மாவட்ட செய்திகள்

சமயபுரத்தில் மணல் கடத்தலை தடுத்த போலீஸ்காரரை டிராக்டர் ஏற்றி கொல்ல முயற்சி தந்தை-மகன் உள்பட 3 பேர் கைது + "||" + Preventing sand smuggling in Samayapuram Three persons including father-son arrested for trying to kill tractor

சமயபுரத்தில் மணல் கடத்தலை தடுத்த போலீஸ்காரரை டிராக்டர் ஏற்றி கொல்ல முயற்சி தந்தை-மகன் உள்பட 3 பேர் கைது

சமயபுரத்தில் மணல் கடத்தலை தடுத்த போலீஸ்காரரை டிராக்டர் ஏற்றி கொல்ல முயற்சி தந்தை-மகன் உள்பட 3 பேர் கைது
சமயபுரத்தில் மணல் கடத்தலை தடுத்த போலீஸ்காரரை டிராக்டர் ஏற்றி கொல்ல முயன்ற தந்தை-மகன் உள்பட 3 பேரை போலீசார் கைது செய்தனர்.
சமயபுரம்,

சமயபுரம் அருகே உள்ள உப்பாற்றில் நள்ளிரவில் வாகனங்களில் மணலை அள்ளி கடத்தும் சம்பவம் அடிக்கடி நடந்து வருகிறது. இந்தநிலையில் நேற்று அதிகாலை உப்பாற்றில் ஒரு கும்பல் மணல் அள்ளுவதாக சமயபுரம் போலீசாருக்கு ரகசிய தகவல் கிடைத்தது. அதன்பேரில், போலீஸ் இன்ஸ்பெக்டர் மதன் தலைமையில் தனிப்படை போலீஸ்காரர்கள் சரவணக்குமார், விஜயகுமார், நல்லேந்திரன் ஆகியோர் சம்பவ இடத்துக்கு விரைந்து சென்றனர்.


அப்போது, உப்பாற்றில் ஒரு டிராக்டரில் 3 பேர் மணல் அள்ளிக்கொண்டிருந்தனர். உடனே போலீசார் அங்கு சென்று அவர்களை சுற்றிவளைத்தனர். இதை எதிர்பார்க்காத அவர்கள், திடீரென போலீசாரை தாக்கி விட்டு, டிராக்டரில் ஏறி தப்ப முயன்றனர். அப்போது, அவர்களை பிடிக்க போலீஸ்காரர் சரவணக்குமார் முயன்றார்.

டிராக்டர் ஏற்றி கொல்ல முயற்சி

ஆனால் அவர்கள், அவரை தாக்கி கீழே தள்ளிவிட்டு அவர் மீது டிராக்டரை ஏற்றி கொல்ல முயன்றனர். இதில் போலீஸ்காரர் சரவணக்குமாரின் 2 கால்களிலும் பலத்தகாயம் ஏற்பட்டது. இதனால் அதிர்ச்சி அடைந்த போலீஸ் இன்ஸ்பெக்டர் மற்றும் 2 போலீசாரும் அவர்களை விரட்டிச்சென்று மடக்கி பிடித்தனர். மேலும் டிராக்டரையும் பறிமுதல் செய்து போலீஸ் நிலையத்துக்கு கொண்டுவந்தனர்.

பிடிபட்டவர்களிடம் நடத்திய விசாரணையில் அவர்கள், புரத்தாக்குடி அருகே உள்ள புதுப்பட்டியைச் சேர்ந்த ஆல்பர்ட்(வயது 58), அவருடைய மகன் ஹென்றி புஷ்பராஜ் (26) மற்றும் டேனியல் சேவியர் குமார்(32) என தெரியவந்தது. இதுகுறித்த புகாரின் பேரில் தந்தை-மகன் உள்பட 3 பேர் மீதும் சமயபுரம் போலீசார் வழக்குப்பதிவு செய்தனர்.

தந்தை-மகன் உள்பட 3 பேர் கைது

பின்னர் தந்தை மகன் உள்பட 3 பேரையும் கைது செய்து, திருச்சி ஜே.எம்-3 கோர்ட்டில் ஆஜர்படுத்தி, திருச்சி மத்திய சிறையில் அடைத்தனர். மேலும், இந்த சம்பவத்தில் படுகாயம் அடைந்த போலீஸ்காரர் சரவணக்குமார் இருங்களூரில் உள்ள ஒரு தனியார் மருத்துவக்கல்லூரி மருத்துவமனையில் அனுமதிக்கப்பட்டு சிகிச்சை பெற்று வருகிறார். இந்த சம்பவம் போலீசார் மத்தியில் பெரும் அதிர்ச்சியையும் பரபரப்பையும் ஏற்படுத்தியுள்ளது.

தொடர்புடைய செய்திகள்

1. நிதிநிறுவன பெண் ஊழியர் காரில் கடத்தல் மயிலாடுதுறை அருகே பரபரப்பு
மயிலாடுதுறை அருகே நிதிநிறுவன பெண் ஊழியர் காரில் கடத்தப்பட்டதால் பரபரப்பு ஏற்பட்டது.
2. அரியாற்றில், அனுமதியின்றி மணல் அள்ளிய 3 டிராக்டர்கள் பறிமுதல் - டிரைவர் கைது
அரியாற்றில் அனுமதியின்றி மணல் அள்ளிய 3 டிராக்டர்களை போலீசார் பறிமுதல் செய்தனர். இதுதொடர்பாக டிராக்டர் டிரைவர் ஒருவரை போலீசார் கைது செய்தனர். இதுகுறித்து போலீஸ்தரப்பில் கூறப்படுவதாவது:-
3. குளிர் சாதனப் பெட்டியில் வைத்து 91 வயது முதியவர் கடத்தல்
91 வயது முதியவரை குளிர்சாதனப் பெட்டியில் வைத்து கடத்திச் சென்ற வீட்டு வேலைக்காரனை போலீசார் தேடி வருகின்றனர்.
4. ரூ.3 கோடி கேட்டு மாணவரை கடத்திய சம்பவம் “சொகுசு வாழ்க்கைக்கு ஆசைப்பட்டு கடத்தினோம்”
காட்பாடி அருகே ரூ.3 கோடி கேட்டு மாணவர் கடத்தப்பட்ட வழக்கில் சக மாணவர்கள் 4 பேர் உள்பட 5 பேரை போலீசார் கைது செய்தனர். சொகுசு வாழ்க்கைக்கு ஆசைப்பட்டு மாணவரை கடத்தியதாக அவர்கள் வாக்குமூலம் கொடுத்துள்ளனர்.
5. அழிக்கால் பகுதியில் வீடுகளில் 2-வது நாளாக மணல் குவியல் அகற்றம்
ராஜாக்கமங்கலம் அருகே அழிக்கால், பிள்ளைதோப்பு பகுதிகளில் இரு தினங்களுக்கு முன் ஏற்பட்ட கடல் சீற்றம் காரணமாக, கடல்நீர் ஊருக்குள் புகுந்தது.

அதிகம் வாசிக்கப்பட்டவை