மாவட்ட செய்திகள்

விதிமுறைகளை மீறி கட்டப்பட்டுள்ள கட்டிடங்களுக்கு அனுமதி வழங்க திட்டம் - அமைச்சர் நமச்சிவாயம் தகவல் + "||" + Permission to sanction for buildings constructed in violation of regulations

விதிமுறைகளை மீறி கட்டப்பட்டுள்ள கட்டிடங்களுக்கு அனுமதி வழங்க திட்டம் - அமைச்சர் நமச்சிவாயம் தகவல்

விதிமுறைகளை மீறி கட்டப்பட்டுள்ள கட்டிடங்களுக்கு அனுமதி வழங்க திட்டம் - அமைச்சர் நமச்சிவாயம் தகவல்
புதுவையில் விதிமுறைகளை மீறி கட்டப்பட்டுள்ள கட்டிடங்களுக்கு ஒருமுறை முறைப்படுத்துதல் திட்டத்தின் கீழ் அனுமதி அளிக்க உள்ளோம் என்று அமைச்சர் நமச்சிவாயம் தகவல் தெரிவித்துள்ளார்.
புதுச்சேரி,

புதுச்சேரி அக்கார்டு ஓட்டலில் “தாக்குதலுக்கு ஆளாகக்கூடிய இந்திய நிலப்படத் தொகுப்பு மற்றும் பேரழிவு தடுப்பு வடிவமைப்பு, கட்டுமான நடைமுறைகள்” என்ற தலைப்பில் பயிலரங்கம் நடந்தது. இதில் அமைச்சர் நமச்சிவாயம் கலந்து கொண்டு பேசினார். அப்போது அவர் கூறியதாவது:-

இயற்கை சீற்றங்களில் இருந்து மனிதர்களை பாதுகாத்துக்கொள்ள இந்த பயிலரங்கம் தேவை. எந்த ஒரு செயலை செய்தாலும் திட்டமிடுதல் மிகவும் அவசியம். பருவநிலை மாற்றம், புவி வெப்பமயமாதல் போன்ற காரணங்களால் வெள்ளம், புயல், நில நடுக்கம், சுனாமி போன்ற இயற்கை சீற்றங்கள் ஏற்பட்டு வருகிறது. இதை எதிர்கொண்டு வாழ திட்டமிடுதல் அவசியம். இயற்கை சீற்றங்களை எதிர்கொள்ள நம்மை தயார்படுத்தி கொண்டால்தான் பேரழிவுகளில் இருந்து பாதுகாத்துக்கொள்ள முடியும். கட்டுமானத் துறையில் உள்ள பல்வேறு சவால்களை முறியடிக்க திட்டமிடுதல் வேண்டும்.

இயற்கை சீற்றங்களை தாங்கக்கூடிய கட்டிடங்களை உருவாக்க வேண்டியது பொறியாளர்களின் கடமை. முன்பு கட்டிடங்கள் கட்டும்போது திட்டமிடுதல் மற்றும் மதிப்பீடு மட்டுமே தயார் செய்வோம். தற்போது அவைகளுடன் இயற்கை சீற்றங்களை எதிர்கொள்ளக்கூடியதையும் பார்க்க வேண்டியுள்ளது. இல்லையென்றால் பெருத்த உயிர்சேதமும், நஷ்டமும் ஏற்படும்.

புதுவை மாநிலத்தில் மனை விற்பனையை வரை முறைப் படுத்தியுள்ளோம். முறையாக சாலை மற்றும் பொது பயன்பாட்டுக்கு இடம் ஒதுக்க வேண்டும். சட்ட விதிகளை கடைபிடிக்காவிட்டால் மனைகளை விற்க முடியாது. புதுச்சேரி நகர திட்டக் குழுமம் மாஸ்டர் பிளான் தயாரித்துள்ளது. அதற்கு ஒப்புதல் பெற்று ஒரு மாதத்தில் மாஸ்டர் பிளான் அறிவிக்கப்பட உள்ளது. விதிமுறைகளை மீறி கட்டப்பட்டுள்ள கட்டிடங்களுக்கு ஒருமுறை முறைப்படுத்துதல் திட்டம் மூலம் அனுமதி அளிக்க உள்ளோம்.

புதுச்சேரியில் குடிநீர் சவாலான விஷயமாக உள்ளது. தரமான குடிநீர் கொடுப்பது அரசின் லட்சியம். வருங்கால சந்ததிக்கு நிலமும், பணமும் சேர்ப்பது சொத்து அல்ல. சுத்தமான காற்று, நீர், நிம்மதியாக வாழும் சூழல் உருவாக்கித்தர வேண்டியதுதான் அவர்களுக்கான சொத்து. அதனால்தான் மழைநீர் சேமிப்பை முக்கியமாக வலியுறுத்தி வருகின்றோம். பசுமை கட்டிடங்களை ஊக்குவித்து வருகின்றோம்.

புதுவையில் மணல் தட்டுப்பாட்டை போக்க அரசு நடவடிக்கை எடுத்து வருகிறது. வெளிநாட்டில் இருந்து மணலை இறக்குமதி செய்ய 7 பேருக்கு அனுமதி அளித்தோம். ஒருவர் மட்டும்தான் மணலை வெளிநாட்டில் இருந்து இறக்குமதி செய்தார். அதுவும் அரைகுறை அனுமதி பெற்றதால் தற்போது மணல் துறைமுகத்திலேயே நிறுத்தி வைக்கப்பட்டுள்ளது. அது அரசின் தவறு அல்ல.

இவ்வாறு அவர் கூறினார்.

தொடர்புடைய செய்திகள்

1. தனவேலு எம்.எல்.ஏ.வின் பொய்குற்றச்சாட்டுகளை எதிர்கொண்டு மக்கள் மன்றத்தில் அம்பலப்படுத்துவோம் - அமைச்சர் நமச்சிவாயம் உறுதி
தனவேலு எம்.எல்.ஏ.வின் பொய் குற்றச்சாட்டுகளை எதிர்கொண்டு மக்கள் மத்தியில் உண்மை எது? பொய் எது? என்பதை அம்பலப்படுத்துவோம் என்று அமைச்சர் நமச்சிவாயம் கூறியுள்ளார். புதுவை காங்கிரஸ் தலைவரும், பொதுப்பணித்துறை அமைச்சருமான நமச்சிவாயம் விடுத்துள்ள அறிக்கையில் கூறியிருப்பதாவது:-
2. குடியிருப்பு பகுதியில் மழைநீர் தேங்காமல் தடுக்க நடவடிக்கை - அமைச்சர் நமச்சிவாயம் உறுதி
குடியிருப்பு பகுதியில் மழைநீர் தேங்குவதை தடுக்க நடவடிக்கை எடுக்கப்படும் என்று அமைச்சர் நமச்சிவாயம் கூறினார்.
3. ஏரி, குளங்களை ஆக்கிரமிப்பு செய்தவர்கள், தாமாக முன்வந்து அந்த இடங்களை அரசிடம் ஒப்படைக்க வேண்டும் - அமைச்சர் நமச்சிவாயம் வேண்டுகோள்
ஏரி, குளங்களை ஆக்கிரமிப்பு செய்தவர்கள் தாமாக முன்வந்து அதனை காலி செய்து அந்த இடங்களை அரசிடம் ஒப்படைக்க வேண்டும் என்று அமைச்சர் நமச்சிவாயம் வேண்டுகோள் விடுத்துள்ளார்.
4. அமைச்சர் நமச்சிவாயம் வீட்டுக்கு வெடிகுண்டு மிரட்டல் - தொண்டர்கள் திரண்டதால் பரபரப்பு
பொதுப்பணித்துறை அமைச்சர் நமச்சிவாயம் வீட்டுக்கு வெடிகுண்டு மிரட்டல் விடுக்கப்பட்டது. இதை அறிந்து தொண்டர்கள் திரண்டதால் பரபரப்பு ஏற்பட்டது.
5. இடைத்தேர்தலில், காங்கிரஸ் சார்பில் போட்டியிட விருப்பமனு தாக்கல் செய்யலாம் - நமச்சிவாயம் அறிவிப்பு
காமராஜ்நகர் தொகுதி இடைத்தேர்தலில் காங்கிரஸ் சார்பில் போட்டியிட விரும்புபவர்கள் விருப்ப மனு தாக்கல் செய்யலாம் என்று அமைச்சர் நமச்சிவாயம் அறிவித்துள்ளார். புதுவை பிரதேச காங்கிரஸ் கமிட்டி தலைவரும், பொதுப்பணித்துறை அமைச்சருமான நமச்சிவாயம் விடுத்துள்ள அறிக்கையில் கூறியிருப்பதாவது:-

அதிகம் வாசிக்கப்பட்டவை