்தனர்.
2. திருப்பத்தூரில் இருந்து பெங்களூருவுக்கு கடத்திய 800 கிலோ ரே‌‌ஷன் அரிசி பறிமுதல்; 2 பேர் கைது
திருப்பத்தூரில் இருந்து பெங்களூருவுக்கு காரில் கடத்த முயன்ற 800 கிலோ ரே‌‌ஷன் அரிசியை போலீசார் பறிமுதல் செய்தனர். இது தொடர்பாக 2 பேர் கைது செய்யப்பட்டனர். இந்த சம்பவத்தில் கார் மோதியதில் போலீஸ்காரர் படுகாயம் அடைந்தார்.
3. திருச்சி விமான நிலையத்தில் 30 கிலோ கடத்தல் தங்கம் பறிமுதல் 130 வியாபாரிகளிடம் விசாரணை
திருச்சி விமான நிலையத்தில் ஒரே நாளில் 30 கிலோ கடத்தல் தங்கம் சிக்கியது. இது தொடர்பாக 130 வியாபாரிகளிடம் விசாரணை நடக்கிறது.
4. பெங்களூருவில் இருந்து மதுரைக்கு கடத்தப்பட்ட ரூ.12 லட்சம் புகையிலை பொருட்கள் பறிமுதல் 2 பேர் கைது
பெங்களூருவில் இருந்து மதுரைக்கு மினிலாரியில் கடத்தப்பட்ட ரூ.12 லட்சம் மதிப்பிலான தடைசெய்யப்பட்ட புகையிலை பொருட்களை நாமக்கல்லில் போலீசார் பறிமுதல் செய்தனர். இது தொடர்பாக டிரைவர்கள் 2 பேரை கைது செய்தனர்.
5. திருச்சி விமான நிலையத்தில் ரூ.7½ லட்சம் தங்க கட்டிகள் பறிமுதல்
திருச்சி விமான நிலையத்தில் ரூ.7½ லட்சம் தங்க கட்டிகள் பறிமுதல் மன்னார்குடியை சேர்ந்தவரிடம் அதிகாரிகள் விசாரணை.