மாவட்ட செய்திகள்

குழித்துறையில் 2 ராணுவ வீரர்களை தாக்கிய போலீசார் மீது நடவடிக்கை கலெக்டர் அலுவலகத்தில் மனு + "||" + Petition for action against police for attacking 2 army soldiers

குழித்துறையில் 2 ராணுவ வீரர்களை தாக்கிய போலீசார் மீது நடவடிக்கை கலெக்டர் அலுவலகத்தில் மனு

குழித்துறையில் 2 ராணுவ வீரர்களை தாக்கிய போலீசார் மீது நடவடிக்கை கலெக்டர் அலுவலகத்தில் மனு
குழித்துறையில் 2 ராணுவ வீரர்களை தாக்கிய போலீசார் மீது நடவடிக்கை எடுக்கக்கோரி கலெக்டர் அலுவலகத்தில் மனு கொடுக்கப்பட்டுள்ளது.
நாகர்கோவில்,

குமரி மாவட்டத்தை சேர்ந்த ராணுவ வீரர்கள் நேற்று திரளாக வந்து நாகர்கோவிலில் உள்ள மாவட்ட கலெக்டர் அலுவலகத்தில் ஒரு மனு அளித்தனர். அந்த மனுவில் கூறப்பட்டு இருப்பதாவது:-

உண்ணாமலைக்கடை பகுதியை சேர்ந்த அருண் மற்றும் அவருடைய நண்பர் ஜோசப் சாண்டின் ஆகியோர் கடந்த 16-ந் தேதி இரவு குழித்துறை போலீஸ் நிலையம் சென்றனர். இவர்கள் 2 பேரும் ராணுவ வீரர்கள். பின்னர் அவர்களுடைய நண்பர் சஜின் என்பவருக்கு ஏற்பட்ட விபத்து தொடர்பான எம்.ஐ.ஆர். நகலை கேட்டனர். ஆனால் அப்போது போலீசார் அவர்களை தகாத வார்த்தைகள் பேசியதோடு ராணுவத்தை அசிங்கப்படுத்தும் விதமாகவும் பேசி உள்ளனர்.


சட்டப்படி நடவடிக்கை

மேலும் 2 பேரையும் தாக்கி இருக்கிறார்கள். தாக்கப்பட்ட சம்பவத்தை வெளியே சொன்னால் கொன்று விடுவதாகவும் மிரட்டி உள்ளனர். ஜோசப் சாண்டின் கழுத்தில் அணிந்திருந்த 1 பவுன் நகை மற்றும் அடையாள அட்டையையும், அருணிடம் இருந்து ½ பவுன் மோதிரத்தையும் பறித்துள்ளனர். இந்த தாக்குதலில் காயம் அடைந்த 2 பேரும் தக்கலை அரசு ஆஸ்பத்திரியில் அனுமதிக்கப்பட்டனர். பின்னர் மேல் சிகிச்சைக்காக ஆசாரிபள்ளம் அரசு மருத்துவக்கல்லூரிக்கு அனுப்பி வைக்கப்பட்டு உள்ளனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது.

எனவே அருண் மற்றும் ஜோசப் சாண்டினை தாக்கிய போலீசார் மீது சட்டப்படி நடவடிக்கை எடுக்க வேண்டும்.

இவ்வாறு அதில் கூறப்பட்டுள்ளது.

தொடர்புடைய செய்திகள்

1. அரசு கல்லூரி நிறுத்தத்தில் அனைத்து பஸ்களும் நின்று செல்லக்கோரி மாணவர்கள் கலெக்டரிடம் மனு
வேப்பந்தட்டை அரசு கலை-அறிவியல் கல்லூரி நிறுத்தத்தில், அனைத்து பஸ்களும் நின்று செல்ல நடவடிக்கை எடுக்க வேண்டும் என்று மாணவர்கள் கலெக்டரிடம் மனு கொடுத்தனர்.
2. முன்னாள் நகராட்சி துணை தலைவர் கொலை மிரட்டல் விடுக்கிறார் மக்கள் குறைதீர்க்கும் நாள் கூட்டத்தில் போலீஸ்காரர் மனு
முன்னாள் நகராட்சி துணை தலைவர் கொலை மிரட்டல் விடுக்கிறார் என புதுக்கோட்டையில் நடைபெற்ற மக்கள் குறைதீர்க்கும்நாள் கூட்டத்தில் போலீஸ்காரர் ஒருவர் மனு அளித்தார்.
3. ஆக்கிரமிப்பு குளம் மீட்பு விவகாரம்: பாதுகாப்பு கேட்டு சமூக ஆர்வலர் போலீசில் மனு
குளந்திரான்பட்டு குளம் ஆக்கிரமிப்பு மீட்கப்பட்ட பிரச்சினையில் தனது உயிருக்கு ஆபத்து இருப்பதாகவும், பாதுகாப்பு கேட்டும் சமூக ஆர்வலர் துரைகுணா கறம்பக்குடி போலீசில் மனு கொடுத்து உள்ளார்.
4. ஈரோடு கருங்கல்பாளையம் டாஸ்மாக் கடையை அகற்ற வேண்டும்; மக்கள் குறைதீர்க்கும் கூட்டத்தில் மனு
ஈரோடு கருங்கல்பாளையத்தில் உள்ள டாஸ்மாக் கடையை அகற்ற வேண்டும் என்று மக்கள் குறைதீர்க்கும் கூட்டத்தில் மனு கொடுக்கப்பட்டது.
5. கர்நாடக அதிருப்தி எம்.எல்.ஏ.க்கள் மனு: அவசர வழக்காக விசாரிக்க சுப்ரீம் கோர்ட்டு மறுப்பு
கர்நாடக அதிருப்தி எம்.எல்.ஏ.க்களின் மனுவினை அவசர வழக்காக விசாரிக்க சுப்ரீம் கோர்ட்டு மறுப்பு தெரிவித்தது.