மாவட்ட செய்திகள்

பவானி அருகே நின்ற லாரி மீது கார் மோதல்: அமெரிக்காவில் பணிபுரிந்த சேலம் டாக்டர் சாவு + "||" + Car collision on a truck: Salem doctor death, working in the US

பவானி அருகே நின்ற லாரி மீது கார் மோதல்: அமெரிக்காவில் பணிபுரிந்த சேலம் டாக்டர் சாவு

பவானி அருகே நின்ற லாரி மீது கார் மோதல்: அமெரிக்காவில் பணிபுரிந்த சேலம் டாக்டர் சாவு
பவானி அருகே நின்ற லாரி மீது கார் மோதிய விபத்தில், சென்னை விமான நிலையத்துக்கு சென்று கொண்டிருந்த அமெரிக்காவில் பணிபுரிந்த சேலம் டாக்டர் பரிதாபமாக இறந்தார்.

பவானி,

சேலம் மாவட்டம் மெய்யனூர் பகுதியை சேர்ந்தவர் தேவராஜ் (வயது 42). இவர் அமெரிக்காவில் டாக்டராக பணிபுரிந்து வந்தார். சேலத்தில் நடந்த கருத்தரங்கு நிகழ்ச்சிக்காக தேவராஜ் கடந்த வாரம் ஊருக்கு வந்திருந்தார். பின்னர் கருத்தரங்கை முடித்துவிட்டு அமெரிக்கா செல்வதற்காக நேற்று சேலத்தில் இருந்து சென்னை விமான நிலையத்துக்கு வாடகை காரில் சென்று கொண்டிருந்தார்.

வாடகை காரை சேலத்தை சேர்ந்த சீனிவாசன் என்பவர் ஓட்டினார். ஈரோடு மாவட்டம் பவானி அருகே சமத்துவபுரம்மேடு பகுதியில் வாடகை கார் சென்றபோது எதிர்பாராதவிதமாக ரோட்டோரம் நின்றிருந்த டேங்கர் லாரி மீது மோதியது. இந்த விபத்தில் வாடகை காரின் இடிபாடுகளுக்குள் சிக்கி தேவராஜ் சம்பவ இடத்திலேயே பரிதாபமாக இறந்தார்.

இந்த விபத்தில் டிரைவர் சீனிவாசன் படுகாயம் அடைந்தார். இதுகுறித்து அக்கம்பக்கத்தினர் சித்தோடு போலீசாருக்கு தகவல் கொடுத்தனர். அதைத்தொடர்ந்து போலீசார் சம்பவ இடத்துக்கு விரைந்து சென்று தேவராஜின் உடலை கைப்பற்றி பிரேத பரிசோதனைக்காக ஈரோடு அரசு ஆஸ்பத்திரிக்கு அனுப்பி வைத்தனர்.

இதுகுறித்து போலீஸ் இன்ஸ்பெக்டர் கதிர்வேல் வழக்குப்பதிவு செய்து விசாரணை நடத்தி வருகிறார்.

இறந்த தேவராஜுக்கு திருமணம் ஆகி மனைவியும், 4 வயதில் ஒரு குழந்தையும் உள்ளனர்.


தொடர்புடைய செய்திகள்

1. பரமக்குடியில் கார்-மோட்டார் சைக்கிள் மோதல்: தொழில் அதிபர்- மகள்கள் உள்பட 4 பேர் பலி
கார்-மோட்டார் சைக்கிள் மோதிக்கொண்ட விபத்தில் ராமநாதபுரம் தொழில் அதிபர், அவருடைய 2 மகள்கள் உள்பட 4 பேர் பலியானார்கள். மேலும் ஒருவர் படுகாயம் அடைந்தார்.
2. அமெரிக்க பொருளாதாரத்தில் மந்த நிலை இல்லை : டிரம்ப்
அமெரிக்க பொருளாதாரம் 'மிகச் சிறப்பாக' செயல்படுவதாகக் கூறி அமெரிக்கா மந்தநிலையில் விழும் அபாயம் இல்லை என அமெரிக்க அதிபர் டொனால்டு டிரம்ப் செய்தியாளர்களிடம் கூறியுள்ளார்.
3. துறையூர் அருகே கோவில் விழாவுக்கு சென்றபோது பரிதாபம் கிணற்றுக்குள் வேன் கவிழ்ந்து 8 பேர் பலி
திருச்சி மாவட்டம் முசிறி அருகே பேரூர் கிராமத்தை சேர்ந்தவர் குணசீலன் (வயது 63). இவர் திருச்சி மத்திய சிறையில் வார்டராக பணியாற்றி ஓய்வுபெற்றவர்.
4. பஸ் - சுற்றுலா வேன் மோதல், கல்லூரி மாணவர்கள் உள்பட 9 பேர் படுகாயம்
ஓசூரில் இருந்து பாலக்கோடு நோக்கி வந்த தனியார் பஸ்சும், சுற்றுலா வேனும் நேருக்கு நேர் மோதிக்கொண்டது. இந்த விபத்தில் கல்லூரி மாணவர்கள் உள்பட 9 பேர் படுகாயமடைந்தனர்.
5. காங்கேயம் அருகே சிமெண்டு கலவை எந்திர வாகன சக்கரத்தில் சிக்கி ஒருவர் பலி
காங்கேயம் அருகே சிமெண்டு கலவை எந்திர வாகன சக்கரத்தில் சிக்கி ஒருவர் பலியானார்.