மாவட்ட செய்திகள்

ஈரோட்டில் கத்தியால் குத்தப்பட்ட வாலிபர் சாவு; 4 பேர் கைது + "||" + youth Death by knife in Erode; 4 people Arrested

ஈரோட்டில் கத்தியால் குத்தப்பட்ட வாலிபர் சாவு; 4 பேர் கைது

ஈரோட்டில் கத்தியால் குத்தப்பட்ட வாலிபர் சாவு; 4 பேர் கைது
ஈரோட்டில் கத்தியால் குத்தப்பட்ட வாலிபர் சிகிச்சை பலனின்றி இறந்தார். இது தொடர்பாக 4 பேரை போலீசார் கைது செய்தனர்.
ஈரோடு,

கோவை மாவட்டம் வடபாவை காமராஜர் நகரை சேர்ந்தவர் பிரதீப் (வயது 32). கூலித்தொழிலாளி. இவர் கடந்த 12–ந் தேதி தனது நண்பர்களை பார்ப்பதற்காக ஈரோட்டுக்கு வந்தார். இரவு 11 மணிஅளவில் கருங்கல்பாளையம் கே.என்.கே.ரோடு பகுதியில் உள்ள ஒரு கடை முன்பு நின்று கொண்டு இருந்தார். அப்போது அங்கு வந்த 4 பேர் கொண்ட கும்பல் பிரதீப்பை தாக்கியது. மேலும், அவர்கள் கத்தியால் பிரதீப்பின் தலை, முதுகு, மார்பு, காது உள்ளிட்ட இடங்களில் சரமாரியாக குத்தினார்கள். இதில் ரத்த வெள்ளத்தில் பிரதீப் சம்பவ இடத்திலேயே சரிந்து விழுந்தார். உடனடியாக அந்த கும்பல் அங்கிருந்து தப்பி ஓடிவிட்டது.


பிரதீப்பை அக்கம் பக்கத்தினர் மீட்டு சிகிச்சைக்காக ஈரோடு அரசு ஆஸ்பத்திரிக்கு அனுப்பி வைத்தனர். அங்கு அவருக்கு டாக்டர்கள் தீவிர சிகிச்சை அளித்தனர். ஆனால் சிகிச்சை பலனின்றி பிரதீப் நேற்று அதிகாலை பரிதாபமாக இறந்தார்.

இதுகுறித்து கருங்கல்பாளையம் போலீசார் ஏற்கனவே ஈரோடு கிருஷ்ணம்பாளையத்தை சேர்ந்த குப்புசாமியின் மகன் மணிகண்டன் (24), ஜானகி அம்மாள் லேஅவுட் பகுதியை சேர்ந்த அப்துல்லாவின் மகன் இப்ராகிம் என்ற பாலமுருகன்(24), ஜின்னா வீதியை சேர்ந்த சுலைமான்ஹசீன் (23), முத்தான் என்கிற முத்து (21) ஆகிய 4 பேர் மீது வழக்குப்பதிவு செய்து வலைவீசி தேடி வந்தனர்.

இந்த நிலையில் பிரதீப் சிகிச்சை பலனின்றி இறந்ததால், இதை கொலை வழக்காக மாற்றி பதிவு செய்தனர். முன்விரோதத்தில் இந்த சம்பவம் நடந்துள்ளது விசாரணையில் தெரிய வந்துள்ளது.

மேலும் இந்த கொலை சம்பவத்தில் தலைமறைவாக இருந்த 4 பேரையும் போலீசார் நேற்று கைது செய்தனர்.

தொடர்புடைய செய்திகள்

1. வீட்டில் விபசாரம் நடத்திய பெண்கள் உள்பட 4 பேர் கைது
பண்ருட்டியில் வீட்டில் விபசாரம் நடத்திய பெண்கள் உள்பட 4 பேரை போலீசார் கைது செய்தனர்.
2. திருக்கோவிலூர் அருகே வாலிபர் மீது தாக்குதல்; 2 பேர் கைது
திருக்கோவிலூர் அருகே உள்ள மேலத்தாழனூர் மதுரா சின்னசெட்டிப்பாளையம் கிராமத்தை சேர்ந்தவர் முருகதாஸ் (வயது 35). இவருக்கும் அதே ஊரை சேர்ந்த அண்ணாதுரை மகன்கள் தங்கதுரை (29), கார்த்தி (27) ஆகியோருக்கும் இடையே முன்விரோதம் இருந்து வருகிறது.
3. அரசு மருத்துவமனைக்குள் புகுந்து நண்பரை கொல்ல முயற்சி ; வாலிபர் கைது
திருக்கோவிலூர் அரசு மருத்துவமனைக்குள் புகுந்து நண்பரை கொல்ல முயன்ற வாலிபரை போலீசார் கைது செய்தனர்.
4. வட்டார வளர்ச்சி அலுவலருக்கு மிரட்டல்; 2 பேர் கைது
ஊத்தங்கரை வட்டார வளர்ச்சி அலுவலராக பணியாற்றி வருபவர் அசோகன். சம்பவத்தன்று இவர் கல்லாவி அருகே கொல்லப்பட்டியில் ஊராட்சி தண்ணீர் தொட்டி அருகில் ஆய்வு பணியில் ஈடுபட்டிருந்தார்.
5. தமிழகத்தில் ஊரடங்கு விதிமீறல்; 4.92 லட்சம் பேர் கைது
தமிழகத்தில் ஊரடங்கு விதிமீறலில் ஈடுபட்ட 4.92 லட்சம் பேர் போலீசாரால் கைது செய்யப்பட்டு உள்ளனர்.