மாவட்ட செய்திகள்

மோடியும், அமித்ஷாவும் ஹிட்லர்-முசோலினி என்பதை ரஜினி விரைவில் புரிந்து கொள்வார் பாலகிருஷ்ணன் பேட்டி + "||" + Rajini will soon learn that Modi and Amit Shah are Hitler-Mussolini

மோடியும், அமித்ஷாவும் ஹிட்லர்-முசோலினி என்பதை ரஜினி விரைவில் புரிந்து கொள்வார் பாலகிருஷ்ணன் பேட்டி

மோடியும், அமித்ஷாவும் ஹிட்லர்-முசோலினி என்பதை ரஜினி விரைவில் புரிந்து கொள்வார் பாலகிருஷ்ணன் பேட்டி
மோடியும்-அமித்ஷாவும், கிருஷ்ணனும்-அர்ஜூனனும் அல்ல. அவர்கள் ஹிட்லர்-முசோலினி போன்றவர்கள் என்பதை ரஜினி விரைவில் புரிந்து கொள்வார் என திருவாரூரில், பாலகிருஷ்ணன் கூறினார்.
திருவாரூர்,

திருவாரூரில் பல்வேறு நிகழ்ச்சியில் கலந்து கொண்ட மார்்க்சிஸ்ட் கம்யூனிஸ்டு் கட்சியின் மாநில செயலாளர் பாலகிருஷ்ணன் பின்னர் நிருபர்களுக்கு பேட்டி அளித்தார்.

அப்போது அவர் கூறியதாவது:-

கிருஷ்ணன்-அர்ஜூனன்


காஷ்மீர் விவகாரம் தொடர்பாக திருவாரூர் மத்திய பல்கலைக்கழக வளாகத்திற்குள் சுவரொட்டி ஒட்டிய மாணவர்களுக்கு பல்கலைக்கழக நிர்வாகம் சார்பில் நோட்டீஸ் வழங்கப்பட்டுள்ளது கண்டனத்திற்குரியது. பல்கலைக்கழகங்களின் துணைவேந்தர், பதிவாளர் ஆகியோர் மோடி அரசின் தலையாட்டி பொம்மைகளாக செயல்பட்டு வருகின்றனர். இதே நிலை நீடித்தால் மாவட்டம் முழுவதுமுள்ள மாணவர்்களை ஒன்றிணைத்து போராட்டத்தில் ஈடுபடுவோம்.

சென்னையில் நடந்த துணை ஜனாதிபதி வெங்கையா நாயுடு புத்தக வெளியீட்டு விழாவில், ஜம்மு காஷ்மீருக்கான சிறப்பு அந்தஸ்தை ரத்து செய்ததை வரவேற்று பேசிய நடிகர் ரஜினிகாந்த், மாநிலங்களவையில் அமித்ஷா, வரலாற்று சிறப்புமிக்க உரை நிகழ்த்தியதாக தெரிவித்துள்ளார். மேலும் மோடியும்-அமித்ஷாவும், கிருஷ்ணனும்-அர்ஜூனனும் போல செயல்படுகின்றனர். இதில் யார் கிருஷ்ணன்? யார் அர்ஜூனன்? என அவர்களுக்கு தான் தெரியும் எனவும் நடிகர் ரஜினிகாந்த் கூறியுள்ளார்.

ஹிட்லர்-முசோலினி

நாடு முழுவதும் உள்ள மக்களுக்கு இப்போது புரிய தொடங்கி விட்டது. போகப்போக அவர்கள் இருவரும் ஹிட்லரும்-முசோலினியும் போன்றவர்கள் என்பதை விரைவில் நடிகர் ரஜினிகாந்த் புரிந்து கொள்வார். மேட்டூர் அணை அபாய கட்டத்தை நெருங்குவதற்கு முன்னதாகவே படிப்படியாக தண்ணீரை திறக்க தமிழக அரசு நடவடிக்கை எடுக்க வேண்டும். அப்படி செய்தால் டெல்டா மாவட்டங்களில் நிலத்தடி நீர்மட்டம் உயர்ந்து நீர்நிலைகளில் தண்ணீர் சேமிக்க ஏதுவாக இருக்கும்.

டெல்டா மாவட்டங்களில் ஹைட்ரோ கார்பன் போன்ற திட்டங்களை கைவிட்டு காவிரி படுகையை மேம்படுத்த ஆய்வு குழு அமைத்து தமிழக அரசு செயல்படுத்த வேண்டும்.

இவ்வாறு அவர் கூறினார். 

தொடர்புடைய செய்திகள்

1. காஷ்மீர் பிரச்சினைக்காக தி.மு.க. நடத்திய ஆர்ப்பாட்டம் எந்த தாக்கத்தையும் ஏற்படுத்தாது தமிழிசை சவுந்தரராஜன் பேட்டி
காஷ்மீர் பிரச்சினைக்காக தி.மு.க. நடத்திய ஆர்ப்பாட்டம் எந்த தாக்கத்தையும் ஏற்படுத்தாது என்று டாக்டர் தமிழிசை சவுந்தரராஜன் கூறினார்.
2. ப.சிதம்பரம் மீதான வழக்கில் சட்டம் தன் கடமையை செய்கிறது ஜி.கே.வாசன் பேட்டி
ப.சிதம்பரம் மீதான வழக்கில் சட்டம் தன் கடமையை செய்கிறது என்று ஜி.கே.வாசன் கூறினார்.
3. ப.சிதம்பரம் மீதான கைது நடவடிக்கை: சட்டத்தின்முன் அனைவரும் சமம் என்பது நிரூபிக்கப்பட்டு உள்ளது தமிழிசை சவுந்தரராஜன் பேட்டி
ப.சிதம்பரம் மீதான கைது நடவடிக்கை மூலம் சட்டத்தின் முன் அனைவரும் சமம் என்பது நிரூபிக்கப்பட்டு உள்ளது என்று தமிழிசை சவுந்தரராஜன் தெரிவித்தார்.
4. பிளாஸ்டிக்கை ஒழிக்க பொதுமக்கள் ஒத்துழைப்பு அவசியம் கலெக்டர் உமா மகேஸ்வரி பேட்டி
பிளாஸ்டிக்கை ஒழிக்க பொதுமக்கள் ஒத்துழைப்பு அவசியம் என கலெக்டர் உமா மகேஸ்வரி கூறினார்.
5. இ-சேவை மையங்களில் உள்ள குறைகளை களைய இந்திய மேலாண்மை கழகத்துடன் தமிழக அரசு ஒப்பந்தம் அமைச்சர் பேட்டி
‘இ-சேவை மையங்களில் ஏற்பட்டுள்ள குறைகளை களைய இந்திய மேலாண்மை கழகத்துடன் தமிழக அரசு ஒப்பந்தம் செய்துள்ளது.’ என்று அமைச்சர் ஆர்.பி.உதயகுமார் தெரிவித்தார்.