மாவட்ட செய்திகள்

விநாயகர் சிலையை கரைக்க சென்ற 6 பேர் ஏரியில் மூழ்கி சாவு;ஒரே குடும்பத்தை சேர்ந்தவர்கள் + "||" + 6 persons are dead drowned in lake; Belonging to the same family

விநாயகர் சிலையை கரைக்க சென்ற 6 பேர் ஏரியில் மூழ்கி சாவு;ஒரே குடும்பத்தை சேர்ந்தவர்கள்

விநாயகர் சிலையை கரைக்க சென்ற 6 பேர் ஏரியில் மூழ்கி சாவு;ஒரே குடும்பத்தை சேர்ந்தவர்கள்
நந்துர்பர் அருகே விநாயகர் சிலையை ஏரியில் கரைக்க சென்ற ஒரே குடும்பத்தை சேர்ந்த 6 பேர் தண்ணீரில் மூழ்கி உயிரிழந்தனர்.
மும்பை, 

மராட்டியத்தில் விநாயகர் சதுர்த்தி திருவிழா 11 நாட்கள் விமரிசையாக நடைபெறுவது வழக்கம். அதன்படி இந்த ஆண்டு கடந்த 2-ந் தேதி தொடங்கிய விநாயகர் சதுர்த்தி விழா வருகிற 12-ந் தேதி வரை கொண்டாடப்படுகிறது. மாநிலம் முழுவதும் பொதுஇடங்களிலும், வீடுகளிலும் வைக்கப்பட்டு இருக்கும் வித, விதமான விநாயகர் சிலைகள் வழிபாட்டுக்கு பிறகு நீர் நிலைகளில் கரைக்கப்பட்டு வருகின்றன.

இந்த நிலையில் நந்துர்பர் மாவட்டம் வாசில் கிராமத்தில் ஒரு வீட்டில் வைக்கப்பட்டு இருந்த விநாயகர் சிலையை கரைக்க நேற்று அந்த குடும்பத்தினர் சென்றனர்.

பிற்பகல் 3.30 மணி அளவில் அங்குள்ள ஏரியில் சிலையை கரைப்பதற்காக 6 பேர் தண்ணீரில் இறங்கினார். அப்போது அவர்கள் ஏரியின் ஆழமான பகுதிக்கு சென்றுவிட்டதாக தெரிகிறது. இதனால் தண்ணீரில் நிலைகொள்ள முடியாமல் தவித்த அவர்கள் அபயக்குரல் எழுப்பினர். கரையில் இருந்தவர்கள் ஏரியில் இறங்கி காப்பாற்றுவதற்குள் ஒருவர் பின் ஒருவராக 6 பேரும் நீரில் மூழ்கி பரிதாபமாக உயிரிழந்தனர்.

இவர்கள் உடல்கள் மீட்கப்பட்டு பிரேத பரிசோதனைக்கு அனுப்பி வைக்கப்பட்டன. பலியான அனைவரும் 16 முதல் 24 வயதுக்கு உட்பட்டவர்கள் ஆவர். விநாயகர் சிலை கரைப்பின் போது ஒரே குடும்பத்தை சேர்ந்த 6 பேர் பலியானது பெரும் சோகத்தை ஏற்படுத்தி உள்ளது.

தொடர்புடைய செய்திகள்

1. புதுச்சேரி மாநிலத்தில் கொரோனா பலி 100-ஐ கடந்தது இன்று முதல் புதிய கட்டுப்பாடுகள் அமல்
புதுச்சேரியில் கொரோனாவுக்கு பலியானவர்கள் எண்ணிக்கை 100-ஐ தாண்டியது. புதிதாக 305 பேருக்கு தொற்று பாதிப்பு கண்டறியப்பட்டுள்ளது. இன்று முதல் புதிய கட்டுப்பாடுகள் அமலுக்கு வருகின்றன.
2. மராட்டியத்தில் கொரோனாவுக்கு ஒரே நாளில் 413 பேர் பலி
மராட்டியத்தில் புதிய உச்சமாக கொரோனாவுக்கு ஒரே நாளில் 413 பேர் பலியாகி உள்ளனர்.
3. குற்றாலத்தில் காட்டு யானை மிதித்து வனத்துறை ஊழியர் பலி
குற்றாலத்தில் காட்டு யானை மிதித்து வனத்துறை ஊழியர் இறந்தார்.
4. ஒரே நாளில் 9 பேர் உயிரிழப்பு: நெல்லை, தூத்துக்குடி, தென்காசியில் புதிதாக 393 பேருக்கு கொரோனா
நெல்லை, தூத்துக்குடி, தென்காசியில் நேற்று ஒரே நாளில் 9 பேர் கொரோனாவுக்கு பலியானார்கள். புதிதாக 393 பேருக்கு தொற்று பாதிப்பு கண்டறியப்பட்டது.
5. ஒரே நாளில் 9 பேர் உயிரிழப்பு: நெல்லை, தூத்துக்குடி, தென்காசியில் புதிதாக 393 பேருக்கு கொரோனா
நெல்லை, தூத்துக்குடி, தென்காசியில் நேற்று ஒரே நாளில் 9 பேர் கொரோனாவுக்கு பலியானார்கள். புதிதாக 393 பேருக்கு தொற்று பாதிப்பு கண்டறியப்பட்டது.

ஆசிரியரின் தேர்வுகள்...