மாவட்ட செய்திகள்

நுகர்பொருள் வாணிப கழகத்துக்கு எதிராக வழக்கு தொடர்ந்தவருக்கு ரூ.10 ஆயிரம் அபராதம் - மதுரை ஐகோர்ட்டு உத்தரவு + "||" + Against the Consumer Marketing Corporation Case To continue Rs.10,000 fine

நுகர்பொருள் வாணிப கழகத்துக்கு எதிராக வழக்கு தொடர்ந்தவருக்கு ரூ.10 ஆயிரம் அபராதம் - மதுரை ஐகோர்ட்டு உத்தரவு

நுகர்பொருள் வாணிப கழகத்துக்கு எதிராக வழக்கு தொடர்ந்தவருக்கு ரூ.10 ஆயிரம் அபராதம் - மதுரை ஐகோர்ட்டு உத்தரவு
நுகர்பொருள் வாணிப கழகத்துக்கு எதிராக வழக்கு தொடர்ந்தவருக்கு ரூ.10 ஆயிரம் அபராதம் விதித்து மதுரை ஐகோர்ட்டு உத்தரவிட்டுள்ளது.
மதுரை,

மதுரை திருப்பரங்குன்றத்தைச் சேர்ந்த வேதசங்கரநாராயணன், மதுரை ஐகோர்ட்டில் தாக்கல் செய்த மனுவில், ‘தமிழகம் முழுவதும் உள்ள தமிழ்நாடு நுகர்பொருள் வாணிப கழகத்தின் 32 மண்டலங்களில் நெல், அரிசி, கோதுமை, பருப்பு உள்ளிட்ட பல உணவுப்பொருட்களை 1.9.2019 முதல் 31.8.2021 வரை வாகனங்களில் கொண்டு செல்வதற்கான டெண்டர் அறிவிப்பு நிர்வாக இயக்குனரால் கடந்த ஜூலை மாதம் வெளியிடப்பட்டது. இந்த டெண்டரில் பங்கேற்க விரும்பும் தகுதியுள்ள ஒப்பந்ததாரர் இந்த மாதம் 7-ந்தேதி முதல் 13-ந்தேதிக்குள் விண்ணப்பிக்க வேண்டும் என கூறப்பட்டிருந்தது. டெண்டர் விதிப்படி அறிவிக்கப்பட்டது முதல் விண்ணப்பிப்பது வரையில் 30 நாள் கால அவகாசம் அளிக்க வேண்டும் என்பது விதி.

இந்த விதியை பின்பற்றாமல் டெண்டர் அறிவிப்பு வெளியிடப்பட்டுள்ளது. இதனால் என்னை போன்ற பலர் டெண்டரில் பங்கேற்க முடியாத நிலை ஏற்பட்டுள்ளது. எனவே இந்த டெண்டர் அறிவிப்பிற்கு தடை விதிக்க வேண்டும். உரிய அவகாசம் அளித்து புதிதாக டெண்டர் அறிவிப்பு வெளியிட உத்தரவிட வேண்டும்‘ என்று கூறியிருந்தார்.

இந்த மனு நீதிபதி ஆர்.சுரேஷ்குமார் முன்பு நேற்று விசாரணைக்கு வந்தது.

அப்போது அரசு வக்கீல் ஆஜராகி, “டெண்டர் பணிகள் முடிந்துவிட்டன. மிகவும் காலதாமதமாக இந்த வழக்கு தொடரப்பட்டு உள்ளது“ என தெரிவித்தார்.

இதையடுத்து, இந்த மனுவை தள்ளுபடி செய்த நீதிபதி, மனுதாரருக்கு ரூ.10 ஆயிரம் அபராதம் விதித்து உத்தரவிட்டார்.

தொடர்புடைய செய்திகள்

1. பிளாஸ்டிக் தடை தீவிரமாக அமல்படுத்தப்படுகிறதா? அறிக்கை அளிக்க அரசுக்கு மதுரை ஐகோர்ட்டு உத்தரவு
பிளாஸ்டிக் தடை தீவிரமாக அமல்படுத்தப்படுகிறதா? என்பது குறித்து அறிக்கை தாக்கல் செய்ய தமிழக அரசுக்கு மதுரை ஐகோர்ட்டு உத்தரவிட்டது. ராமநாதபுரம் மாவட்டம் கமுதியை சேர்ந்த சிரஞ்சீவி, மதுரை ஐகோர்ட்டில் தாக்கல் செய்த மனுவில் கூறியிருந்ததாவது:-
2. புதிய மோட்டார் வாகன சட்டப்படி விதிக்கப்படும் அபராத தொகையை தளர்த்தி உத்தரகாண்ட் அரசு நடவடிக்கை
புதிய மோட்டார் வாகன சட்டப்படி விதிக்கப்படும் அபராத தொகையை தளர்த்தி உத்தரகாண்ட் அரசு நடவடிக்கை எடுத்துள்ளது.
3. புதிய மோட்டார் வாகன சட்டப்படி விதிக்கப்படும் - அபராதத்தை குறைத்து குஜராத் அரசு நடவடிக்கை
புதிய மோட்டார் வாகன சட்டப்படி விதிக்கப்பட்டுள்ள அபராதத்தை குறைத்து குஜராத் அரசு நடவடிக்கை எடுத்துள்ளது.
4. பெண் உள்பட 6 பேரை தாக்கிய வழக்கு: 7 பேருக்கு ஜெயில் தண்டனை - தென்காசி கோர்ட்டு தீர்ப்பு
பெண் உள்பட 6 பேரை தாக்கிய வழக்கில் 7 பேருக்கு ஜெயில் தண்டனை விதித்து தென்காசி கோர்ட்டு தீர்ப்பளித்தது.
5. சேலத்தில் போக்குவரத்து விதிகளை மீறிய வாகன ஓட்டிகளுக்கு அபராதம்
சேலத்தில் போக்குவரத்து விதிகளை மீறிய வாகன ஓட்டிகளுக்கு அபராதம் விதிக்கப்பட்டது.