முதல்-மந்திரி பட்னாவிசுக்கு எதிரான தேர்தல் வழக்கு: தீர்ப்பு ஒத்திவைப்பு

மும்பை,

கடந்த 2014-ம் ஆண்டு தேவேந்திர பட்னாவிஸ் சட்டமன்ற தேர்தலில் போட்டியிட வேட்பு மனு தாக்கல் செய்தபோது, நிலுவையில் உள்ள இரு வழக்குகள் குறித்து பிரமாண பத்திரத்தில் குறிப்பிடாமல் மறைத்ததாகவும், இதனால் அவரது தேர்தல் வெற்றியை செல்லாது என்று அறிவிக்க வேண்டும் என்றும் சதீஷ் உகே என்பவர் மும்பை ஐகோர்ட்டில் மனு செய்தார். இந்த மனுவை ஐகோர்ட்டு தள்ளுபடி செய்ததால் அவர் சுப்ரீம் கோர்ட்டில் அப்பீல் செய்தார்.

இந்த மனுவை தலைமை நீதிபதி ரஞ்சன் கோகாய், நீதிபதி தீபக் குப்தா ஆகியோர் விசாரித்து வந்தனர். இரு தரப்பு வாதங்களை தொடர்ந்து, தீர்ப்பை தேதி குறிப்பிடாமல் நீதிபதிகள் ஒத்தி வைத்தனர்.