மாவட்ட செய்திகள்

வறண்டு கிடக்கும் கல்லணை: ஒரு போக நெல் சாகுபடிக்கு தண்ணீர் கிடைக்குமா? விவசாயிகள் எதிர்பார்ப்பு + "||" + Dry Cultivation: Can you get water for a paddy cultivation? Farmers expectation

வறண்டு கிடக்கும் கல்லணை: ஒரு போக நெல் சாகுபடிக்கு தண்ணீர் கிடைக்குமா? விவசாயிகள் எதிர்பார்ப்பு

வறண்டு கிடக்கும் கல்லணை: ஒரு போக நெல் சாகுபடிக்கு தண்ணீர் கிடைக்குமா? விவசாயிகள் எதிர்பார்ப்பு
கல்லணை வறண்டு கிடக்கும் நிலையில் ஒரு போக நெல் சாகுபடிக்கு தண்ணீர் கிடைக்குமா? என விவசாயிகள் எதிர்பார்க்கிறார்கள்.
திருக்காட்டுப்பள்ளி,

மேட்டூர் அணையில் இருந்து இந்த ஆண்டு (2019) காவிரி டெல்டா பாசனத்துக்காக ஜூன் மாதம் 12-ந் தேதி தண்ணீர் திறக்கப்படவில்லை. இதனால் காவிரி பாசன பகுதியில் 4½ லட்சம் ஏக்கரில் குறுவை நெல் பயிரை சாகுபடி செய்ய முடியாமல் விவசாயிகள் பாதிக்கப்பட்டு உள்ளனர். கடந்த ஆண்டு (2018) ஜூலை மாதத்தில் கர்நாடகத்தில் கொட்டித்தீர்த்த மழையால் மேட்டூர் அணை வேகமாக நிரம்பியது.


இதன் காரணமாக கடந்த ஆண்டு இதே நாளில் (ஜூலை மாதம் 22-ந் தேதி) கல்லணை திறக்கப்பட்டது. மதகுகள் வழியாக தண்ணீர் சீறிப்பாய்ந்தது. ஆனால் இந்த ஆண்டு அதே நாளான இன்று கல்லணை தண்ணீரின்றி வறண்டு கிடக்கிறது. மதகுகள் அருகே சிறிதளவே தண்ணீர் தேங்கி நிற்கிறது. கடந்த ஆண்டு இதே நாளில் தண்ணீர் திறக்கப்பட்டபோது கல்லணை விழாக்கோலம் பூண்டிருந்தது. ஆனால் இன்று கல்லணை வறண்டு, களை இழந்து கிடப்பது விவசாயிகளை வேதனை அடைய செய்துள்ளது.

இந்த ஆண்டு மேட்டூர் மற்றும் கல்லணை இதுவரை திறக்கப்படாத நிலையில் காவிரி டெல்டா பாசன பகுதியில் ஆற்றுப்பாசன விவசாயிகள் நெல் சாகுபடி பணிகளை தொடங்க முடியாமல் சிரமத்தில் உள்ளனர். இவர்கள் ஒரு போக நெல் சாகுபடிக்கு தண்ணீர் கிடைக்குமா? என்ற எதிர்பார்ப்பில் உள்ளனர்.

கடந்த சில நாட்களாக காவிரி நீர்பிடிப்பு பகுதிகளில் மழை பெய்து கர்நாடகத்தில் இருந்து மேட்டூர் அணைக்கு தண்ணீர் வரத்து அதிகரிக்க தொடங்கி உள்ளது. கர்நாடகத்தில் இருந்து கிடைக்கும் உபரி நீரை மேட்டூர் அணையில் சேமித்து, அணை முழு கொள்ளளவை எட்டிய பின்னர் ஒருபோக நெல் சாகுபடிக்கு தண்ணீரை திறந்து விட வேண்டும் என்று விவசாயிகள் கோரிக்கை விடுத் துள்ளனர். 

தொடர்புடைய செய்திகள்

1. தஞ்சை மாவட்டத்தில் திடீர் மழை: நெற்பயிர்கள் சாய்ந்தன; மகசூல் பாதிக்கும் அபாயம் விவசாயிகள் கவலை
தஞ்சை மாவட்டத்தில் திடீரென பெய்த மழையினால் சம்பா நெற்பயிர்கள் சாய்ந்ததால் மகசூல் பாதிக்கும் அபாயம் ஏற்பட்டுள்ளதால் விவசாயிகள் கவலை அடைந்துள்ளனர்.
2. பரவலாக மழை: அறுவடைக்கு தயாராக இருந்த நெற்பயிர்கள் சாய்ந்தன விவசாயிகள் கவலை
கடலூர் மாவட்டம் முழுவதும் நேற்று பரவலாக மழை பெய்தது. அறுவடைக்கு தயாராக இருந்த நெற்பயிர்கள் சாய்ந்ததால் விவசாயிகள் கவலை அடைந்துள்ளனர்.
3. நச்சலூர் பகுதிகளில் நெற்பயிர்களில் குலைநோய் தாக்குதல் நிவாரணம் வழங்க விவசாயிகள் கோரிக்கை
நச்சலூர் பகுதிகளில் விளைந்த நெற்பயிர் களில் குலைநோய் தாக்கி உள்ளது. இதனால் அரசு நிவாரணம் வழங்க விவசாயிகள் கோரிக்கை விடுத்துள்ளனர்.
4. தொழிலாளர்கள் பற்றாக்குறையால் நெல் அறுவடை பணிகள் பாதிப்பு விவசாயிகள் கவலை
திருவாரூர் மாவட்டத்தில் தொழிலாளர்கள் பற்றாக்குறையால் நெல் அறுவடை பணிகள் பாதிக்கப்பட்டுள்ளன. இதனால் விவசாயிகள் கவலையில் உள்ளனர்.
5. கறம்பக்குடி பகுதியில் கதிர் அறுக்கும் எந்திரம் கிடைக்காததால் அறுவடை பணிகள் பாதிப்பு விவசாயிகள் கவலை
கறம்பக்குடி பகுதியில் கதிர் அறுக்கும் எந்திரம் கிடைக்காததால் அறுவடை பணிகள் பாதிக்கப்பட்டுள்ளன. இதனால் விவசாயிகள் கவலை அடைந்துள்ளனர்.