மாவட்ட செய்திகள்

வட்டார வளர்ச்சி அலுவலர் மீது நடவடிக்கை எடுக்கக் கோரி, கிராம நிர்வாக அலுவலர்கள் 2-வது நாளாக காத்திருப்பு போராட்டம் + "||" + Village Administrative Officers Wait for the 2nd day is a struggle

வட்டார வளர்ச்சி அலுவலர் மீது நடவடிக்கை எடுக்கக் கோரி, கிராம நிர்வாக அலுவலர்கள் 2-வது நாளாக காத்திருப்பு போராட்டம்

வட்டார வளர்ச்சி அலுவலர் மீது நடவடிக்கை எடுக்கக் கோரி, கிராம நிர்வாக அலுவலர்கள் 2-வது நாளாக காத்திருப்பு போராட்டம்
வட்டார வளர்ச்சி அலுவலர் மீது நடவடிக்கை எடுக்கக்கோரி பூதலூரில் கிராம நிர்வாக அலுவலர்கள் 2-வது நாளாக காத்திருப்பு போராட்டத்தில் ஈடுபட்டனர்.
திருக்காட்டுப்பள்ளி,

தஞ்சை மாவட்டம் பூதலூர் அருகே உள்ள கழுமங்கலம் கிராம நிர்வாக அலுவலர் ரமேசிடம் கிராமத்தில் குளங்கள் குறித்த விவரங்களை வட்டார வளர்ச்சி அதிகாரி ஒருவர் கேட்டுள்ளார். இது தொடர்பாக ஏற்பட்ட வாக்குவாதத்தில் வட்டார வளர்ச்சி அதிகாரி கிராம நிர்வாக அலுவலகத்தை பூட்ட உத்தரவிட்டதாக கூறப்படுகிறது. இதைகண்டித்தும் வட்டார வளர்ச்சி அதிகாரி மீது நடவடிக்கை எடுக்கக்கோரியும் பூதலூரில் தஞ்சை மாவட்ட தமிழ்நாடு கிராம நிர்வாக அலுவலர் சங்க தலைவர் ராஜேஸ்கண்ணன் தலைமையில் கிராம நிர்வாக அலுவலர்கள் காத்திருப்பு போராட்டத்தை தொடர்ந்தனர். நேற்று 2-வது நாளாக பூதலூரில் கிராம நிர்வாக அலுவலர்கள் காத்திருப்பு போராட்டத்தை தொடர்ந்தனர்.

போராட்டத்தில் பூதலூர், தஞ்சை, திருவையாறு, பட்டுக்கோட்டை, ஒரத்தநாடு, பேராவூரணி, மற்றும் பல தாலுகாக்களில் பணியாற்றும் கிராம நிர்வாக அலுவலர்கள் பங்கேற்றனர். தஞ்சை மாவட்ட துணைத் தலைவர் விஜயபாஸ்கர், பூதலூர் வட்ட தலைவர் விமலா, வட்ட செயலாளர் ரமேஷ் உள்ளிட்ட பலர் கலந்து கொண்டு திருவையாறு வட்டார வளர்ச்சி அதிகாரி மீது நடவடிக்கை எடுக்கக்கோரி கோஷம் எழுப்பினர். இது குறித்து தகவல் அறிந்த மாவட்ட வருவாய் அதிகாரி சக்திவேல் பூதலூர் தாலுகா அலுவலகத்துக்கு வந்து விசாரணை நடத்தினார். அப்போது அவர் கிராம நிர்வாக அலுவலரிடம் அவரது புகாரை எழுத்துபூர்வமாக அளிக்குமாறு கேட்டுக்கொண்டார். ஆனால் போராட்டத்தில் ஈடுபட்டுள்ள கிராம நிர்வாக அலுவலர்கள், வட்டார வளர்ச்சி அதிகாரி மீது நடவடிக்கை எடுக்கும் வரை போராட்டம் தொடரும் என கூறி போராட்டத்தை தொடர்ந்தனர். இதனால் பூதலூர் தாலுகா அலுவலகம் பரபரப்பாக காணப்பட்டது. திருக்காட்டுப்பள்ளி போலீஸ் இன்ஸ்பெக்டர் கென்னடி தாலுகா அலுவலகத்தில் பாதுகாப்புபணியில் ஈடுபட்டார். 

தொடர்புடைய செய்திகள்

1. ஸ்ரீமுஷ்ணத்தில் விவசாய தொழிலாளர் சங்கத்தினர் மனு கொடுக்கும் போராட்டம் - வீட்டுமனை பட்டா வழங்க கோரிக்கை
வீட்டுமனை பட்டா வழங்க கோரி விவசாய தொழிலாளர் சங்கத்தினர் ஸ்ரீமுஷ்ணத்தில் மனு கொடுக்கும் போராட்டத்தில் ஈடுபட்டனர்.
2. கிராம நிர்வாக அலுவலர்கள் இடமாற்றம்
மாவட்டத்தில் பொது கலந்தாய்வு மூலம் கிராம நிர்வாக அலுவலர்கள் இடமாற்றம் செய்யப்பட்டுள்ளனர்.
3. மீன்பிடி தொழிலாளர்கள் மாநிலம் தழுவிய போராட்டம் நடத்தப் போவதாக அறிவிப்பு
மீனவர்களின் வாழ்வாதார பிரச்சனைகள் குறித்து மத்திய மற்றும் மாநில அராசாங்கங்களின் அலட்சியப் போக்கை கண்டித்து மாநிலம் தழுவிய போராட்டம் நடத்தப் போவதாக அறிவித்துள்ளனர்.
4. சூனாம்பேடு அருகே தனியார் நிறுவன ஊழியர்கள் உள்ளிருப்பு போராட்டம்
தனியார் ரசாயன தொழிற்சாலை பணிபுரியும் தொழிலாளர்களுக்கு குறைந்தபட்ச ஊதியம் வழங்குவதால் தொழிலாளர்கள் பலமுறை சாலைமறியல், தொடர் உண்ணாவிரத போராட்டம் உள்ளிட்ட பல போராட்டங்கள் நடத்தி வந்தனர்.
5. தனியார் மயமாக்கலுக்கு எதிர்ப்பு: சேலம் உருக்காலை தொழிலாளர்கள், குடும்பத்தினருடன் போராட்டம்
தனியார் மயமாக்கலுக்கு எதிர்ப்பு தெரிவித்து சேலம் உருக்காலை தொழிலாளர்கள் நேற்று தங்களது குடும்பத்தினருடன் போராட்டத்தில் ஈடுபட்டனர்.