மாவட்ட செய்திகள்

வேதாரண்யம் அருகே செல்வராசு எம்.பி. மீது கத்தி வீசிய வழக்கில் 3 பேருக்கு வலைவீச்சு + "||" + Selvarasu MP near Vedaranyam 3 people accused of throwing knives

வேதாரண்யம் அருகே செல்வராசு எம்.பி. மீது கத்தி வீசிய வழக்கில் 3 பேருக்கு வலைவீச்சு

வேதாரண்யம் அருகே செல்வராசு எம்.பி. மீது கத்தி வீசிய வழக்கில் 3 பேருக்கு வலைவீச்சு
வேதாரண்யம் அருகே செல்வராசு எம்.பி. மீது கத்தி வீசிய வழக்கில் 3 பேரை போலீசார் வலைவீசி தேடி வருகின்றனர்.
வேதாரண்யம்,

நாகை நாடாளுமன்ற தொகுதியில் தி.மு.க. கூட்டணி சார்பில் இந்திய கம்யூனிஸ்டு கட்சியை சேர்ந்த செல்வராசு போட்டியிட்டு வெற்றி பெற்றார். இதையடுத்து நேற்று முன்தினம் இரவு வேதாரண்யம் அருகே உள்ள அகஸ்தியன்பள்ளி காளியம்மன் கோவில் தெரு பகுதியில் திறந்த ஜீப்பில் நின்றபடி வாக்காளர்களுக்கு நன்றி தெரிவித்து பேசிக்கொண்டு இருந்தார். அப்போது கூட்டத்தில் இருந்த யாரோ மர்ம நபர்கள் செல்வராசு எம்.பி. மீது கத்தியை வீசினர். ஆனால் அந்த கத்தி அவர் மீது படாமல் ஜீப்பின் முன்பக்கத்தில் பட்டு கீழே விழுந்தது. இதில் அதிர்ஷ்டவசமாக செல்வராசு எம்.பிக்கோ, வேறு யாருக்குமோ காயம் ஏற்படவில்லை.


3 பேருக்கு வலைவீச்சு

மிகவும் பரபரப்பை ஏற்படுத்திய இந்த சம்பவம் குறித்து வேதாரண்யம் போலீசார் வழக்குப்பதிவு செய்து விசாரணை நடத்தி வந்தனர். போலீசாரின் தீவிர விசாரணையில், அகஸ்தியன் பள்ளி பகுதியை சேர்ந்த லெட்சுமணன், வேதமணி, லோகு ஆகிய 3 பேரும் சேர்ந்து தான் செல்வராசு எம்.பி. மீது கத்தியை வீசியது தெரிய வந்தது. அவர்கள் 3 பேரும் தலைமறைவாகி விட்டனர்.

இது தொடர்பாக போலீசார், தலைமறைவான 3 பேரையும் வலைவீசி தேடி வருகின்றனர்.

தொடர்புடைய செய்திகள்

1. போலீஸ் நிலையத்துக்கு விசாரணைக்காக அழைத்து வந்த சிறுவன் கைவிலங்குடன் தப்பி ஓட்டம் போலீசார் வலைவீச்சு
நாகையில், போலீஸ் நிலையத்துக்கு விசாரணைக்காக அழைத்து வந்த சிறுவன் கைவிலங்குடன் தப்பி ஓடிவிட்டான். அவனை போலீசார் வலைவீசி தேடி வருகின்றனர்.
2. புதுவை அருகே காதல் விவகாரம்: வாலிபரை கடத்தி கொன்று உடல் எரிப்பு தப்பி ஓடிய கும்பலுக்கு போலீஸ் வலைவீச்சு
புதுவை அருகே காதல் விவகாரத்தில் வாலிபரை கடத்திச் சென்று கொலை செய்து உடலை எரித்த கும்பலை போலீசார் தேடி வருகிறார்கள்.
3. காதல் திருமணம் செய்த மனைவியை கத்தரிக்கோலால் குத்திக்கொன்ற தொழிலாளி போலீசார் வலைவீச்சு
ஒரத்தநாடு அருகே குடும்ப தகராறு காரணமாக காதல் திருமணம் செய்த மனைவியை கத்தரிக்கோலால் குத்திக்கொன்ற தொழிலாளியை போலீசார் வலைவீசி தேடி வருகிறார்கள்.
4. தாரமங்கலம் அருகே மோட்டார் சைக்கிள் மோதி சிறுமி பலி தொழிலாளிக்கு வலைவீச்சு
தாரமங்கலம் அருகே மோட்டார் சைக்கிள் மோதி சிறுமி பலியானாள். விபத்தை ஏற்படுத்திய தொழிலாளியை போலீசார் வலைவீசி தேடி வருகின்றனர்.
5. கோவில் கதவை உடைத்து சிலைகளை திருட முயற்சி மர்ம மனிதர்களுக்கு போலீஸ் வலைவீச்சு
புதுப்பேட்டை அருகே கோவில் கதவை உடைத்து சிலைகளை திருட முயன்ற மர்ம மனிதர்களை போலீசார் வலைவீசி தேடி வருகின்றனர். இந்த சம்பவம் அப்பகுதியில் பரபரப்பை ஏற்படுத்தி இருக்கிறது.