மாவட்ட செய்திகள்

இம்மானுவேல் சேகரன் நினைவு தினம்: நெல்லையில் வாகன சோதனை தீவிரம் + "||" + Emmanuel Sheeran Memorial Day: Tirunelveli Vehicle test intensity

இம்மானுவேல் சேகரன் நினைவு தினம்: நெல்லையில் வாகன சோதனை தீவிரம்

இம்மானுவேல் சேகரன் நினைவு தினம்: நெல்லையில் வாகன சோதனை தீவிரம்
தியாகி இம்மானுவேல் சேகரன் நினைவு தினத்தையொட்டி நெல்லையில் நேற்று வாகன சோதனை தீவிரப்படுத்தப்பட்டது.
நெல்லை, 

தியாகி இம்மானுவேல் சேகரன் நினைவு தினம் நேற்று கடைபிடிக்கப்பட்டது. இதையொட்டி ராமநாதபுரம் மாவட்டம் பரமக்குடியில் உள்ள அவரது நினைவு இடத்துக்கு பல்வேறு அரசியல் கட்சியினரும், பல்வேறு அமைப்பினரும் மாநிலம் முழுவதும் இருந்து சென்றனர்.

நெல்லை மாவட்டத்தில் இருந்தும் பல்வேறு அரசியல் கட்சிகள் மற்றும் பல்வேறு அமைப்பை சேர்ந்த நிர்வாகிகளும் சென்றனர். இதையொட்டி நெல்லை மாவட்டத்தில் உள்ள அனைத்துவாகன சோதனை சாவடிகளிலும் போலீசார் தீவிர வாகன சோதனையில் ஈடுபட்டனர்.

பரமக்குடிக்கு செல்லும் வாகனங்களில் ஆயுதங்கள் ஏதாவது இருக்கிறதா? என போலீசார் தீவிரமாக சோதனை செய்தனர். சந்தேகப்படும் படியான நபர்கள் பெயர்கள், விலாசம், செல்போன் விவரங்களை போலீசார் ஆவணங்களில் பதிவு செய்தனர்.

குறிப்பிட்ட வாகனங்களுக்கு மேல் செல்லக்கூடாது என ஒரு சில வாகன சோதனை சாவடியில் போலீசார் கட்டுப்பாடு விதித்தனர். வழக்கமாக உள்ள சோதனை சாவடிகள் தவிர கூடுதலாக தற்காலிக வாகன சோதனை சாவடிகள் அமைக்கப்பட்டு இருந்தன.

பாளையங்கோட்டை கே.டி.சி.நகர், வி.எம்.சத்திரம், தச்சநல்லூர், மேலப்பாளையம் ஆகிய இடங்களில் உள்ள வாகன சோதனை சாவடியில் கூடுதல் போலீஸ் பாதுகாப்பு போடப்பட்டு இருந்தது. அதே போல் நெல்லை மாவட்டத்தில் ரோந்து பணியும் தீவிரப்படுத்தப்பட்டது.

தொடர்புடைய செய்திகள்

1. சோதனைக்கு நிறுத்தாமல் போலீஸ் ஜீப்பை இடித்து தள்ளிவிட்டு காரை ஓட்டிச்சென்ற டிரைவர்: சப்-இன்ஸ்பெக்டர் காயம்
மகேந்திரமங்கலம் அருகே சினிமா பாணியில், வாகன சோதனைக்கு நிறுத்தாமல் போலீஸ் ஜீப்பை இடித்து தள்ளிவிட்டு காரை ஓட்டிச்சென்ற டிரைவரை போலீசார் கைது செய்தனர். தடுப்பு விழுந்ததில் போலீஸ் சப்-இன்ஸ்பெக்டர் காயம் அடைந்தார்.
2. வாகன சோதனையின் போது போலீசார் தாக்கிய டிரைவருக்கு ரூ.50 ஆயிரம் இழப்பீடு - மனித உரிமை ஆணையம் உத்தரவு
வாகன சோதனையின் போது போலீசார் தாக்கிய டிரைவருக்கு ரூ.50 ஆயிரம் இழப்பீடு வழங்க மனித உரிமை ஆணையம் உத்தரவிட்டுள்ளது.
3. பண்ருட்டி அருகே பரபரப்பு: வாகன சோதனையில் ஈடுபட்ட போலீசார் மீது தாக்குதல் - வாலிபரை பிடித்து பொதுமக்கள் தர்மஅடி
வாகன சோதனையில் ஈடுபட்ட போலீசாரை தாக்கி விட்டு மோட்டார் சைக்கிளில் சென்ற வாலிபரை பொதுமக்கள் பிடித்து தர்மஅடி கொடுத்தனர். பண்ருட்டி அருகே நடந்த இந்த பரபரப்பு சம்பவம் பற்றிய விவரம் வருமாறு:-
4. கோவையில் வாகன சோதனை: கேரளாவை கலக்கிய 2 கொள்ளையர்கள் கைது - பாலக்காடு போலீசார் விசாரணைக்கு அழைத்துச்சென்றனர்
கோவையில் நடந்த வாகன சோதனையின்போது கேரளாவை கலக்கிய 2 கொள்ளையர்கள் கைது செய்யப்பட்டனர். அவர்களை பாலக்காடு போலீசார் விசாரணைக்கு அழைத்துச்சென்றனர்.
5. சேலத்தில், வாகன சோதனையில் ரசீது மாற்றி கொடுத்த புகார்: போலீஸ் சப்-இன்ஸ்பெக்டர் பணி இடைநீக்கம்
சேலத்தில் வாகன சோதனையின் போது ரசீது மாற்றி கொடுத்த புகாரில் போலீஸ் சப்-இன்ஸ்பெக்டர் பணி இடைநீக்கம் செய்யப்பட்டார்.