மாவட்ட செய்திகள்

போலி பீடி விற்பனை; 2 பேர் கைது + "||" + Fake beedi sale; 2 arrested

போலி பீடி விற்பனை; 2 பேர் கைது

போலி பீடி விற்பனை; 2 பேர் கைது
ராமநாதபுரத்தில் போலி பீடி விற்பனை செய்த 2 பேர் கைது செய்யப்பட்டனர். கேரளாவில் இருந்து போலி பீடிகளை கொண்டு வந்து விற்பனை செய்த கும்பலை போலீசார் தேடி வருகின்றனர்.
ராமநாதபுரம்,

ராமநாதபுரத்தில் கடைகளில் பிரபல நிறுவனத்தின் பெயரில் போலியாக பீடி விற்பனை செய்வதாக புகார் கூறப்பட்டது. இதனை தொடர்ந்து அந்த நிறுவனத்தினர் ராமநாதபுரத்தில் விசாரணை செய்தபோது தங்களின் நிறுவனத்தின் தயாரிப்பாக இல்லாமல் போலியாக தங்களின் லேபிள் ஒட்டி பீடி தயாரித்து விற்பனை செய்வதை கண்டறிந்தனர். இதுகுறித்து சம்பந்தப்பட்ட பீடி நிறுவனத்தினர் போலீசில் புகார் செய்தனர். இதனை தொடர்ந்து போலீசார் ராமநாதபுரத்தில் அதிரடி சோதனை நடத்தினர்.


பஜார் போலீசார் நடத்திய சோதனையில் ராமநாதபுரம் கே.கே.நகர் மெயின்ரோட்டில் அமைந்துள்ள கடையில் போலி பீடி பாக்கெட்டுகள் விற்பனைக்காக வைக்கப்பட்டிருந்ததை கைப்பற்றினர். போலி லேபிள்கள் ஒட்டப்பட்ட நிலையில் 8 பீடிபண்டல்களை பறிமுதல் செய்த போலீசார் இதுதொடர்பாக பீடி நிறுவன நிர்வாகி அப்துல்லத்தீப் கொடுத்த புகாரின் அடிப்படையில் கடை உரிமையாளர் ராமநாதபுரம் வள்ளல்பாரி தெரு அப்துல்அஜீஸ் மகன் அப்துல்பாசித்(வயது38) என்பவரை கைது செய்தனர்.

போலீசாரின் இந்த சோதனையில் சில போலி புகையிலை பாக்கெட்டுகளும் இருந்தாக கூறப்படுகிறது. இவரிடம் நடத்திய விசாரணையில் ராமநாதபுரம் பழைய பஸ்நிலையம் அருகில் உள்ள கடையில் இருந்து வாங்கி வந்து விற்பனை செய்ததாக தெரிவித்துள்ளார்.

இதனை தொடர்ந்து ராமநாதபுரம் நகர் போலீசார் மேற்கண்ட தகவலின்படி சம்பந்தப்பட்ட கடையில் நடத்திய சோதனையில் 20 போலி பீடி பண்டல்கள் இருந்ததை கண்டு அவற்றை கைப்பற்றினர். இதுதொடர்பாக கடை உரிமையாளர் ராமநாதபுரம் செம்மாதெரு ஆறுமுகம் என்பவரின் மகன் ஞானசேகரன்(42) என்பவரை போலீசார் கைது செய்தனர். இவரிடம் நடத்திய விசாரணையில் கேரளாவில் இருந்து ஒருவர் காரில் வந்து மொத்தமாக விற்பனை செய்வதாகவும் குறைவான விலைக்கு கொடுத்ததால் போலி என்று தெரியாமல் வாங்கி சில்லறையாக விற்பனை செய்ததாகவும் தெரிவித்துள்ளார். பிரபல நிறுவனத்தின் பெயரில் போலி பீடிகளை கேரளாவில் இருந்து தயாரித்து வந்து குறைந்த விலைக்கு விற்பனை செய்து மோசடியில் ஈடுபட்டு வரும் கும்பல் குறித்து போலீசார் தீவிர விசாரணை மேற்கொண்டு வருகின்றனர்.

தொடர்புடைய செய்திகள்

1. காட்டுமன்னார்கோவில் அருகே, வீட்டில் பதுக்கி வைத்திருந்த எரிசாராயம் பறிமுதல் - 2 பேர் கைது
காட்டுமன்னார்கோவில் அருகே காரில் கடத்தி செல்லப்பட்ட எரி சாராயத்தை போலீசார் போலீசார் பறிமுதல் செய்தனர். மேலும் இதுதொடர்பாக 2 பேர் கைது செய்யப்பட்டனர்.
2. நாகூரில், லாட்டரி சீட்டு விற்ற 2 பேர் கைது
நாகூரில் லாட்டரி சீட்டு விற்ற 2 பேரை போலீசார் கைது செய்தனர்.
3. பணத்தகராறில், விவசாயி காரில் கடத்தல்; 2 பேர் கைது, கணவன்-மனைவி உள்பட 8 பேருக்கு வலைவீச்சு
கோட்டூர் அருகே பணத்தகராறில், விவசாயியை காரில் கடத்தி சென்ற 2 பேரை போலீசார் கைது செய்தனர். மேலும் கணவன்-மனைவி உள்பட 8 பேரை போலீசார் வலைவீசி தேடி வருகின்றனர்.
4. காரை ஏற்றி கொல்லப்பட்டவர் வழக்கில் திருப்பம், நண்பர் உள்பட 2 பேர் கைது - பணப்பிரச்சினையில் தீர்த்துக்கட்டியது அம்பலம்
சிவகங்கை அருகே காரை ஏற்றி கொல்லப்பட்டவர் வழக்கில் நண்பர் உள்பட 2 பேரை போலீசார் கைது செய்தனர். பணப்பிரச்சினையில் தீர்த்துக்கட்டியது விசாரணையில் அம்பலமானது.
5. ஆத்தூரில் 294 கிலோ கஞ்சா பறிமுதல் வழக்கில், மேலும் 2 பேர் கைது; முக்கிய குற்றவாளிக்கு வலைவீச்சு
ஆத்தூரில் 294 கிலோ கஞ்சா பறிமுதல் செய்த வழக்கில் மேலும் 2 பேரை கைது செய்த போலீசார் முக்கிய குற்றவாளியை வலைவீசி தேடி வருகின்றனர்.