குலசேகரன்பட்டினம் முத்தாரம்மன் கோவிலில் ஆடி கொடை விழா இன்று தொடங்குகிறது

குலசேகரன்பட்டினம், 

குலசேகரன்பட்டினம் முத்தாரம்மன் கோவிலில் ஆடி கொடை விழா இன்று (திங்கட்கிழமை) தொடங்குகிறது.

ஆடி கொடை விழா

குலசேகரன்பட்டினம் முத்தாரம்மன் கோவிலில் ஆடி கொடை விழா இன்று (திங்கட்கிழமை) இரவு 9 மணிக்கு மாக்காப்பு தீபாராதனையுடன் தொடங்குகிறது. தொடர்ந்து வில்லிசை நடக்கிறது. நாளை (செவ்வாய்க்கிழமை) காலை 7 மணி, 8.30 மணிக்கு சிறப்பு அபிஷேகம், தீபாராதனை, காலை 10 மணிக்கு கும்பம் வீதி உலா வருதல் நடக்கிறது. தொடர்ந்து வில்லிசை, மகுட இசை நடக்கிறது. மதியம் 12 மணிக்கு அன்னதானம், மாலை 5 மணி, இரவு 7 மணிக்கு சிறப்பு அபிஷேகம், தீபாராதனை நடக்கிறது. இரவு 9 மணிக்கு சிறப்பு அலங்கார தீபாராதனை, இரவு 11 மணிக்கு கும்பம் வீதி உலா வருதல் நடக்கிறது. தொடர்ந்து வில்லிசை, மகுட இசை, கரகாட்டம், குறவன் குறத்தி ஆட்டம் நடக்கிறது.

மஞ்சள் நீராட்டு விழா

நாளை மறுநாள் (புதன்கிழமை) காலை 9 மணிக்கு மகுட இசை, 11 மணிக்கு கும்பம் வீதி உலா வருதல், வில்லிசை, மதியம் 12 மணிக்கு அன்னதானம் நடக்கிறது. மாலை 5 மணிக்கு மஞ்சள் நீராட்டு விழா, இரவு 8.30 மணிக்கு சிறப்பு அபிஷேகம், தீபாராதனை நடக்கிறது. விழா ஏற்பாடுகளை கோவில் உதவி ஆணையர் ரோஜாலி சுமதா, நிர்வாக அலுவலர் ராமசுப்பிரமணியன் மற்றும் கோவில் ஊழியர்கள் செய்து வருகின்றனர்.