மாவட்ட செய்திகள்

காதல் விவகாரத்தில் டிரைவர் அடித்துக்கொலை சிறுவன் உள்பட 11 பேர் கைது + "||" + Driver beaten up in love affair 11 arrested including child

காதல் விவகாரத்தில் டிரைவர் அடித்துக்கொலை சிறுவன் உள்பட 11 பேர் கைது

காதல் விவகாரத்தில் டிரைவர் அடித்துக்கொலை சிறுவன் உள்பட 11 பேர் கைது
அய்யம்பேட்டை அருகே காதல் விவகாரத்தில் டிரைவர் அடித்துக்கொலை செய்யப்பட்ட சம்பவம் பரபரப்பை ஏற்படுத்தி உள்ளது. இதுதொடர்பாக சிறுவன் உள்பட 11 பேரை போலீசார் கைது செய்து உள்ளனர்.
அய்யம்பேட்டை,

தஞ்சை மாவட்டம் அய்யம்பேட்டை அருகே உள்ள பெருமாக்கநல்லூர் தெற்கு குடியான தெருவை சேர்ந்த சதாசிவம் மகன் சூர்யா (வயது 22). இவர் சொந்தமாக சரக்கு ஆட்டோ வைத்து ஓட்டி வருகிறார். அதே ஊரை சேர்ந்தவர் கருணாகரன்(42). இவர், தஞ்சையில் உள்ள ஒரு தனியார் நிறுவனத்தில் டிரைவராக வேலை பார்த்து வந்தார்.


இவருடைய உறவினரான 17 வயது சிறுமி ஒருவரும், சூர்யாவும் காதலித்து வந்ததாக கூறப்படுகிறது. இவர்கள் இருவரும் வெவ்வேறு சமூகத்தை சேர்ந்தவர்கள் என்பதால் காதலுக்கு இரு வீட்டிலும் எதிர்ப்பு கிளம்பியது. இந்த நிலையில் சூர்யாவும், அந்த சிறுமியும் கடந்த 18-ம் தேதி திடீரென தலைமறைவாகி விட்டனர்.

இதையடுத்து சிறுமியின் உறவினர்கள் நேற்று முன்தினம் இரவு பெருமாக்கநல்லூருக்கு வந்து சூர்யாவின் குடும்பத்தினரை தாக்கி, அவருடைய சரக்கு ஆட்டோவையும், வீட்டையும் அடித்து உடைத்து சேதப்படுத்தினர்.

இதற்கு பதிலடியாக சூர்யாவின் உறவினர்கள் ஒன்று திரண்டு சிறுமியின் உறவினர் கருணாகரன் மற்றும் அவரது குடும்பத்தினரை தாக்கி, அவருடைய வீட்டை சூறையாடினர்.

இந்த மோதல் சம்பவத்தில் கருணாகரன் கட்டையால் தாக்கப்பட்டார். தலையில் படுகாயம் அடைந்த அவரை உறவினர்கள் மீட்டு சிகிச்சைக்காக தஞ்சை அரசு மருத்துவக்கல்லூரி மருத்துவ மனைக்கு கொண்டு சென்றனர்.

ஆனால் மருத்துவமனைக்கு செல்லும் வழியிலேயே கருணாகரன் பரிதாபமாக இறந்தார்.

இதுகுறித்த புகாரின் பேரில் அய்யம்பேட்டை போலீஸ் இன்ஸ்பெக்டர் முருகேசன் வழக்குப்பதிவு செய்து கருணாகரன் மீது தாக்குதல் நடத்தியதாக பெருமாக்கநல்லூரை சேர்ந்த அய்யப்பன்(24), கார்த்தி(28), தினேஷ்(25), குருமூர்த்தி(30), பிரகாஷ்(24), மணிகண்டன்(24), சரவணன்(39), சங்குபிள்ளை(50), பொன்னுசாமி(52), செல்லப்பா(42) மற்றும் 17 வயது சிறுவன் உள்பட 11 பேரை கைது செய்தனர்.

காதல் விவகாரத்தில் டிரைவர் அடித்துக்கொலை செய்யப்பட்ட சம்பவம் அந்த பகுதியில் பரபரப்பை ஏற்படுத்தி உள்ளது. இந்த சம்பவத்தை தொடர்ந்து பெருமாக்க நல்லூர் கிராமத்தில் பலத்த போலீஸ் பாதுகாப்பு போடப்பட்டுள்ளது.

தொடர்புடைய செய்திகள்

1. நாமக்கல் அருகே, செல்போன் கோபுரம் அமைக்க பெண்கள் எதிர்ப்பு - சாலைமறியலில் ஈடுபட்டதால் போக்குவரத்து பாதிப்பு
நாமக்கல் அருகே குடியிருப்பு பகுதியில் செல்போன் கோபுரம் அமைக்க எதிர்ப்பு தெரிவித்து பெண்கள் சாலைமறியலில் ஈடுபட்டதால் சுமார் ½ மணி நேரம் போக்குவரத்து பாதிக்கப்பட்டது.
2. பிலிப்பைன்ஸ் நாட்டு பெண்ணை காதல் திருமணம் செய்த தமிழக வாலிபர்
பிலிப்பைன்ஸ் நாட்டு பெண்ணை காதல் திருமணம் செய்த தமிழக வாலிபர்.
3. இங்கிலாந்து பாராளுமன்றத்தை முடக்குவதற்கு எதிராக வாக்களித்த இங்கிலாந்து மக்கள்
இங்கிலாந்து பாராளுமன்றத்தை முடக்குவதற்கு எதிர்ப்பு தெரிவித்து இங்கிலாந்து அரசின் வலைத்தளத்தில் இங்கிலாந்து மக்கள் வாக்களித்துள்ளனர்.
4. நாகர்கோவில் என்.ஜி.ஓ. காலனியில் டாஸ்மாக் கடை திறக்க பொதுமக்கள் எதிர்ப்பு
என்.ஜி.ஓ. காலனியில் டாஸ்மாக் கடையை திறக்க எதிர்ப்பு தெரிவித்து பொதுமக்கள் கஞ்சி காய்ச்சும் போராட்டத்தில் ஈடுபட்டதால் பரபரப்பு ஏற்பட்டது.
5. பொதுமக்களின் எதிர்ப்பையும் மீறி கொள்ளிடம் ஆற்றில் அரசு மணல் குவாரி அமைப்பு
பொதுமக்களின் எதிர்ப்பையும் மீறி கபிஸ்தலம் அருகே கொள்ளிடம் ஆற்றில் அரசு மணல் குவாரி அமைக்கப்பட்டது.