மாவட்ட செய்திகள்

திண்டுக்கல்லில் தடையை மீறி தயாரிக்கப்பட்ட 3½ டன் பாலித்தீன் பைகள் பறிமுதல் - அதிகாலையில் அதிகாரிகள் அதிரடி நடவடிக்கை + "||" + Dindigul Manufactured despite ban 3½ tons of polythene bags seized Early morning action by officers

திண்டுக்கல்லில் தடையை மீறி தயாரிக்கப்பட்ட 3½ டன் பாலித்தீன் பைகள் பறிமுதல் - அதிகாலையில் அதிகாரிகள் அதிரடி நடவடிக்கை

திண்டுக்கல்லில் தடையை மீறி தயாரிக்கப்பட்ட 3½ டன் பாலித்தீன் பைகள் பறிமுதல் - அதிகாலையில் அதிகாரிகள் அதிரடி நடவடிக்கை
திண்டுக்கல்லில் தடையை மீறி தயாரிக்கப்பட்ட 3½ டன் பாலித்தீன் பைகளை அதிகாரிகள் பறிமுதல் செய்தனர்.
திண்டுக்கல், 

திண்டுக்கல் மாநகராட்சி பகுதியில் தடை செய்யப்பட்ட பாலித்தீன் பைகள், பிளாஸ்டிக் டம்ளர்களை மாநகராட்சி அதிகாரிகள் பறிமுதல் செய்து வருகின்றனர். எனினும், நள்ளிரவு நேரத்தில் லாரிகளில் கொண்டு வந்து கடைகளுக்கு விற்பனை செய்யப்படுகின்றன. இதை அறிந்த அதிகாரிகள் கடந்த சில நாட்களுக்கு முன்பு சோதனை நடத்தி, 2 லாரிகளில் கொண்டு வரப்பட்ட பாலித்தீன் பைகளை பறிமுதல் செய்தனர்.

இதற்கிடையே ஒருசில நிறுவனங்களில் ரகசியமாக தடையை மீறி, பாலித்தீன் பைகளை தயாரிப்பதாக புகார்கள் வந்தன. இதனால் மாசுக்கட்டுப்பாடு மற்றும் மாநகராட்சி அதிகாரிகள் ரகசியமாக கண்காணித்து வந்தனர். இந்த நிலையில் நேற்று அதிகாலை ஒரு நிறுவனத்தில் பாலித்தீன் பைகள் தயாரிக்கப்படுவதாக தகவல் கிடைத்தது.

இதையடுத்து அதிகாலை 5 மணி அளவில் திண்டுக்கல் முருகபவனத்தில் ஒரு நிறுவனத்தில் மாசுக்கட்டுப்பாடு மற்றும் மாநகராட்சி அதிகாரிகள் அதிரடியாக நுழைந்தனர். அப்போது அங்கு தடை செய்யப்பட்ட பாலித்தீன் பைகள் தயாரித்து கொண்டிருந்தனர். மேலும் விற்பனைக்கு கொண்டு செல்வதற்காக மூட்டை, மூட்டையாக பாலித்தீன் பைகள் இருந்தன.

மொத்தம் 3½ டன் பாலித்தீன் பைகள் இருந்தன. இதைத் தொடர்ந்து பாலித்தீன் பைகளை அதிகாரிகள் பறிமுதல் செய்தனர். பின்னர் அவற்றை லாரியில் ஏற்றி பாலித்தீன் பைகள் அரவை கூடத்துக்கு கொண்டு சென்றனர். மேலும் இதுதொடர்பாக மாசுக்கட்டுப்பாட்டு அதிகாரிகள் வழக்குப்பதிவு செய்து விசாரணை நடத்தி வருகின்றனர்.

தொடர்புடைய செய்திகள்

1. காரில் கடத்திய 70 மது பாட்டில்கள் பறிமுதல்; முன்னாள் ராணுவ வீரர் கைது
களியக்காவிளை அருகே காரில் கடத்திய 70 மது பாட்டில்களை போலீசார் பறிமுதல் செய்தனர். இதுதொடர்பாக முன்னாள் ராணுவ வீரரை கைது செய்து விசாரணை நடத்தி வருகிறார்கள். இதுகுறித்த விவரம் வருமாறு:–
2. கோவையில், 100 கிலோ கலப்பட நெய் பறிமுதல் - உணவு பாதுகாப்புத்துறை அதிகாரிகள் நடவடிக்கை
கோவையில் 100 கிலோ கலப்பட நெய்யை பறிமுதல் செய்து, உணவு பாதுகாப்புத்துறை அதிகாரிகள் நடவடிக்கை எடுத்தனர்.
3. டெல்லி சட்டசபை தேர்தல்; கணக்கில் காட்டப்படாத ரூ.50.97 கோடி பறிமுதல்
டெல்லி சட்டசபை தேர்தலை முன்னிட்டு கணக்கில் காட்டப்படாத ரூ.50.97 கோடியை போலீசார் பறிமுதல் செய்தனர்.
4. ரூ.18½ லட்சம் கடத்தல் தங்கம் பறிமுதல்
திருச்சி விமான நிலையத்தில் ரூ.18½ லட்சம் கடத்தல் தங்கம் பறிமுதல் செய்யப்பட்டது.
5. நாட்டுக்கோழி முட்டைகள் எனக்கூறி சாயம் ஏற்றி விற்பனை செய்யப்பட்ட முட்டைகள் பறிமுதல்
கோவையில் நாட்டுக்கோழி முட்டைகள் எனக்கூறி சாயம் ஏற்றி விற்பனை செய்யப்பட்ட முட்டைகளை உணவு பாதுகாப்பு துறையினர் பறிமுதல் செய்தனர்.