மாவட்ட செய்திகள்

வாணியம்பாடியில் தோல் வியாபாரி வீட்டில் ரூ.8 லட்சம் நகை–பணம் கொள்ளை ‘வென்டிலேட்டர்’ வழியாக நுழைந்து மர்ம நபர்கள் கைவரிசை + "||" + In Vaniyambadi Leather jewel-dealer home Rs 8 lakh cash

வாணியம்பாடியில் தோல் வியாபாரி வீட்டில் ரூ.8 லட்சம் நகை–பணம் கொள்ளை ‘வென்டிலேட்டர்’ வழியாக நுழைந்து மர்ம நபர்கள் கைவரிசை

வாணியம்பாடியில் தோல் வியாபாரி வீட்டில் ரூ.8 லட்சம் நகை–பணம் கொள்ளை ‘வென்டிலேட்டர்’ வழியாக நுழைந்து மர்ம நபர்கள் கைவரிசை
வாணியம்பாடியில் தோல் வியாபாரி வீட்டில் ரூ.8 லட்சம் நகை–பணத்தை கொள்ளையடித்து சென்ற மர்ம நபர்களை போலீசார் வலைவீசி தேடி வருகின்றனர்.

வாணியம்பாடி, 

வேலூர் மாவட்டம் வாணியம்பாடி காதர்பேட்டை முல்லர் தெருவில் வசிப்பவர் அஷ்பாக்அஹமத் (வயது 50). தோல் வியாபாரியான இவர் தனது மனைவிக்கு உடல் நலம் பாதிக்கப்பட்டதால் சிகிச்சைக்காக குடும்பத்தினருடன் சென்னைக்கு சென்றார். பின்னர் அங்கிருந்து நேற்று முன்தினம் வீட்டிற்கு திரும்பினார்.

வீட்டிற்குள் சென்று பார்த்த போது பொருட்கள் ஆங்காங்கே சிதறி கிடப்பதை பார்த்து அதிர்ச்சி அடைந்தார். உடனே அஷ்பாக்அஹமத் பீரோ இருக்கும் அறைக்கு சென்று பார்த்த போது பீரோ திறந்த நிலையில் கிடந்தது. அதில் இருந்த 28 பவுன் நகை மற்றும் ரூ.2 லட்சம் ரொக்கம் ஆகியவற்றை மர்ம நபர்கள் வீட்டின் வென்டிலேட்டர் வழியாக உள்ளே புகுந்து கொள்ளையடித்து சென்றது தெரியவந்தது.

இதுகுறித்து வாணியம்பாடி டவுன் போலீசில் புகார் செய்யப்பட்டது. அதன்பேரில் போலீசார் சம்பவ இடத்துக்கு சென்று விசாரணை மேற்கொண்டனர். மேலும் வேலூரில் இருந்து கைரேகை நிபுணர்கள் அங்கு கைரேகைகளை பதிவு செய்தனர். கொள்ளைபோன நகைகளின் மதிப்பு சுமார் ரூ.6 லட்சம் இருக்கும்.

இதுதொடர்பாக போலீசார் வழக்குப்பதிவு செய்து, நகை – பணத்தை கொள்ளையடித்து சென்ற மர்ம நபர்களை வலைவீசி தேடி வருகின்றனர்.


தொடர்புடைய செய்திகள்

1. குமாரபுரம் அருகே துணிகரம் ஆசிரியர் தம்பதி வீட்டில் நகை-பணம் கொள்ளை மர்ம நபர்களுக்கு வலைவீச்சு
குமாரபுரம் அருகே ஆசிரியர் தம்பதி வீட்டில் நகை-பணத்தை கொள்ளை அடித்துச் சென்ற மர்ம நபர்களை போலீசார் வலைவீசி தேடி வருகிறார்கள்.
2. கொள்ளை, வழிப்பறியில் ஈடுபட்ட வாலிபர் குண்டர் சட்டத்தில் கைது
கொள்ளை, வழிப்பறியில் ஈடுபட்ட வாலிபர் குண்டர் சட்டத்தில் கைது செய்யப்பட்டார்.
3. ஈரோட்டில் புத்தகக்கடை உரிமையாளர் வீட்டில் 22 பவுன் நகை கொள்ளை
ஈரோட்டில் புத்தகக்கடை உரிமையாளர் வீட்டில் 22 பவுன் நகையை கொள்ளையடித்த மர்ம நபர்களை போலீசார் வலைவீசி தேடி வருகிறார்கள்.
4. தாராபுரத்தில் தொடரும் சம்பவம்: பைபாஸ் சாலைக்கு வழிகேட்பது போல் நடித்து வங்கி ஊழியர் வீட்டில் ரூ.5½ லட்சம் கொள்ளை
தாராபுரத்தில் வழிகேட்பது போல் நடித்து ஓய்வு பெற்ற வங்கி ஊழியர் வீட்டில் ரூ.5½ லட்சத்தை மோட்டார் சைக்கிளில் வந்த மர்ம ஆசாமிகள் கொள்ளையடித்து சென்றனர்.
5. நிதி நிறுவனங்களில் புகுந்து ரூ.1 லட்சம் கொள்ளை அடித்ததாக 3 வாலிபர்கள் கைது
நிதி நிறுவனங்களில் புகுந்து ரூ.1 லட்சம் கொள்ளை அடித்ததாக 3 வாலிபர்களை போலீசார் கைது செய்துள்ளனர்.