விவசாயிகளுக்கு ரூ.8 கோடி மதிப்பில் தேனீ பெட்டிகள் கலெக்டர் பிரசாந்த் வடநேரே தகவல்

நாகர்கோவில்,

குமரி மாவட்டத்தில் சுமார் 10 ஆயிரம் தேனீ வளர்ப்போர் உள்ளனர். இவர்களிடம் உள்ள 2 லட்சம் தேனீ குடும்பம் மூலம் ஏறக்குறைய 2 ஆயிரம் டன் தேன் உற்பத்தி செய்யப்படுகிறது. இதனால் விவசாயிகளுக்கு அதிக லாபம் கிடைக்கிறது.

தோட்டக்கலைத்துறை மூலம் தேனீ வளர்ப்பு விவசாயிகளுக்கு தலா ரூ.32 ஆயிரம் வரை மானியம் வழங்கப்படுகிறது.

ரூ.8 கோடி

குமரி மாவட்டத்தில் தேசிய தோட்டக்கலை இயக்கம் சார்பில் 2011-2012-ம் ஆண்டு ரூ.36 லட்சம் மதிப்பில் 150 விவசாயிகளுக்கும், 2012-2013-ம் ஆண்டு ரூ.9.36 லட்சம் மதிப்பில் 39 பேருக்கும், 2013-2014-ம் ஆண்டு ரூ.16.8 லட்சம் மதிப்பில் 70 பேருக்கும், 2014-2015-ம் ஆண்டு ரூ.38 லட்சம் மதிப்பில் 190 பேருக்கும், 2015-2016-ம் ஆண்டு ரூ.67.20 லட்சம் மதிப்பில் 280 பேருக்கும், 2016-2017-ம் ஆண்டு ரூ.48 லட்சம் மதிப்பில் 200 பேருக்கும், 2017-2018-ம் ஆண்டு ரூ.588.48 லட்சம் மதிப்பில் 1985 பேருக்கும் தேன் சட்டங்கள் மற்றும் உபகரணங்கள் வழங்கப்பட்டுள்ளன. ஆக மொத்தம் ரூ.8.4 கோடி மதிப்பில் 2,914 விவசாயிகளுக்கு 45,690 தேன் சட்டங்கள் மற்றும் உபகரணங்கள் அடங்கிய தேனீ பெட்டிகள் வழங்கப்பட்டுள்ளது.

இவ்வாறு அதில் கூறப்பட்டுள்ளது.