மாவட்ட செய்திகள்

பெங்களூருவில் திருட்டு, கொள்ளையில் ஈடுபட்ட 21 பேர் கைது ரூ.90 லட்சம் நகைகள், வாகனங்கள் மீட்பு + "||" + In Bangalore Theft and robbery 21 arrested Rs. 90 Lakhs Jewelry & Vehicles Rescue

பெங்களூருவில் திருட்டு, கொள்ளையில் ஈடுபட்ட 21 பேர் கைது ரூ.90 லட்சம் நகைகள், வாகனங்கள் மீட்பு

பெங்களூருவில் திருட்டு, கொள்ளையில் ஈடுபட்ட 21 பேர் கைது ரூ.90 லட்சம் நகைகள், வாகனங்கள் மீட்பு
பெங்களூருவில் திருட்டு, கொள்ளையில் ஈடுபட்ட 21 பேர் கைது செய்யப்பட்டு உள்ளனர். அவர் களிடம் இருந்து ரூ.90 லட்சம் மதிப்பிலான நகைகள், வாகனங்கள் மீட்கப்பட்டுள்ளது.
பெங்களூரு,

பெங்களூரு தென்கிழக்கு மண்டல போலீசார், திருட்டு, கொள்ளை உள்ளிட்ட குற்ற சம்பவங்களில் ஈடுபட்டு இருந்த கும்பலை கைது செய்து, அவர்களிடம் இருந்து நகைகள், வாகனங்களை மீட்டு இருந்தனர். அந்த நகைகள், வாகனங்களை, அவற்றின் உரிமையாளர்களிடம் ஒப்படைக்கும் நிகழ்ச்சி கோரமங்களா போலீஸ் நிலையத்தில் நேற்று நடைபெற்றது. இதில், கிழக்கு மண்டல சட்டம்-ஒழுங்கு கூடுதல் போலீஸ் கமிஷனர் முருகன், தென்கிழக்கு மண்டல துணை போலீஸ் கமிஷனர் இஷா பண்ட் ஆகியோர் பார்வையிட்டனர்.


பின்னர் அந்த நகைகள், வாகனங்களை, அவற்றின் உரிமையாளர்களிடம் கூடுதல் போலீஸ் கமிஷனர் முருகன் வழங்கினார். முன்னதாக அவர் நிருபர்களுக்கு அளித்த பேட்டியின் போது கூறியதாவது:-

பெங்களூரு நகரில் திருட்டு, கொள்ளை, வழிப்பறி உள்ளிட்ட குற்ற சம்பவங்களில் ஈடுபட்டு வந்த 21 பேரை தென்கிழக்கு மண்டலத்தில் உள்ள கோரமங்களா, பரப்பனஅக்ரஹாரா, ஆடுகோடி, எச்.எஸ்.ஆர். லே-அவுட் போலீசார் கைது செய்துள்ளனர். கைதானவர்கள் கொடுத்த தகவல்களின் பேரில் 440 கிராம் தங்க நகைகள், 450 கிராம் வெள்ளி பொருட்கள், 47 இருசக்கர வாகனங்கள், 2 நான்கு சக்கர வாகனங்கள் மீட்கப்பட்டு உள்ளது.

மேலும் 22 கிலோ கஞ்சா, 50 கிராம் எம்.டி.எம்.ஏ. என்ற போதைபொருளும் பறிமுதல் செய்யப்பட்டு இருக்கிறது. இவற்றின் மதிப்பு ரூ.90 லட்சம் ஆகும். இதன்மூலம் நகரில் பல்வேறு போலீஸ் நிலையங்களில் பதிவாகி இருந்த 51 வழக்குகளில் தீர்வு காணப்பட்டுள்ளது. கோரமங்களா மற்றும் பரப்பனஅக்ரஹாரா போலீசார், இருசக்கர வாகனங்களை திருடும் கும்பலை திறமையாக செயல்பட்டு பிடித்துள்ளனர். அவர்களுக்கு எனது பாராட்டுக்களை தெரிவித்து கொள்கிறேன். இவ்வாறு கூடுதல் போலீஸ் கமிஷனர் முருகன் கூறினார்.

பேட்டியின் போது துணை போலீஸ் கமிஷனர் இஷா பண்ட் உடன் இருந்தார்.

தொடர்புடைய செய்திகள்

1. தென்தாமரைகுளத்தில் துணிகரம் அம்மன் கோவிலில் 17 பவுன் நகை கொள்ளை
தென்தாமரைகுளத்தில் அம்மன்கோவில் பூட்டை உடைத்து 17 பவுன் தங்க நகை, ஒரு கிலோ வெள்ளிப் பொருட்களை கொள்ளையடித்துச் சென்ற மர்ம நபர்களை போலீசார் வலைவீசி தேடி வருகிறார்கள்.
2. திருச்சியில் பல்வேறு பகுதிகளில் 6 மோட்டார் சைக்கிள், ஆட்டோ சக்கரங்கள் திருட்டு
திருச்சியில் ஆட்டோ சக்கரங்கள் மற்றும் 6 மோட்டார் சைக்கிள்கள் திருட்டுபோனதாக வழக்குப்பதிவு செய்யப்பட்டுள்ளது.
3. வேப்பந்தட்டை அருகே வரதராஜ பெருமாள் கோவில் உண்டியலை திருடிச்சென்ற மர்ம நபர்
வேப்பந்தட்டை அருகே வரதராஜபெருமாள் கோவில் உண்டியலை மர்ம நபர் திருடிச்சென்றார். கண்காணிப்பு கேமராவில் பதிவாகியிருந்த உருவத்தை பார்வையிட்டு போலீசார் விசாரணை நடத்தி வருகின்றனர்.
4. பெங்களூருவில், கல்லூரி மாணவர்களுக்கு கஞ்சா விற்ற 3 வாலிபர்கள் கைது - ரூ.50 லட்சம் கஞ்சா, கார் பறிமுதல்
பெங்களூருவில் கல்லூரிமாணவர்களுக்கு கஞ்சா விற்று வந்த 3 வாலிபர்கள் கைது செய்யப்பட்டனர். அவர்களிடம் இருந்து ரூ.50 லட்சம் மதிப்பிலான கஞ்சா, கார் பறிமுதல் செய்யப்பட்டுள்ளது.
5. பெங்களூருவில் சட்டவிரோதமாக தங்கி இருந்து போதைப்பொருள் விற்ற ஆப்பிரிக்காவை சேர்ந்த வாலிபர் கைது - விருந்து நிகழ்ச்சிகளுக்கு சப்ளை செய்ததும் அம்பலம்
பெங்களூருவில், சட்டவிரோதமாக தங்கி இருந்து போதைப்பொருள் விற்று வந்த ஆப்பிரிக்காவை சேர்ந்த வாலிபர் கைது செய்யப்பட்டு உள்ளார். அவர் விருந்து நிகழ்ச்சிகளுக்கு போதைப்பொருட்களை சப்ளை செய்தது அம்பலமாகி உள்ளது.