சமையலறை சாதனங்கள்

வீட்டு உபயோக மின்னணு சாதன உற்பத்தியில் முன்னணியில் திகழும் பிலிப்ஸ் நிறுவனம் சமையலறைக்கு மிகவும் அவசியமான பாஸ்தா, நூடுல்ஸ் மேக்கரை அறிமுகம் செய்துள்ளது. இதன் உதவியால் வீட்டிலேயே விதவிதமான நூடுல்ஸ், பாஸ்தா ஆகியவற்றை தயாரித்து சுகாதாரமான முறையில் குழந்தைகளுக்கு அளிக்க முடியும். மாவையும், தேவையான தண்ணீரையும் ஊற்றிவிட்டால் 15 நிமிடத்தில் மாவை கலக்கி உங்களுக்குத் தேவையான பாஸ்தா அல்லது நூடுல்ஸை அளிக்கும். வித விதமான வடிவில் கிடைப்பதற்கு வசதியாக 4 அச்சுகளும் தரப்பட்டுள்ளன. இதன் மூலம் ஸ்பெகட்டி, பெட்டூசினி, பெனீ, லஸாக்னே போன்றவற்றையும் தயாரிக்க முடியும். இந்த அச்சுகளை சுத்தம் செய்வதும் எளிது. நீங்கள் விரும்பும் சுவைக்கேற்ப முட்டை, கீரை, கேரட் போன்றவற்றையும் மாவுடன் சேர்த்து விருப்பமான நூடுல்ஸை தயாரிக்க முடியும். இயந்திரத்தின் அடிப்பகுதியில் தரப்பட்டுள்ள இடத்தில் அனைத்து உதிரி பாகங்களையும் அதாவது அச்சுக்களை போட்டு பத்திரமாக வைத்துக் கொள்ளலாம். இதன் விலை சுமார் ரூ.21,000 ஆகும்.